လားရှိုး Gold Luck Water Park ကစားကွင်းက ဆေးသုတ်လုပ်သားများ လုပ်ခမရသဖြင့် ဆန္ဒပြ
1K
ရှမ်းပြည်နယ်၊ လားရှိုးမြို့ရှိ Gold Luck Water Park ကစားကွင်းက နေ့စားလုပ်အားခ မရတဲ့ ဆေးသုတ်အလုပ်သမားတွေဟာ ဒီကနေ့ မနက်က လားရှိုးမြို့အတွင်း စီတန်းလှည့်လည် ဆန္ဒပြကြပါတယ်။
လားရှိုးမြို့၊ ရပ်ကွက် ၁၁ ရှိ Gold Luck Water Park ကစားကွင်း လုပ်ငန်းခွင်က ဆေးသုတ်လုပ်သား ၁၅ ယောက်အတွက် လုပ်အားခ ကျပ်သိန်း ၁၃၀ ကျော်ကို အလုပ်ရှင်က ရှင်းမပေးလို့ အလုပ်သမားတွေက ဆန္ဒပြတောင်းဆိုကြတာ ဖြစ်ပါတယ်။
ဆန္ဒပြတဲ့ ဆေးသုတ်လုပ်သားတွေဟာ ရေပန်းဥယျာဉ်ကစားကွင်းမှာ ၂၀၁၈ ခုနှစ် အောက်တိုဘာကစပြီး ၂၀၁၉ ခုနှစ် ဇူလိုင် ၁၆ ရက်အထိ ဆေးသုတ်လုပ်ငန်းကို လုပ်ကိုင်ခဲ့ကြပေမယ့် အလုပ်ရှင် ဦးရဲနိုင်က လုပ်အားခ အပြည့်အဝရှင်းမပေးတာကြောင့် ဆန္ဒပြရတာလို့ အလုပ်သမားခေါင်းဆောင် ကိုယောဟန်ကပြောပါတယ်။
"ကျနော် ဦးရဲနိုင်နဲ့ အလုပ်စလုပ်ခဲ့ချိန်က စာချုပ်ချုပ်ဆိုပြီးလုပ်ထားတာရှိပါတယ်၊ အဲ့ဒါတွေကပြီးသွားပါပြီ။ အခုရမယ့် ပိုက်ဆံတွေက စာချုပ်အပြင် ပုတ်ပြတ်ယူပြီးလုပ်ထားတဲ့ ပိုက်ဆံတွေကို မရှင်းပေးတာပါ။ ကျနော့်အနေနဲ့ လုပ်ငန်းအားလုံးကို ဇူလိုင်လ ၁၆ ရက်က နောက်ဆုံးထားပြီးလုပ်ပေးခဲ့ပြီးပေမယ့် ဦးရဲနိုင်က လုပ်အားခ ရှင်းမပေးဘူး။ ကျနော်တို့ လုပ်အားခမရတော့ စားဝတ်နေရေးနဲ့ ဒီရက်မှာ နေမကောင်းလို့ ဆေးခန်းသွားစရာ ပိုက်ဆံမရှိပါဘူး။ ဒါကြောင့် ကျနော်တို့ လုပ်အားခ အမြန်ရဖို့ ဒီနေ့ ဆန္ဒဖော်ထုတ်တာပါ"
ဆန္ဒပြရာမှာ ပါဝင်တဲ့ အလုပ်သမားတဦးကလည်း “ကျနော် ဦးရဲနိုင်ခြံထဲမှာ အလုပ်လုပ်တာ ၂၀၁၈ ခုနှစ် ၄ လပိုင်းကတည်းကပါ။ လုပ်အားခ ၄၅ ရက်စာ တရက်ကို တသောင်းခွဲနဲ့ ၆ သိန်းကျော်ရမှာပါ။ ကျနော်တို့ လုပ်အားခကို အမြန်ဆုံးရှင်းပေးဖို့တောင်းဆိုပါတယ်"လို့ ပြောပါတယ်။
အလုပ်ရှင်ထံကရမယ့် လုပ်အားခက စုစုပေါင်း ငွေကျပ် ၁၃၄ သိန်းဖြစ်ပြီး ဒီငွေတွေ ပြန်ရဖို့ အလုပ်သမားခေါင်းဆောင်အနေနဲ့ အလုပ်ရှင်၊ အလုပ်သမား အငြင်းပွားမှု ညှိနှိုင်းဖြန်ဖြေရေး ကော်မတီထံ တိုင်ကြားထားပါတယ်။
အလုပ်သမားတွေကို လုပ်အားခရှင်းမပေးတဲ့ ကိစ္စနဲ့ပတ်သက်ပြီး Gold Luck Water Park ပိုင်ရှင် ဦးရဲနိုင်ကိုမေးမြန်းမှာတော့ သူအနေနဲ့ အလုပ်အားခရှင်းမပေးတာမဟုတ်ဘဲ အလုပ် သမားခေါင်းဆောင်အနေနဲ့ လုပ်ငန်းပြီးပြတ်အောင် လုပ်မပေးလို့ ငွေမပေးရသေးတာလို့ ပြောပါတယ်။
"ကျနော်က ရှင်းမပေးတာမဟုတ်ဘူး သူတို့အလုပ်မပြီးပြတ်သေးတာ။ ကျနော် အလုပ်လုပ်တာ ယောဟန်တယောက်ထဲနဲ့ပဲ စာချုပ်ချုပ်ပြီးလုပ်တာ။ ကျန်တဲ့အလုပ်သမား လုပ်အားခ မရတာ ကျနော်နဲ့မဆိုင်ဘူး။ ယောဟန်ပေးရမှာဖြစ်တယ်" လို့ ဦးရဲနိုင်ကပြောပါတယ်။
အလုပ်ရှင်ဦးရဲနိုင်အနေနဲ့ ကိုယောဟန်ကို လုပ်ငန်း ကန်ထရိုက်ပေးပြီး လုပ်ခိုင်းစေခဲ့ တာလို့ပြောပေမယ့် အလုပ်သမားခေါင်းဆောင် ကိုယောဟန်ကတော့ သူဟာ အလုပ်သမားခေါင်းဆောင်အဖြစ်သာလုပ်ကိုင်ခဲ့ပြီး လုပ်ငန်းရှင်က လုပ်ခ ရှင်းမပေးလို့ သူတာဝန်ယူပြီး ခေါ်ထားတဲ့ အလုပ်သမား ၁၄ ယောက်ကို လုပ်အားခမရှင်းပေးနိုင်ဘူး ဆိုပြီး အလုပ်ရှင် အလုပ်သမားကြား အငြင်းပွားမှုလည်း ရှိနေပါတယ်။
Gold Luck Water Park ရေပန်းဥယျာဉ်ကစားကွင်း စတင်ဆောက်လုပ်စဉ်က ပန်ရံလုပ်သားတွေကို လုပ်အားခ ကျပ် သိန်း ၁၀၀ လောက် ရှင်းမပေးလို့ စာရင်းကွာဟတဲ့ ပြဿနာနဲ့ ပန်ရံအလုပ်သမားခေါင်းဆောင်ကို တရားစွဲခဲ့ပြီး ခုချိန်ထိ အမှုမရုပ်သိမ်းသေးပါဘူး။
