မြန်မာနိုင်ငံတွင် အနည်းဆုံးကျားကောင်ရေ ၂၂ ကောင်ခန့်သာ ရှင်သန်ကျက်စား
DVB
·
July 29, 2019
မြန်မာနိုင်ငံမှာ အနည်းဆုံးကျားကောင်ရေ ၂၂ ကောင်လောက် ရှင်သန်ကျက်စားနေတယ်လို့ သစ်တောဦးစီးဌာနက ဇူလိုင် ၂၉ ရက်နေ့ကျရောက်တဲ့ ကမ္ဘာ့ကျားများနေ့မှာ သတင်းထုတ်ပြန်ပါတယ်။
၂၀၁၆ ခုနှစ်ကနေ ၂၀၁၈ ခုနှစ်အတွင်း တက်ဆင်ထားတဲ့ ကင်မရာ ထောင်ချောက်တွေ ကနေ တွေ့ရှိခဲ့တာဖြစ်ပြီး မှတ်တမ်းမတင်ရသေးတဲ့ သဘာဝတောတွေ ကျန်ရှိနေသေးတယ်လို့ သစ်တောဌာနက ဆိုပါတယ်။
မြန်မာနိုင်ငံရဲ့ ဧရိယာ ၇ ရာခိုင်နှုန်းလောက်မှာ ကျားတွေကျက်စားပြီး ဧက ၁၂ သန်းလောက်ရှိပါတယ်။
ကျားတွေဟာ မြန်မာနိုင်ငံမြောက်ပိုင်း၊ အထက်ချင်းတွင်းမြစ်ဝှမ်းဒေသနဲ့ မြန်မာနိုင်ငံ တောင်ပိုင်း တနင်္သာရီ-ဒေါနတောင်တန်းတွေမှာ အဓိက ကျက်စားကြတာပါ။
ကမ္ဘာပေါ်မှာ သဘာဝကျားကောင်ရေ ၄၀၀၀ အောက်သာကျန်ရှိတော့ပြီး ဖမ်းဆီး သတ်ဖြတ်မူတွေကြောင့် မကြာမီ မျိုးတုံးပျောက်ကွယ်မယ့် အန္တရာယ်ရှိနေတယ်လို့လည်း ဇူလိုင် ၂၉ ရက်နေ့ ကျရောက်တဲ့ ကမ္ဘာ့ကျားများနေ့မှာ နိုင်ငံတကာအဖွဲ့အစည်းတွေက သတင်းထုတ်ပြန်ထားပါတယ်။