ဟောင်ကောင်တွင် ရာဇဝတ်ဂိုဏ်းတိုက်ခိုက်မှုကို ဆန့်ကျင်ဆန္ဒပြ

ဟောင်ကောင်မှာ လတ်တလောကြုံတွေ့ခဲ့တဲ့ ရာဇဝတ်ဂိုဏ်း တိုက်ခိုက်မှုကို ဆန့်ကျင်ပြီး ဇူလိုင် ၂၇ ရက်က ယွဲ့လောင်မြို့ထဲမှာ လူထောင်ချီ စုဝေး ဆန္ဒပြခဲ့ကြပါတယ်။ လျှို့ဝှက်ရာဇဝတ်ဂိုဏ်းဝင်တွေလို့ သံသယရှိသူတွေက ဘူတာရုံမှာ ဆန္ဒပြသူတွေနဲ့ လမ်းသွားလမ်းလာတွေကို တိုက်ခိုက်ခဲ့တာပါ။ တိုက်ခိုက်သူတွေ လက်ကနေ ပြည်သူတွေကို ကာကွယ်ဖို့ ပျက်ကွက်လို့ ရဲတွေဟာ ကျယ်ကျယ်ပြန့်ပြန့် ဝေဖန်ခံနေရပါတယ်။ ဆန္ဒပြသူတွေရဲ့ ချီတက်ပွဲကိုခွင့်ပြုဖို့ ရဲတွေက ငြင်းခဲ့ပါတယ်။ ဒါပေမယ့် ထောင်ချီတဲ့ ဆန္ဒပြသူတွေက ရဲတွေရဲ့ ငြင်းပယ်ချက်ကိုအာခံပြီး အစောပိုင်းမှာ ငြိမ်းငြိမ်းချမ်းချမ်း ဆန္ဒပြခဲ့ပါတယ်။ ဒါပေမယ့် ဟောင်ကောင်နွေ အပူချိန်အောက်မှာ ရဲနဲ့ ဆန္ဒပြသူတွေ နေရာအတော်များများမှာ ထိပ်တိုက်တွေ့အပြီး တင်းမာမှု တိုးလာနေပါတယ်။ ဆန္ဒပြသူတွေက လမ်းတွေကို ထီးတွေ ပရိဘောဂတွေနဲ့ ပိတ်ဆို့ထားပြီး ရဲတွေကို ကျောက်ခဲတွေ ပုလင်းတွေနဲ့ ပစ်ပေါက်ခဲ့ကြပါတယ်။ ဆန္ဒပြလူစုကို ရဲတွေက မျက်ရည်ယိုဓာတ်ငွေ့တွေ ရာဘာကျည်ဆန်တွေသုံးပြီး လူစုခွဲခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up