မောင်တော အငူမှော်လမ်းတွင် ကုန်တင်ကားများ နွံနစ်ပြီး လမ်းပိတ်ဆို့မှုဖြစ်နေ
DVB
·
July 28, 2019
ရခိုင်ပြည်နယ်၊ မောင်တော အငူမှော် ကွန်ကရစ်လမ်းမှာ ဇူလိုင်လ ၂၆ ရက်နေ့ နေ့လယ်ပိုင်းကစပြီး ရေ၀ပ်ပြီး လမ်းပျက်စီးနေတာကြောင့် ကုန်တင်ကားနွံနစ်ပြီး လမ်းပိတ်ဆို့မှုဖြစ်ပွားကာ ဒီနေ့အထိ လမ်းပန်းဆက်သွယ် ရေးပြတ်တောက်နေတယ်လို့ ခရီးသွား ပြည်သူတွေက ပြောပါတယ်။
ခရီးသွားပြည်သူတဦးဖြစ်တဲ့ ကိုထွန်းမြတ်ဦးက “လမ်းတွေကတော တော်တော်များများ ပျက်စီးနေပါတယ်။ ပြုပြင်ထိန်သိမ်းမှု အားနည်းနေတာပါ။ အပြစ်ပြောရင်ကုန်တင်ကားတွေကိုပဲ အပြစ်ပြောမယ်။ ကုန်တင်ကားတွေကလည်း ဒီလမ်းကို အသုံးမပြုရင်နောက်လမ်းမှ မရှိတာလေ။ ပြုပြင်ပေးရမှာက အစိုးရတာဝန်သာဖြစ်တယ်။ အခုလို လမ်းတွေပိတ်ပြီး ကုန်စည်စီးဆင်းမှု ပိတ်နေပါက ကုန်ဈေးနှုန်းက တက်လာတောမှာပါ" လို့ ပြောကြားပါတယ်။
အခုကားတွေ နွံနစ်ပြီး လမ်းပိတ်ဆိုတဲ့နေရာမှာ ရွှေရင်းအေးကျေးရွာနဲ့ ကင်းချောင်းကျေးရွာအကြား ARG စခန်းအနီး ဖြစ်ပြီး စစ်တွေကတက်လာတဲ့ကားတွေနဲ့ မောင်တောက ဆင်းလာတဲ့ကားတွေ လုံးဝသွားမရဘဲ ပိတ်ဆို့နေတာပါ။
ကုန်တင်ကားမောင်းတဲ့ ကိုဝေသန်းကတော “အခု လမ်းပေါက်ပြဲတဲ့နေရာတွေမှာ ကျောက်ထည့်တာတောင် ကျနော်တို့ ကားသမားတွေ စုပေါင်းပြီး လမ်းခင်း ကျောက်တွေဝယ်ယူပြီး ထည့်ပေးရတာ၊ တာဝန်ရှိတဲ့လူတွေက လုံးဝလာရောက်ကြည့်ရှုခြင်းမရှိဘူး။ မိုးရာသီမှာ ရေနုတ်ရေမြောင်းတွေ လုံးဝမရှိလို့ အခုလိုပျက်စီးရတာ” လို့ ပြောပါတယ်။
အဆိုပါလမ်းမှာ နယ်စပ်ရေးရာဝန်ကြီးဌာန ရန်ပုံငွေနဲ့ ၂၀၁၃/၁၄ ခုနှစ်မှာ AMC ကုမ္ပဏီက ဖောက်လုပ်တာဖြစ်ပြီး ၅ နှစ်အကြာမှာ အခုလို ပျက်စီးသွားခဲ့တာပါ။
မောင်တောခရိုင်ဒုအုပ်ချုပ်ရေးမှူး ဦးရဲထူးက “ဒီလမ်းပျက်စီးတာက ကားတွေက Over weigh တင်တာတွေရှိတယ်၊ Over weight ကို တားဆီးဖို့ ကွန်ကရစ်နဲ့တန်းတွေ တပ်ဆင်မှာဖြစ်တယ်။ သုံးနေရာလောက် တပ်ဆင်မှာဖြစ်တယ်။ ဒီလမ်းကိုပြုပြင်ဖို့ ရန်ပုံငွေက မပါဆိုတော့ ကွင်းဆင်းစစ်ဆေးပြီး ကုန်ကျမူအတိုင်းအတာကို တွက်ချက်ပြီး အစိုးအရအဖွဲ့ဆီ တင်ပြပြီး ပြုပြင်သွားမှာပါ။ အခုလာမယ့် တနင်္လာနေ့ ကွင်းဆင်းမယ်” လို့ပြောပါတယ်။