မြေနုကျွန်းပဋိပက္ခများ ထပ်မံမဖြစ်ပွားစေရန် ဥပဒေနှင့်အညီ လိုက်နာရန်လိုဟုဆို
မကွေးတိုင်းဒေသကြီးအစိုးရ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး မင်းဦး
961
ရေနံချောင်းမြို့နယ်အတွင်း ဇူလိုင် ၂၃ ရက် နေ့က ဖြစ်ပွားခဲ့တဲ့ မြေနုကျွန်းအငြင်းပွားမှု အလားတူဖြစ်စဉ်တွေ ထပ်မံမဖြစ်ပွားစေဖို့ ဥပဒေနဲ့အညီ လိုက်နာဖို့ လိုအပ်ကြောင်း မကွေးတိုင်း လယ် ယာမြေစီမံခန့်ခွဲရေးနှင့်စာရင်းအင်းဦးစီးဌာန၊ တိုင်းဦးစီးမှူးက ပြောပါတယ်။
“ကျနော်တို့ စီမံခန့်ခွဲရေး နည်းလမ်းကို လိုက်နာတယ်ဆိုရင် ဒီဖြစ်လောက်ကြီး ဖြစ်စရာ မလိုဘူး အခုမတန်ဘူးဗျာ။ ဒီနေရာလေးကို ကြည့်ရင် ၇ ဧကလောက်ပဲ ရှိတယ်။ ဘာ့ကြောင့် ၇ ဧကလောက်ပဲလို့ ပြောလဲဆိုရင် တိုင်းတာခွင့်မရဘူး။ တိုင်းတာခွင့်ပေးလိုက်မယ်၊ စီမံခန့်ခွဲမှု လိုက်နာမယ်ဆိုရင် တမျိုး။ တဖက်ကလည်း အုပ်ချုပ်မှု နယ်နမိတ်အရ တို့ပိုင်တယ် ဒီအထိကို မတိုင်းနဲ့။ တဖက်ကလည်း ကန်သာရွာကလည်း တို့ရနေတယ်ဆိုတယ်၊ ဥပဒေအရ ပိုင်ဆိုင်တယ်ဆိုပြီး ပိုက်ရင်လည်း ပိုက်ထားမှာပေါ့” လို့ တိုင်းဦးစီးမှူး ဦးဇော်ဝင်း က ပြောပါတယ်။
၂၀၁၂ ခုနှစ် လယ်ယာမြေဥပဒေ ပုဒ်မ ၁၀၄ မှာ မြေနုကျွန်းလုပ်ပိုင်ခွင့်ကို တနှစ်တရာသီအတွက်သာ ချထားရမှာဖြစ်ပါတယ်။ မြေနုကျွန်းဆိုတာ ရေအောက်ကိုနစ်မြုပ်ခဲ့ပြီး နှစ်စဉ်ရေကြောင်း အနေအထားအရ မြေသားနဲ့ပုံသဏ္ဌာန် ပြောင်းလဲတဲ့ ခိုင်မြဲမှုမရှိတဲ့မြေဟု ဥပဒေအရ အဓိပ္ပာယ်ဖွင့်ဆိုထားပြီး မတည်မြဲမှုကို အကြောင်းပြုကာ ခေတ်အဆက်ဆက် အငြင်းပွားနေရဆဲ ပြဿနာတရပ်လည်းဖြစ်ပါတယ်။
အဆိုပါကိစ္စနဲ့ ပတ်သက်ပြီး မကွေးတိုင်းဒေသကြီးအစိုးရ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး မင်းဦးကတော့ “ဧရာဝတီမြစ်ရေ ကျသွားရင် တိုင်းအဆင် ဌာနဆိုင်ရာတွေပါတဲ့ ပူးပေါင်းအဖွဲ့နဲ့ စစ်ဆေးပြီးတော့ တိကျတဲ့အဖြေရတဲ့အထိ တိုင်းပေးမယ်၊ ထပ်ပြီးတော့ ပြဿနာတွေ မဖြစ်အောင် တခါတည်း ကြေညာပေးမယ်” လို့ပြောပါတယ်။
ဖြစ်စဉ်နဲ့ ပတ်သက်ပြီး ဖရဲကျွန်းကျေးရွာမှ ပျောက်ဆုံးနေသူတွေထဲက ဇူလိုင် ၂၄ ရက်နေ့မှ ဒီကနေ့မနက်ပိုင်းအထိ အမျိုးသမီး ၂ လောင်း၊ အမျိုးသား ၂၄ လောင်း ရေနံချောင်းနဲ့ထိစပ်တဲ့ ဧရာဝတီ မြစ်တစ်လျှောက်က တွေ့ရှိခဲ့ပြီး အမျိုးသား ၁၀ ယောက်ကျော် ပျောက်ဆုံးနေဆဲ ဖြစ်သလို တဖက် ကျမ်းကိုင်ကျွန်းမှလည်း အခင်းဖြစ်ဒဏ်ရာနဲ့ အမျိုးသားတဦး သေဆုံးခဲ့တယ်လို့ ဒေသခံတွေက ပြောပါတယ်။
ကိုလင်း(ချောက်)
