ရခိုင်လူမှုရေးအသင်း (စင်္ကာပူ)အဖွဲ့ခေါင်းဆောင်တွေကို မနက်ဖြန် ဇူလိုင် ၂၆ ရက်နေ့ ရန်ကုန်မြို့ မရမ်းကုန်းမြို့နယ် ၈ မိုင် တရားရုံးမှာ ရုံးထုတ်စစ်ဆေးမှာ ဖြစ်ပါတယ်။ ရခိုင့်တပ်မတော် အေအေအဖွဲ့ကို ငွေရှာဖွေထောက်ပံ့ပေးနေတဲ့ စွပ်စွဲချက်နဲ့ ရခိုင်လူမှုရေး အသင်း(စင်္ကာပူ)ရဲ အဖွဲ့ခေါင်းဆောင်တွေဖြစ်တဲ့ ကိုအောင်မြတ်ကျော်၊ ကိုထွန်းအေး(ခ) မောင်ပန်၊ ကိုဟိန်းဇော်တို့ ၃ ဦးကို (ပ) ၈၁၈ / ၁၉ အကြမ်းဖက်မှုတိုက်ဖျက်ရေး ဥပဒေ ပုဒ်မ ၅၂(က/ခ/ဂ)နဲ့ မအေးမြတ်မွန် (ခ) မေကြီး၊ ကိုမြတ်လင်းဦး (ခ)ကိုလင်း၊ ကိုတင်လှိုင်ဦး၊ ကိုရဲကျော်ထက် တို့ကို (ပ) ၈၁၈/၁၉ အကြမ်းဖက်တိုက်ဖျက်ရေးဥပဒေပုဒ်မ ၅၂(ခ/ဂ)နဲ့ တရားဆွဲဆိုထားတာပါ။ ရက္ခိုင့်တပ်တော် စစ်ဦးစီးချုပ် ဗိုလ်ချုပ်ထွန်းမြတ်နိုင်ငံရဲ့ညီ ကိုအောင်မြတ်ကျော်နဲ့ ရခိုင်စင်ကာပူအသင်းဥက္ကဋ္ဌ ကိုဟိန်းဇော် အပါအဝင် ရခိုင်အမျိုးသား ၅ ဦးနဲ့ အမျိုးသမီး ၁ ဦးတို့ကို အေအေကို ငွေကြေးထောက်ပံ့တယ်ဆိုပြီး ထိန်းသိမ်းစစ်ဆေးပြီးနောက် မြန်မာနိုင်ငံကို ပို့လိုက်တာလို့ စင်ကာပူ ပြည်ထဲရေးဝန်ကြီးဌာနရဲ့ ထုတ်ပြန်ချက်အရ သိရပါတယ်။ မြန်မာနိုင်ငံကို စတင်ပြန်လည်ရောက်ရှိလာကြတဲ့နေ့ကပဲ ရန်ကုန်လေဆိပ်မှာ ကိုဟိန်းဇော်၊ ကိုအောင်မြတ်ကျော်နဲ့ ကိုထွန်းအေးတို့ကို ဖမ်းဆီးခဲ့တာပါ။ ရှေ့ဆင့်နောက်ဆင့်ဆိုသလိုပဲ ကိုတင်လှိုင်ဦးနဲ့အတူ ရခိုင်စင်ကာပူအသင်း ဒု-ဥက္ကဋ္ဌ မမေကြီး (ခေါ်) မအေးမြတ်မွန်တို့ နှစ်ဦးနဲ့ ငှားလာတဲ့ ကားဆရာ ကိုမြတ်လင်းဦးတို့ကို ရန်ကုန်-မန္တလေး အဝေးပြေးလမ်းမကြီးပေါ်မှာ ထိန်းသိမ်းခဲ့သလို ရခိုင်စင်ကာပူအသင်း သတင်းနဲ့ ပြန်ကြားရေးတာဝန်ခံ ကိုရဲကျော်ထက်ကိုလည်း စမ်းချောင်းမြို့နယ်က နေအိမ်ကနေ ဖမ်းဆီး သွားခဲ့တာလို့ မိသားစုဝင်တွေက ပြောပါတယ်။