A d v e r t i s e m e n t With Us

လူငယ်တစုရဲ ဆင်တုပ်ကွေးအကြောင်း သီချင်း လူမှုကွန်ရက်တွင် ရေပန်းစား (ရုပ်သံ)

လက်ရှိအဖြစ်များနေတဲ့ ဆင်တုပ်ကွေးအကြောင်းကို လူငယ်တစုက သီချင်းလုပ်ဆိုထားပြီး ဖေ့စ်ဘွတ်ခ်မှာ လူကြည့်များနေပါတယ်။ ×× ကိုယ်တွေပူနေပြီ အချစ်လေးရေ ×× နာကျင်ကိုက်ခဲလို့နေတယ် တကိုယ်လုံးကွယ် ×× ဒါကိုသိရင်တော့ အခက်သားကွယ် ×× ဆင်တုပ်ကွေးလို့ခေါ်တယ်မှတ်ထား ×× ကိုယ်တွေပေါ်မှာလည်း အကွက်များနဲ့ ×× ကြွက်သားများနဲ့ အဆစ်တွေလည်း ကိုက်ခဲလို့ ×× လို့ ဆိုပြီး ဆင်တုပ်ကွေးလက္ခဏာတွေနဲ့ သူတို့က သီချင်းကို စ ထားပါတယ်။ ဒီသီချင်း ဗွီဒီယိုကို Saw Poe Tue ရဲ့ အကောင့်ကနေ တင်ထားတာဖြစ်ပြီး တေးရေး Mike ရေးစပ်ထားတဲ့ ထားဝယ်မြို့မှာ ခေတ်စားနေတဲ့ ဆင်တုပ်ကွေး သီချင်းဖြစ်ပါတယ်လို့ သူက ရေးထားပါတယ်။ နာမည်ကြီး လူကြိုက်များခဲ့တဲ့ ငရုတ်သီး သီချင်းအလိုက်နဲ့ ရေးစပ်ထားတာဖြစ်ပြီး ဆင်တုပ်ကွေးအကြောင်းရှောင်ရန်၊ ဆောင်ရန်တွေကိုလည်း သူတို့က ရေးဖွဲ့သီဆိုထားပါတယ်။ ×× ခြင်မကိုက်ဖို့ သေချာဂရုစိုက်ဖို့တော့လို ×× အသက်ကြီးသူနဲ့ ကလေးတွေ ခံနိုင်ဖို့တော့ မလွယ်ဘူးကွယ် ×× ဗွီဒီယို ပို့စ်အောက်မှာ ချီးကျူးမှတ်ချက်ပေးထားတာတွေ အများကြီးရှိပြီး အများစုကတော့ ဂစ်တာတီးသူကို ချီးကျူးထားပါတယ်။ ပြီးတော့ တုပ်ကွေးဖြစ်ခဲ့သူတွေက သူတို့ရဲ့ အတွေ့အကြုံကိုပြန်ပြောထားကြသလို နောက်ထပ်လက္ခဏာတွေကို ထပ်ဖြည့်ဖို့လည်း အကြံပြု ထားတာကို တွေ့ရပါတယ်။ ဒီသီချင်းကို လူပေါင်း ၁ သိန်းလောက် ကြည့်ရှုထားပြီး ၃၃၀၀ ကျော်က ပြန်လည်ဝေမျှထားပါတယ်။
© Copyright 2020 DVB Designed and Developed by Digit X Myanmar.
Up