ရုပ်ရှင်ဝါသနာအိုးတို့အတွက် ဘယ်ရုံမှာ ဘာကားတွေပြနေသလဲ(ရုပ်သံ)
DVB
·
July 18, 2019
ဒီတပတ် ဒီဗွီဘီရဲ့ Movie Crazy – DVB အစီအစဉ်မှာ ရုပ်ရှင်ဝါသနာအိုးတွေ အတွက် ပုံမှန်တင်ဆက်နေကြဖြစ်တဲ့ နိုင်ငံတကာနဲ့ ပြည်တွင်းက ကောင်းနိုးရာရာ ရုပ်ရှင်ဇာတ်ကားတွေကို ရွေးချယ်ဖော်ပြပေးလိုက်ပါတယ်။
မူဗီခရေဇီတွေကို ပထမဆုံးမိတ်ဆက်ပြောပြပေးချင်တဲ့ ရုပ်ရှင်ကတော့ ကွန်ပျူ တာ Animation အထူးပြုလုပ်ချက်တွေနဲ့ အသစ်မွမ်းမံ တင်ဆက်လိုက်တဲ့ နာမည်ကြီး ရုပ်ရှင်-The Lion King !
ဒီရုပ်ရှင်ကားကိုတော့ နာမည်ကြီး ရုပ်ရှင်ကုမ္ပဏီတခုဖြစ်တဲ့ Walt Disney Pictures က တင်ဆက်လိုက်တာဖြစ်ပြီး အမေရိကန် ရုပ်ရှင်ဒါရိုက်တာ Jon Favreau က တာဝန်ယူ ရိုက်ကူးထားတာ ဖြစ်ပါတယ်။
နာမည်ကြီး ရုပ်ပြစာအုပ် The Jungle Book ကို အခြေခံပြီး ဖန်တီးရိုက်ကူးခဲ့တဲ့ ဒီရုပ်ရှင်ကားကို ၁၉၉၄ ခုနှစ်မှာ ပထမဆုံး ရုံတင်ပြသခဲ့ပြီး အောင်မြင်မှုရှိခဲ့တဲ့ ရုပ်ရှင် ကားတကား ဖြစ်ပါတယ်။
ခုတခါ အသစ်မွမ်းမံ တင်ဆက်လိုက်တဲ့ ရုပ်ရှင်ကား Trailer ကိုတော့ ပြီးခဲ့တဲ့ အော်စကာ အကယ်ဒမီထူးချွန်ဆုပေးပွဲ ကျင်းပနေချိန်နဲ့ တိုက်ဆိုင် ထုတ်လွှင့်ခဲ့တာ ဖြစ်ပါတယ်။
ဒီကားထဲမှာတော့ ဟောလိဝုဒ် သရုပ်ဆောင်မင်းသား မင်းသမီးတွေ အများကြီးက အသံနဲ့ ပါဝင်သရုပ်ဆောင်ထားကြပြီး တောဘုရင်အရိုက်အရာ ဆက်ခံမယ့် ခြင်္သေ့မင်း သားလေး Simba နေရာမှာ သရုပ်ဆောင်မင်းသား Donald Glover က ခေါင်း ဆောင်ပါဝင်ထားပြီး အဆိုတော် သရုပ်ဆောင်မင်းသမီး Beyoncé ကတော့ Simba ရဲ့ ငယ်သူငယ်ချင်း၊ နောက်ပိုင်းမှာတော့ ချစ်သူဖြစ်လာတဲ့ ခြင်္သေ့မလေး Nala အဖြစ် ပါဝင် ထားခဲ့တာ ဖြစ်ပါတယ်။ Simba ရဲ့ဖခင် တောဘုရင်ကြီး Mufasa နေရာမှာတော့ အမေ ရိကန် သရုပ်ဆောင်မင်းသား James Earl Jones က ပါဝင်ထားခဲ့တာ ဖြစ်ပါတယ်။
ဒီရုပ်ရှင်ကားထဲမှာ ကလေးတွေ ကြည့်ရှုဖို့ မသင့်တော်တဲ့ တချို့ဇာတ်ဝင်ခန်းမြင် ကွင်းတွေ၊ ပြကွင်းပြကွက်တွေ၊ ပြောစကား Dialog တွေ ပါဝင်နေတာမို့ ဒီကားကိုကြည့် မယ်ဆိုရင်တော့ မိဘအုပ်ထိန်းသူ ခွင့်ပြုချက် Guideline နဲ့မှ ကြည့်ရှုသင့်တဲ့ PG အ ဆင့် သတ်မှတ်ထားပါတယ်။
ဘတ်ဂျတ်အမေရိကန်ဒေါ်လာ သန်း ၂၅၀ အကုန်အကျခံရိုက်ကူးထားခဲ့တဲ့ ဒီရုပ် ရှင်ကား Trailer ဟာ Youtube ပေါ်မှာတော့ ၀င်ရောက်ကြည့်ရှုကြတဲ့ အကြိမ်ရေ သန်း ၄၀ နီးပါး ရှိနေခဲ့တာ ဖြစ်ပါတယ်။
ပြီးခဲ့တဲ့ ၁၉၉၄ ခုနှစ်ကတည်းက ရုံတင်ပြသခဲ့တဲ့ ရုပ်ရှင်ကားဟာ Box Office မှာ လက်ရှိအချိန်ထိ ဝင်ငွေ ၉၆၈ ဒသမ ၅ သန်း ရရှိခဲ့တာမို့ မကြာခင် ရုံတင်တော့မယ့် ဒု တိယမြောက် ရုပ်ရှင်ကားက အရင်ရုပ်ရှင်ကားကို မီပါ့မလား၊ ရုံတင်ဝင်ငွေ စံချိန်ချိုးနိုင်ပါ့ မလား ဆိုတာကိုတော့ စောင့်ကြည့်ကြရမှာ ဖြစ်ပါတယ်။
ကြာမြင့်ချိန် ၁၁၈ မိနစ်ရှိတဲ့ ဒီရုပ်ရှင်ကားကိုတော့ လာမယ့် ဇူလိုင်လ ၁၉ ရက်နေ့ မှာ ရုံတင်ပြသတော့မှာ ဖြစ်ပါတယ်။
နောက်ထပ် မိတ်ဆက်ပြောပြပေးချင်တဲ့ ရုပ်ရှင်ကတော့ ဟောလိဝုဒ် Crime Drama Mystery အမျိုးအစား ရုပ်ရှင်ကားတကားဖြစ်တဲ့ Into the Ashes !
အမေရိကန် ရုပ်ရှင်ထုတ်လုပ်ရေးကုမ္ပဏီ RLJE Films က တင်ဆက်လိုက်တဲ့ ဒီ ရုပ်ရှင်ကားကိုတော့ အမေရိကန်ရုပ်ရှင်ဒါရိုက်တာ Aaron Harvey က သူကိုယ်တိုင် ဇာတ်ညွှန်းရေးပြီး ကိုယ်တိုင်ပဲ ရိုက်ကူးပုံဖော်ထားတာ ဖြစ်ပါတယ်။
Nick Brenner ဟာ တချိန်က ဆိုးဝါးတဲ့ ရာဇ၀တ်ပြစ်မှုတွေ ကျူးလွန်ခဲ့တဲ့ ရာဇ၀င် ရှိခဲ့ပြီး ခုချိန်မှာတော့ သူချစ်ရတဲ့ ဇနီးနဲ့အတူ နေထိုင်ပြီး ရိုးရိုးသားသား ဘ၀ကို ဖြတ်သန်း နေခဲ့ပါပြီ။ ဒါပေမယ့် သူ့ရဲ့ အပေါင်းအသင်းထဲက တယောက်ကတော့ Nick ရယူသွားခဲ့ တဲ့ ငွေတွေနဲ့ ဒီအတိတ်ကအကြောင်းတွေကို ပြန်ဖော်ထုတ်ဖို့ လုပ်လာချိန်မှာ ဘာတွေ ဆက်ဖြစ်လာမလဲ။ နောက်ပြီး Nick ရဲ့ တန်ဖိုးအထားဆုံးအရာဟာ သူ့ရဲ့ ဇနီးဖြစ်နေပြီး ဒါကို ထိပါးခြိမ်းခြောက်ဖို့ လုပ်လာချိန်မှာ ဘယ်လိုရှုပ်ထွေးမှုတွေ ဖြစ်လာမလဲ။ Nick အနေနဲ့ ကလဲ့စားချေတုံ့ပြန်မလား၊ လက်ရှိရှိနေတဲ့ ဘ၀ကို ဘယ်လိုဖြတ်သန်းမလဲဆို တာကို ဆုံးဖြတ်ရတော့မယ့် အခြေအနေတွေကို ဒီကားထဲမှာ ပရိသတ်တွေက ရှုစားကြ ရမှာ ဖြစ်ပါတယ်။
ဒီကားထဲမှာတော့ သရုပ်ဆောင်မင်းသားမင်းသမီးတွေဖြစ်ကြတဲ့ Frank Grillo၊ Luke Grimes၊ Marguerite Moreauနဲ့ Robert Taylor တို့က ခေါင်းဆောင်ပါဝင်ထား ကြပြီး တခြားဟောလိဝုဒ်သရုပ်ဆောင်တွေလည်း အများကြီး ပါဝင်ထားကြတာ ဖြစ်ပါ တယ်။
ကြာမြင့်ချိန် ၉၈ မိနစ်ရှိတဲ့ ဒီရုပ်ရှင်ကားကိုတော့ လာမယ့် ဇူလိုင်လ ၁၉ ရက်နေ့မှာ ရုံတင်ပြသသွားမှာ ဖြစ်ပါတယ်။
မူဗီခရေဇီတွေကို နောက်ထပ် မိတ်ဆက်ပြောပြပေးချင်တဲ့ ရုပ်ရှင်ကတော့ မြန်မာ ရုပ်ရှင်ကားတကားပါ။ ဒီကားကတော့ ကိုလိုနီ ခေတ်နောက်ခံ အမျိုးသမီးတဦးရဲ့ ၀ိညာဉ် လောကနဲ့ လူ့လောကကြားက ဘ၀ဇာတ်ကြောင်းကို ပုံဖော်ရိုက်ကူးထားခဲ့တဲ့ သွေးပျက် ထိတ်လန့်ဖွယ်ရုပ်ရှင်- Frequency-ကြိမ်နှုန်း !
ဒီကားကိုတော့ SY FILM PRODUCTION ကနေ တင်ဆက်လိုက်တာဖြစ်ပြီး ဒီ ဒီမြင့်မိုရ်၊ မင်းပိုင်မြတ်သူတို့ရဲ့ ဇာတ်လမ်းကို ဒါရိုက်တာ ခန့်မာန်ထည်က ရိုက်ကူးပုံဖော် ပေးထားတာပါ။
ကိုလိုနီခေတ် တောင်ပေါ်မြို့လေးတမြို့ဖြစ်တဲ့ မေမြို့မှာ မေဆိုတဲ့ မိန်းကလေး တယောက်ဟာ ဆင်းဆင်းရဲရဲနဲ့ မွေးဖွားကြီးပြင်းလာပြီး သူ့ရဲ့ အိပ်မက်ကတော့ ချမ်းသာ ကြွယ်ဝချင်တဲ့ လိုချင်တပ်မက်မှုတခု ဖြစ်လာခဲ့ပါတယ်။ တနေ့မှာတော့ မေဟာ စုန်း၊ က ဝေ မကောင်းဆိုးဝါး အတတ်တွေ တတ်ကျွမ်းတဲ့ အမျိုးသမီးကြီးတယောက်နဲ့ တွေ့ဆုံမိခဲ့ ချိန်မှာတော့ ဘ၀ဟာတဆစ်ချိုးပြောင်းလဲဖို့ ဖြစ်လာခဲ့ပါတယ်။ အဲဒီအမျိုးသမီးကြီးရဲ့ အ ကူအညီနဲ့ ချမ်းသာကြွယ်ဝချင်တဲ့ မေဟာ နတ်ဆိုးတပါးဆီက ကြွယ်ဝချမ်းသာတဲ့ မိသား စုဘ၀ရအောင် ပူဇော်ကန်တော့ပွဲလုပ်ပြီး သူလိုချင်တဲ့ ဆန္ဒကို ဖြည့်ဆည်းပေးမယ်ဆိုရင် နတ်ဆိုးကြီးလိုချင်တဲ့ ဆန္ဒတွေကိုလည်း တသွေမတိမ်း လိုက်နာဆောင်ရွက်ပေးမယ်လို့ လွယ်လွယ်ကတိပေးလိုက်မိတယ်။ အဲဒီလိုဆုတောင်းပြီး မကြာခင်မှာပဲ ချမ်းသာကြွယ်ဝ တဲ့ အင်္ဂလိပ်စစ်ဗိုလ်ကြီး တဦးနဲ့ အကြောင်းပါပြီး မေလိုချင်တဲ့ ဘဝအခြေအနေကို ရောက်သွားခဲ့ပါတော့တယ်။ ဒါပေမယ့် နောက်ပိုင်းမှာ မေက နတ်ဆိုးကြီးကို ပေးခဲ့တဲ့ က တိတွေကို မေ့လျော့နေခဲ့ချိန်မှာ ကတိမတည်တဲ့ မေ ဘယ်လိုကြမ္မာဆိုးတွေ ကြုံရမလဲ။ ဘယ်လိုသွေးပျက်ထိတ်လန့်စရာ ဘ၀အခြေအနေတွေနဲ့ ရင်ဆိုင်ရမလဲဆိုတာတွေကို ဒီ ကားထဲမှာ ရှုစားကြရမှာ ဖြစ်ပါတယ်။
ဒီရုပ်ရှင်ကားထဲမှာတော့ နာမည်ကြီး ၀ါရင့်သရုပ်ဆောင်မင်းသမီး ၂ ဦးဖြစ်ကြတဲ့ အိန္ဒြာကျော်ဇင်နဲ့ ထွန်းအိန္ဒြာဗိုတို့က ခေါင်းဆောင်ပါဝင်ထားကြပြီး တခြားသရုပ်ဆောင် သစ်တွေလည်း အများကြီး ပါဝင်ထားကြတာပါ။
ကြိမ်နှုန်းရုပ်ရှင်ကားရဲ့ အထူးပွဲပြသမှုကိုတော့ ပြီးခဲ့တဲ့ ဇူလိုင် ၁၀ ရက်နေ့က ရန်ကုန်မြို့၊ Junction City ရုပ်ရှင်ရုံမှာ ပြုလုပ်ခဲ့တာ ဖြစ်ပါတယ်။
ရုံမတင်ခင်ကတည်းက နာမည်ကြီးနေခဲ့တဲ့ ဒီရုပ်ရှင်ကား Trailer ဟာ ဖေ့စ် ဘွတ်ခ်ပေါ်မှာတော့ ၀င်ရောက်ကြည့်ရှုကြတဲ့ အကြိမ်ရေ ၂ သန်းနီးပါး ရှိနေခဲ့တာ ဖြစ် ပါတယ်။
ဒီရုပ်ရှင်ကားကိုတော့ လာမယ့် ဇူလိုင်လ ၁၈ ရက်နေ့မှာ ရုံတင်ပြသသွားမှာ ဖြစ်ပါ တယ်။
နောက်ထပ်မိတ်ဆက်ပြောပြပေးချင်တဲ့ ရုပ်ရှင်ကတော့ ထူးဆန်းတဲ့ ကိုယ်ပျောက် အစွမ်းရှိတဲ့ ကောင်မလေးတယောက်အကြောင်း ရုပ်ရှင် Above the Shadows !
Drama Sci-Fi Fantasy အမျိုးအစား ရုပ်ရှင်ကားတကားဖြစ်တဲ့ ဒီကားကိုတော့ Gravitas Ventures ရုပ်ရှင်ထုတ်လုပ်ရေးက တင်ဆက်လိုက်တာဖြစ်ပြီး အမေရိကန် အ မျိုးသမီး ရုပ်ရှင်ဒါရိုက်တာ Claudia Myers က ရိုက်ကူးပုံဖော်ပေးထားတာ ဖြစ်ပါတယ်။
ဒီကားထဲမှာတော့ ထူးဆန်းစွာပဲ ကိုယ်ပျောက်နိုင်တဲ့ ကောင်မလေး Holly ရဲ့ အ ကြောင်းကို ပရိသတ်တွေက ရှုစားကြရမှာပါ။ သူ့ကို ဘယ်သူမှ မမြင်နိုင်ခဲ့ပဲ ၁၀ စုနှစ်တ စုကျော်လောက် အချိန်တွေကြာခဲ့ပြီးတဲ့နောက်မှာတော့ သူ့ကို မြင်နိုင်တဲ့ တဦးတည်း သော လူတယောက်ကို တွေ့ခဲ့ပါတယ်။ သူကတော့ မအောင်မြင်တဲ့ MMA ဖိုက်တာ တဦးဖြစ်တဲ့ Shayne။ အဲဒီနောက် Holly နဲ့ Shayne အတူပူးပေါင်းမိကြပြီး ဘာတွေ ဆက်ဖြစ်လာမလဲ။ ဘယ်လိုစ်ိတ်လှုပ်ရှားစရာ အခြေအနေတွေနဲ့ ရင်ဆိုင်ကြရမလဲဆို တာတွေကိုတော့ မကြာခင်မှာ ရှုစားကြရမှာ ဖြစ်ပါတယ်။
ဒီရုပ်ရှင်ကားထဲမှာတော့ ဟောလိဝုဒ် နာမည်ကြီး သရုပ်ဆောင်မင်းသားမင်းသမီးတွေ ဖြစ်ကြတဲ့ Megan Fox၊ Olivia Thirlby၊ Alan Ritchson တို့က ခေါင်းဆောင်ပါ ၀င်ထားကြပြီး တခြားသရုပ်ဆောင်တွေလည်း ပါဝင်ထားကြတာ ဖြစ်ပါတယ်။
ကြာမြင့်ချိန် ၁၀၅ မိနစ်ရှိတဲ့ ဒီရုပ်ရှင်ကားကိုတော့ လာမယ့် ဇူလိုင်လ ၁၉ ရက်နေ့မှာ ရုံတင်ပြသတော့မှာ ဖြစ်ပါတယ်။
မူဗီခရေဇီတွေကို နောက်ဆုံး မိတ်ဆက်ပြောပြပေးချင်တဲ့ ရုပ်ရှင်ကတော့ ပေါ့ပေါ့ ပါးပါး မြန်မာအချစ်ဟာသရုပ်ရှင်ကားပရိသတ်တွေ ကြိုက်နှစ်သက်ကြမယ့် နှစ်ပါးသွား Update !
ဒီကားကိုတော့ အောင်တိုင်းကျော် ရုပ်ရှင်ထုတ်လုပ်ရေးက တင်ဆက်လိုက်တာ ဖြစ်ပြီး ကိုကျော်ရဲ့ ဇာတ်လမ်း၊ ဇာတ်ညွှန်းကို ဒါရိုက်တာ ကျော်ဇောလင်းက ရိုက်ကူးပုံ ဖော်ပေးထားတာ ဖြစ်ပါတယ်။
နှစ်ဦးသဘောတူ ချစ်ကြိုက်ကြလို့ မဟုတ်ပဲ မိဘတွေရဲ့ မင်္ဂလာပွဲ အတင်းအကြပ် စီစဉ်မှုကြောင့် လက်ထပ်ခဲ့ကြရတဲ့ Rose နဲ့ သတိုးတို့ စုံတွဲအကြောင်းကို ဒီကားထဲမှာ ရှု စားကြရမှာပါ။ လက်ထပ်ကြပြီးတဲ့နောက်မှာ သူတို့စုံတွဲဟာ ပြင်ဦးလွင်က အမွေရတဲ့ ခြံ ထဲကို ပြောင်းလာကြချိန်မှာ တဦးတည်းသော သမီးမို့ ဆိုးချင်တိုင်းဆိုးနေတဲ့ Rose နဲ့ လူတကာကို နောက်ပြောင်ကျီစယ်ဆေးထိုးကြမ်းတဲ့ သတိုးတို့ ဘယ်လိုဆက်ပြီး နှစ်ပါး သွားကြမလဲ။ တကယ်ပဲ သူတို့နှစ်ယောက်ရဲ့ ခရီးလမ်းမှာ အပြန်အလှန် အနိုင်မခံ တုံ့ ပြန်မှုတွေကြောင့် ဝေးသွားကြမလား။ နီးစပ်လာကြမလားဆိုတာတွေကို ဒီကားထဲမှာ အ ချစ်၊ ဟာသ ဇာတ်လမ်းဇာတ်ကွက်တွေနဲ့ ပရိသတ်တွေက ရှုစားကြရမှာ ဖြစ်ပါတယ်။
ဒီရုပ်ရှင်ကားထဲမှာတော့ နာမည်ကြီး သရုပ်ဆောင်မင်းသားမင်းသမီး ၂ ဦးဖြစ်ကြ တဲ့ နေတိုးနဲ့ ၀တ်မှုန်ရွှေရည်တို့က ခေါင်းဆောင်ပါဝင်ထားကြတာဖြစ်ပြီး တခြား ဟာသ သရုပ်ဆောင်တွေလည်း အများကြီး ပါဝင်ထားကြတာ ဖြစ်ပါတယ်။
နှစ်ပါးသွား Update ရုပ်ရှင်ကားရဲ့ အထူးပွဲပြသမှုကိုတော့ ပြီးခဲ့တဲ့ ဇူလိုင်လ ၇ ရက်နေ့က Mingalar Gold Class Cinema မှာ ပြုလုပ်ခဲ့တာ ဖြစ်ပါတယ်။
ဒီရုပ်ရှင်ကား Trailer ဟာ Facebook အင်တာနက်လူမှုကွန်ရက်စာမျက်နှာပေါ် မှာ လတ်တလောအချိန်ထိ ၀င်ရောက်ကြည့်ရှုကြတဲ့ အကြိမ်ရေ ၂ သန်းကျော် ရှိနေခဲ့ တာ ဖြစ်ပါတယ်။
ဒီကားကိုတော့ လာမယ့် ဇူလိုင်လ ၁၈ ရက်နေ့မှာ ရုံတင်ပြသတော့မှာ ဖြစ်ပါ တယ်။
Movie Crazy-DVB အစီအစဉ်ကို အပတ်စဉ် ဗုဒ္ဓဟူးနေ့ ညတိုင်း ၇.၄၅ နာရီ၊ ၁၀.၄၅ နာရီတွေမှာ DVB TV channel ကနေ ပုံမှန်တင်ဆက်ပေးနေတာဖြစ်ပြီး မ ကြည့်ရှုလိုက်ရသူတွေအတွက် ကြာသပတေးနေ့မနက် ၉.၁၅ နာရီ၊ နေ့လည် ၁၂.၄၅ နာရီ၊ ၃.၁၅ နာရီ၊ သောကြာနေ့ နေ့လည် ၂.၄၅ နာရီ၊ စနေနေ့ မနက် ၁၁.၄၅ နာရီနဲ့ တ နင်္လာနေ့မနက် ၉.၄၅ နာရီတို့မှာ ပြန်လည် ထုတ်လွှင့်ပြသပေးနေတာ ဖြစ်ပါတယ်။
ဒီအစီအစဉ်မှာ Movie Crazy တွေအတွက် နိုင်ငံတကာနဲ့ မြန်မာရုပ်ရှင်ကား တွေ အကြောင်းကို ကောင်းနိုးရာရာ ရွေးချယ်တင်ဆက်ပေးနေတာဖြစ်ပြီး Movie Crazy-DVB ဆိုတဲ့ Facebook စာမျက်နှာကနေတဆင့်လည်း Like, Share နဲ့ Comment တွေပေးပြီး တော့ အားပေးနိုင်ပါတယ်။
