ကိုယ်ပျောက်အစွမ်းရှိသည့် မိန်းကလေးတယောက်အကြောင်း ရုပ်ရှင် – Above the Shadows (နမူနာ)

ထူးဆန်းတဲ့ ကိုယ်ပျောက်အစွမ်းရှိတဲ့ ကောင်မလေးတယောက်အကြောင်း ရုပ်ရှင် Above the Shadows ကို လာမယ့် ဇူလိုင် ၁၉ ရက်နေ့ ရုံတင်ပြသတော့မှာ ဖြစ်ပါတယ်။ Drama Sci-Fi Fantasy အမျိုးအစား ရုပ်ရှင်ကားဖြစ်တဲ့ ဒီကားကိုတော့ Gravitas Ventures ရုပ်ရှင်ထုတ်လုပ်ရေးက တင်ဆက်လိုက်တာဖြစ်ပြီး အမေရိကန် အမျိုးသမီး ရုပ်ရှင်ဒါရိုက်တာ Claudia Myers က ရိုက်ကူး ပုံဖော်ပေးထားပါတယ်။ ဒီကားထဲမှာတော့ ထူးဆန်းစွာပဲ ကိုယ်ပျောက်နိုင်တဲ့ ကောင်မလေး Holly ရဲ့ အကြောင်းကို ပရိသတ်တွေ ရှုစားကြရမှာပါ။ သူ့ကို ဘယ်သူမှ မမြင်နိုင်ခဲ့ဘဲ ၁၀ စုနှစ်တစုကျော်လောက် အချိန်တွေ ကြာခဲ့ပြီးနောက်မှာတော့ သူ့ကိုမြင်နိုင်တဲ့ တဦးတည်းသော လူတယောက်ကို တွေ့ခဲ့ပါတယ်။ သူကတော့ မအောင်မြင်တဲ့ MMA ဖိုက်တာတဦးဖြစ်တဲ့ Shayne။ အဲဒီနောက် Holly နဲ့ Shayne အတူပူးပေါင်းမိကြပြီး ဘာတွေဆက်ဖြစ်လာမလဲ။ ဘယ်လို စ်ိတ်လှုပ်ရှားစရာ အခြေအနေတွေနဲ့ ရင်ဆိုင်ကြရမလဲ ဆိုတာတွေကို ရှုစားကြရမှာ ဖြစ်ပါတယ်။ ကြာမြင့်ချိန် ၁၀၅ မိနစ်ရှိတဲ့ ဒီရုပ်ရှင်ကားထဲမှာတော့ ဟောလိဝုဒ် နာမည်ကြီး သရုပ်ဆောင် မင်းသား မင်းသမီးတွေ ဖြစ်ကြတဲ့ Megan Fox၊ Olivia Thirlby၊ Alan Ritchson တို့က ခေါင်းဆောင်ပါဝင်ထားကြပြီး တခြားသရုပ်ဆောင်တွေလည်း ပါဝင်ထားကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up