တန့်ယန်းတွင် ဘုန်းကြီးကျောင်းဆောင် မီးလောင်မှုဖြစ်ပွား
နန်းမြနဒီ
·
July 16, 2019
ရှမ်းပြည်မြောက်ပိုင်း၊ တန့်ယန်းမြို့နယ်ထဲမှာ ဇူလိုင် ၁၅ရက်ညက လုံပုံးကျေးရွာ ဘုန်းတော်ကြီးကျောင်း မီးလောင်မှုဖြစ်ပွားခဲ့ပါတယ်။
မနေ့ည ၉ နာရီလောက်က ဆိုလာပြားနဲ့ အားသွင်းထားတဲ့ ဘက်ထရီအိုးပေါက်ကွဲရာက နေ မီးစတင်လောင်ကျွမ်း ခဲ့တာလို့ တန့်ယန်းမြို့နယ် အရံမီးတပ်တပ်ဖွဲ့ တပ်ခွဲမှူး ဦးစိုးမိုးနိုင်က ဒီဗွီဘီကို ပြောပါတယ်။
“ဆိုလာနဲ့ အားသွင်းထားတဲ့ ဘက်ထရီအိုးပေါက်ကွဲတာကနေစပြီးလောင်တယ်လို့ သိရပါတယ်။ မီးစလောင်တာက ၉ နာရီ၊ ကျနော်တို့ဆီအကြောင်းကြားချက်ရတော့ ၉ နာရီ ၁၅ မိနစ်၊ ကြားကြားချင်း မြို့နယ်မီးသတ်က မီးသတ်ကား ၄ စီးနဲ့ သွားငြှိမ်းပါတယ်။ အဲဒီရွာက တန့်ယန်းနဲ့ ၄ မိုင်ကျော်ဝေးပြီး လမ်းခရီးက မြေသွားလမ်းဆိုတော့လေ။ မိုးရာသီလည်းဖြစ်တော့ သွားရခက်ပြီး အဲဒီနေရာကိုရောက်ဖို့ နည်းနည်းကြန့်ကြာတယ်ခင်ဗျ။ ဟိုရောက်တော့ ကျောင်းတိုက်က တော်တော်ကြီး လောင်နေပါပြီ။ ကျနော်တို့လည်း ဘေးနားက အဆောက်အဦတွေ မီးဆက် မကူးအောင် ထိန်းသိမ်းခဲ့ပါတယ်။ ည ၁၀ နာရီကျော်မှာ မီးအားလုံးငြိမ်းသွားပါတယ်”
မီးလောင်သွားတဲ့ ဘုန်းကြီးကျောင်းမှာ သွပ်မိုးပျဉ်ကာ ခြေတံရှည်ကျောင်း တိုက်ဖြစ် ကြောင်း၊ အထဲမှာ ဘုရားဆင်းတုတော်နဲ့ ကျောင်းပရိဘောတွေ အကုန်ပါသွားပြီး ဆုံးရှုံးမှု တန်ဖိုး ကျပ် ၃၆ သိန်း ခန့်မှန်းတယ်လို့ သူကဆက်ပြောပါတယ်။
အဆိုပါ ကျောင်းတိုက်မှာ ရဟန်း ၁ ပါး၊ ကိုရင် ၉ ပါး သီတင်းသုံးနေပြီး မီးလောင်မှုနဲ့ ပတ်သက်ပြီး အမှုဖွင့်အရေးယူတာမရှိသေးပါဘူး ။
ဓာတ်ပုံ - တန့်ယန်းမြို့နယ် အရန်မီးသတ်တပ်ရင်း