မဲဆောက်တွင် မြန်မာနိုင်ငံဘက် တင်ပို့ရောင်းချမည့် ပိန်ဆေးများကို ဖမ်းဆီး
DVB
·
July 15, 2019
ထိုင်း-မြန်မာနယ်စပ်၊ တာ့ခ်ခရိုင်၊ မဲဆောက်မြို့မှာ စိတ်နဲ့အာရုံကြောထိခိုက်စေတဲ့ ဓာတုဆေးအသုံးပြု ကိုယ်အလေးချိန် လျှော့ချဆေး (ပိန်ဆေး) တွေ ဖမ်းဆီးမိခဲ့ပါတယ်။
ပိန်ဆေးတွေ ထုတ်လုပ်ရောင်းချနေကြောင်း သတင်းရတဲ့အတွက် မဲဆောက်မြို့နယ် ရဲတပ်ဖွဲ့၊ မဲဆောက်ခရိုင် အထူးစုံစမ်း စစ်ဆေးရေးတပ်ဖွဲ့နဲ့ ကျန်းမာရေးဦးစီးဌာန ၀န်ထမ်းတွေ ပါဝင်တဲ့ အဖွဲ့ဟာ မနေ့က မဲဆောက်မြို့ထဲမှာ လိုက်လံ စစ်ဆေးဖမ်းဆီးခဲ့တာပါ။
တာဝန်ရှိသူတွေဟာ မဲဆောက်မြို့ မယ်တော်အုပ်စု ရပ်ကွက် ၂၊ ထာ့ဆိုင်လွတ်အုပ်စု ရပ်ကွက် ၁ နဲ့ မယ့်ကာဆာအုပ်စု ရပ်ကွက် ၆ စတဲ့ နေရာ ၃ ခုက ဆေးဝါးထုတ်လုပ်ရောင်း ချနေတဲ့ ကုမ္ပဏီ ၃ ခုကို ၀င်ရောက်စစ်ဆေးပြီး ထုတ်လုပ်ပြီး ပိန်ဆေးတွေနဲ့ ဆေးထုတ်လုပ်ရာမှာ အသုံးပြုတဲ့ ကုန်ကြမ်းတွေကို ၀င်ရောက်သိမ်းဆည်းခဲ့ပါတယ်။
Cybetramine ခေါ် မူးယစ်ဆေးဝါးအနွယ်ဝင် ဓာတုဆေးတမျိုးနဲ့ ပိန်ဆေးဖော်စပ်ကြောင်း သတင်းရရှိပြီး အဆိုပါ ဓာတုဆေးဟာ လူတို့ရဲ့ စိတ်ပိုင်းဆိုင်ရာနဲ့ အာရုံကြောကို ဘေးအန္တရာယ်ရှိစေတဲ့အတွက် တာ့ခ်ခရိုင်ဒု-ရဲချုပ်ကြီး ၀ိရချိုင်း ဆုန်မစ်တာရဲ့ ညွှန်ကြားချက်အရ စစ်ဆေးရတာလို့ ဆိုပါတယ်။
ကုမ္ပဏီ ၃ ခုလုံးမှာ ပိန်ဆေးတွေထုတ်လုပ်ရောင်းချလျက်ရှိပြီး အိမ်နီးချင်းမြန်မာနိုင်ငံကိုပါ တင်ပို့ရောင်းချကြောင်း၊ တာဝန်ရှိသူတွေက အဆိုပါကုမ္ပဏီ ၃ ခုရဲ့ ပိုင်ရှင်တွေကို ခေါ်ယူ စစ်ဆေးနေပြီး ပုဒ်မတပ်အရေးယူတာတွေတော့ မရှိသေးကြောင်း ထိုင်းရဲက ပြောပါတယ်။
ပိန်ဆေးတွေထဲမှာ Cybetramine နဲ့ အခြားပါဝင်ပစ္စည်းတွေ ပါမပါကိုဦးစွာ ဓာတ်ခွဲကြည့်မှာဖြစ်ပြီး ဘေးဖြစ်စေတဲ့ ပစ္စည်းတွေရယူလာတဲ့ ပင်ရင်းနေရာကိုလည်း စစ်ဆေးဦးမယ်လို့ မဲဆောက်ရဲတပ်ဖွဲ့က သတင်းထောက်ကို ပြောပါတယ်။
ကိုးကား - ပို့စ်တူဒေး