“ Voiceless” ဆိုတဲ့စာအုပ်ထွက်ပေါ်လာပြီးနောက်မှာတော့ အကြွေစေ့တစ်စေ့ကြောင့် ၁၂ နှစ်တိုင်တိုင် စကားမပြောနိုင်ဖြစ်ခဲ့တဲ့ အမျိုးသမီးတစ်ယောက်ရဲ့အကြောင်းဟာ မီဒီယာတွေ ထက်မှာ ပြန်လည်နေရာယူလာခဲ့ပါတယ်။ ဒီအမျိုးသမီးနာမည်ဟာ မာရိတ်မက်ခရက်ဒီဖြစ်ပါတယ်။ မာရိတ်ဟာ အသက် ၁၃ နှစ်အရွယ် ၁၉၇၂ ခုနှစ်မှာ ထူးဆန်းစွာနဲ့ ကစားမပြောနိုင်ခဲ့သူပဲဖြစ်ပါတယ်။ အဲဒီတုန်းက သူမရဲ့အခြေအနေကို ဆရာဝန်တွေက နည်းမျိုးစုံနဲ့ စမ်းသပ်ခဲ့ပေမယ့် အဖြေရှာမတွေ့ခဲ့ပါ ဘူး။ ဒါ့ကြောင့် သူမဟာဗိုင်းရပ်စ်ပိုးတမျိုးကြောင့် စကားမပြောနိုင်တော့တာလို့သာ ကောက်ချက်ချခဲ့ပြီး စကားမပြောနိုင်သူ တယောက်အနေနဲ့ ဘဝကိုဖြတ်သန်းဖို့ တိုက်တွန်းခဲ့ပါတယ်။ ဒါက မာရိတ်နဲ့ သူ့မိသားစုအတွက် အိပ်မက်ဆိုးတခုဖြစ်လာခဲ့ပြီး မာရိတ်ဟာလည်း စကားမပြောနိုင်သူ တယောက်အနေနဲ့ ကျောင်းမှာရော အိမ်မှာပဲ ခွဲခြားဆက်ဆံမှု၊ ပြဿနာပေါင်းများစွာနဲ့ ရင်ဆိုင်ခဲ့ရပါတယ်။ ဒီအတောအတွင်းမှာ မာရတ်ဟာ အခက်အခဲပေါင်းများစွာနဲ့ ရင်ဆိုင်ခဲ့ရပြီး သူမအတွက် ကံကောင်းခြင်းတွေက ဒီဖြစ်ရပ်တွေအပြီး ၁၂ နှစ်အကြာမှာ ပြန်ပေါ်လာခဲ့ပါတယ်။ အဲဒါကတော့ သူမချောင်းဆိုးရာကနေ စတင်ခဲ့ပါတယ်။ တနေ့မှာ မာရိတ်ဟာ အပြင်းအ ထန် ချောင်းဆိုးပြီးတော့ ချောင်းဆိုးရင်း သွေးပါပါခဲ့ပါတယ်။ ဒါကြောင့် သူမကို လူနာတင်ယာဉ်တစီးနဲ့ ဆေးရုံကို အလျင်အမြန်တင်ပို့ခဲ့ရပြီး ကားပေါ်မှာ ရှိနေစဉ် သူ့လည်ချောင်းထဲမှာ တစုံတခုရှိနေတာကို မာရိတ်တယောက် ခံစားမိခဲ့ပါတယ်။ ဆေးရုံရောက်လို့ စစ်ဆေးမှုတွေပြုလုပ်ပြီးချိန်မှာတော့ မာရိတ်ရဲ့လည်ချောင်းထဲက အရာကို ဆရာဝန်တွေက ဖယ်ရှားနိုင်ခဲ့ပြီး ဒါဟာ သြစတြေးလျနိုင်ငံသုံး သုံးပဲနိတန် အကြွေစေ့တစေ့ဖြစ်နေတာကို တုန်လှုပ်ဖွယ်မြင်တွေ့ခဲ့ရပါတယ်။ ဒီအကြွေစေ့ကို ဖယ်ရှားပြီးတဲ့နောက်မှာ မာရိတ်ဟာ ညည်းတွားသံကိုပြုလုပ်နိုင်ခဲ့ပြီး အဲဒီနောက်မှာတော့ စတင်ငိုကြွေးနိုင်ခဲ့ပါတယ်။ အဲဒီနောက်မှာတော့ မာရိတ်ဟာ သူမအသက် ၁၃ နှစ်အရွယ်မှာ ဆုံးရှုံးခဲ့ရတဲ့ သူ့အသံကို အသက် ၂၅ နှစ်အရွယ်မှာ ပြန်လည်ရရှိခဲ့ပြီး ဒါဟာ အကြွေစေ့က သူမရဲ့ လည်ချောင်းပြွန်ထဲက အသံထွက်တဲ့ အစိတ်အပိုင်းတွေကို ပိတ်ဆို့နေတာကြောင့် ဖြစ်တယ်လို့ ဆရာဝန်တွေက မှတ်ချက်ပြုပါတယ်။ မာရိတ်ကတော့ ဒီအကြွေစေ့ ဘယ်လိုလုပ် သူ့လည်ချောင်းထဲရောက်နေလဲဆိုတာ တိတိ ကျကျမမှတ်မိတော့ဘဲ အအေးဘူး ရေဘူးထဲရောက်နေတဲ့ အကြွေစေ့ကို မသိဘဲ မြိုချမိလိုက်တာဖြစ်နိုင်တယ်လို့ သူမကမှတ်ချက်ပြုပါတယ်။ မာရိတ်ဟာ သူမရဲ့ ၁၂ နှစ်တာကာလတွင်း ရင်ဆိုင်ကြုံတွေ့ခဲ့ရတဲ့ အနိုင်ကျင့်ခံရမူ၊ စွပ်စွဲခံရမှု၊ ခွဲခြားဆက်ဆံခံရမှုတွေနဲ့ ပြဿနာတွေကို Voiceless ဆိုတဲ့ စာအုပ်တအုပ် ဖော်ထုတ်ရေးသားခဲ့ပြီတော့ ဒီစာအုပ်ကြောင့်ပဲ သူမရဲ့အကြောင်းအရာဟာ သြစတြေးလျ မီဒီယာတွေထက်မှာ ပြန်လည်ရောက်ရှိလာခဲ့ပါတယ်။