ဝန်ထမ်းများ၏စိတ်ဓာတ် စမ်းသပ်ရန် ၂ လကြာ မသန်စွမ်း ဟန်ဆောင်ခဲ့သည့် မြို့တော်ဝန်
2.3K
သက်ဆိုင်ရာ ပြည်သူ့ဝန်ထမ်းတွေရဲ့ စိတ်ဓာတ်ကို စမ်းသပ်ဖို့အတွက် မက္ကဆီကိုနိုင်ငံ ချီဟွာဟွာ ပြည်နယ်က ချြူတီမို့မြို့ရဲ့ မြို့တော်ဝန် ကားလို့စ်တီနာဟာ မသန် စွမ်းအဖြစ်ဟန်ဆောင်ခဲ့တယ်လို့ ဇူလိုင် ၁၀ ရက်နေ့ OC သတင်းမှာဖော်ပြပါတယ်။
တီနာဟာ ပြီးခဲ့တဲ့ရက်တွေမှာ သက်ဆိုင်ရာအရာရှိတွေရဲ့ မြို့ခံမသန်စွမ်းတွေနဲ့ ဆင်းရဲသားတွေအပေါ် ဆက်ဆံမှုနဲ့ ပတ်သက်တဲ့ တိုင်ကြားမှု များစွာ ရရှိခဲ့ပါတယ်။
ဒါ့ကြောင့် ဒီတိုင်ကြားမူတွေဟာ တကယ်ဟုတ်မဟုတ်ဆိုတာကို ကိုယ်တိုင်ကိုယ်ကျစုံစမ်းဖို့ သူ့ကိုယ်သူ အကူအညီလိုအပ်နေတဲ့ မသန်စွမ်းတယောက်လို ရုပ်ဖျက်ခဲ့တာပါ။
တီနာဟာ လည်ပင်းအထိ ဖုံးအုပ်ထားတဲ့ ဆွယ်တာဝတ် ဦးထုပ်ကို ဆောင်းပြီး နေကာမျက်မှန်အနက်တခုကို တပ်ဆင်ရုပ်ဖျက်ခဲ့ပါတယ်။ နားတဖက်မှာလည်း ပတ်တီးစည်းထားခဲ့ပြီး အမှန်တကယ် အကူအညီလိုအပ်နေတဲ့လူနဲ့ တူအောင်ပုံဖျက်ခဲ့ပါတယ်။
အဲ့ဒီနောက်မှာ သူဟာ လူမူဖူလုံရေးရုံးတခုဆီ ဝှီးချဲနဲ့ သွားရောက်ခဲ့ပြီးတော့ မက္ကဆီကိုဥပဒေအရ ခွင့်ပြုထားတဲ့ ထမင်းကျွေးဖို့ တောင်းဆိုခဲ့ပါတယ်။ ဒါပေမယ့် သူဟာ လျစ်လျူရှုခံရရုံတင်မဟုတ်ဘဲ ခွဲခြားဆက်ဆံမှုနဲ့လည်း ရင်ဆိုင်ခဲ့ရပါတယ်။
ဒီခွဲခြားဆက်ဆံမှုကြောင့် တီနာဟာ သူ့ရုံးကိုသွားရောက်ခဲ့ပြီး မြို့တော်ဝန်နဲ့တွေ့ဆုံဖို့ တောင်းဆိုခဲ့ပြန်ပါတယ်။ ဒီတကြိမ်မှာလည်း မြို့တော်ဝန်မရှိဘူးလို့ ပြောဆို နှင်ထုတ်ခံခဲ့ရပြန်ပါတယ်။
အဲ့ဒီနောက်မှာ သူဟာ မြို့တော်ကောင်ဆီအတွင်းဝန်နဲ့တွေ့ဆုံဖို့ တောင်းဆိုခဲ့ရာမှာတော့ ရိုင်းစိုင်းစွာ ဆက်ဆံခံခဲ့ရပြီး တာဝန်ရှိသူကို တနာရီလောက်ထိုင်စောင့်ခဲ့ရပါတယ်။
တိုင်ကြားမှုတွေဟာ အမှန်တကယ်ဖြစ်နေကြောင်း သိရှိပြီးနောက်မှာတော့ တီနာဟာ သူ့ဟန်ဆောင်မှုတွေကို အဆုံးသတ်ခဲ့ပြီး ရုံးထဲက ဝန်ထမ်းတွေကို အကြီးအကျယ် ရှော့ခ်ရစေခဲ့ပါတယ်။
တီနာဟာ အကူအညီလိုအပ်နေတဲ့ မသန်စွမ်းသူအဖြစ် နှစ်လလောက်ကြာအောင် ဟန်ဆောင်ခဲ့တာဖြစ်ပြီး ဒီကိစ္စကို ဘယ်သူ့ကိုမှလည်း ပြောမပြခဲ့ဘူးလို့ ဒေသတွင်းသတင်းတွေမှာ ဖော်ပြပါတယ်။
တီနာဟာ လိုအပ်ချက်ရှိနေသူတွေအတွက် တက်ကြွစွာတိုက်ပွဲဝင်တတ်သူတဦးအဖြစ် ထင်ရှားသူဖြစ်ပြီး အရင်တုန်းကလည်း ဒီလိုမျိုးပုံစံဖျက် ထောက်လှမ်းမှုတွေ လုပ်ခဲ့ဖူးတယ်လို့ သိရပါတယ်။
ဒေသခံပြည်သူတွေကို ကူညီပေးဖို့ တာဝန်ရှိသူတွေရဲ့ စိတ်ထားတွေကို အမှန်တကယ် စိတ်ပျက်မိတယ်လို့လည်း တီနာက ပြောပါတယ်။
