ချင်းမိုင်တွင် ထိုင်းလေတပ် လေ့ကျင့်ရေး လေယာဉ်တစီး ပျက်ကျ၊ ၁ ဦးသေဆုံး

ထိုင်းနိုင်ငံမြောက်ပိုင်း ချင်းမိုင်မြို့ ပါဒက်အုပ်စု ကော်ကန်ရပ်ကွက်ထဲမှာ ဇူလိုင် ၁၁ ရက် ညနေပိုင်းက လေယာဉ်ပျံတစီး ပျက်ကျပြီး လေယာဉ်ပေါ်ပါသွားသူ တဦးသေဆုံးကာ တဦး ဒဏ်ရာရခဲ့ပါတယ်။ အဲဒီလေယာဉ်ဟာ ထိုင်းမြောက်ပိုင်း အမှတ် ၄၁ လေတပ်ပိုင် အယ်လ် ၃၉ အမျိုးအစား လေ့ကျင့်ရေး လေယာဉ်ဖြစ်ပြီး မနေ့ညနေ ၃ နာရီ ၅၅ မိနစ်က ခြံဝင်းတခုထဲ ပျက်ကျကာ လေယာဉ်မောင်းနည်းပြ ဗိုလ်မှူး နာ့ရိဒ်ဖွန်း  လိုတ်ကူးဆွန် ကျဆုံးပြီး လေတပ်ဗိုလ် ထိလဝပ် ခွန်းခွန်ထွတ်ကတော့ ဒဏ်ရာရသွားပါတယ်။ စစ်ဆေးချက်အရ အဲဒီလေယာဉ်ဟာ စက်ချို့ယွင်းမှုကြောင့် ပျက်ကျတာဖြစ်ကြောင်း၊ လေယာဉ်စက်ချို့ယွင်းကြောင်း ဌာနကို သတင်းပို့ခဲ့ပြီး လေသူရဲတဦးက လေယာဉ်ပေါ်ကနေ လေထီးနဲ့ ဦးစွာ ခုန်ဆင်းခဲ့ကာ နောက်တဦးမှာ အချိန်မီ မဆင်းနိုင်ခဲ့ဘဲ သေဆုံးသွားတယ်လို့ အမှတ် ၄၁ လေတပ်ပြောခွင့်ရက သတင်းထောက်တွေကို ပြောပါတယ်။ အဲဒီလေယာဉ်မှာ ပြီးခဲ့တဲ့နှစ် နိုဝင်ဘာလကလည်း တာ့ခ်ခရိုင်မှာ တကြိမ်ပျက်ကျခဲ့ဖူးပြီး လေသူရဲတဦး သေဆုံး၊ တဦး ဒဏ်ရာရခဲ့တယ်လို့ TNN သတင်းမှာ ဖော်ပြပါတယ်။ မျက်မြင်သက်သေ ပြည်သူတွေ ပြောပြချက်အရ အဲဒီလေယာဉ်ဟာ လူနေအိမ်တွေပေါ် ပျက်ကျခြင်းမရှိအောင် အနောက်ဘက်က မယ့်ပင်းမြစ်ထဲ ထိုးဆင်းဖို့ ကြိုးစားခဲ့တာ တွေ့ရတယ်၊ ဒါပေမယ့်လည်း ဒေသခံတဦးရဲ့ ခြံထဲကို ပျက်ကျခဲ့တယ်လို့ ဆိုပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up