မြိတ်မြို့ ကုန်စိမ်းဈေး မပြောင်းရွှေ့ရေး ဈေးသည်များ ဆန္ဒပြ
DVB
·
July 10, 2019
တနင်္သာရီတိုင်းဒေသကြီး၊ မြိတ်မြို့လယ်ခေါင်မှာရှိနေတဲ့ ကုန်စိမ်းဈေးဟောင်းကို ရှမ်းချောင်းကုန်စိမ်းဈေးသစ်ကြီးသို့ ပြောင်းရွေ့ဖို့ သက်ဆိုင်ရာက စီစဉ်နေရာတာကို မကျေနပ်တဲ့ အတွက် ဈေးသည်တွေက ဇူလိုင်လ ၁၀ ရက်နေ့မှာ ဆန္ဒပြခဲ့ပါတယ်။
မြိတ်မြို့၊ ကန်ဖျားကုန်စိမ်းဈေးရှေ့ကနေစတင်ပြီး လူအင်အား ၂၀၀ လောက်နဲ့ လှည့်ကြွေးကြော် ဆန္ဒပြခဲ့ကြတာဖြစ်ပါတယ်။
ကုန်စိမ်းဈေးသည် ဒေါ်ခင်လှက "ကုန်စိမ်းဈေးကို ဒီနေရာကနေ မပြောင်းချင်ဘူး။ ကျမတို့မှာ အဆင်အပြေဘူး။ ရှမ်းချောင်း ကုန်စိမ်းဈေးက ဝေးတယ်။ အသွားအပြန်တက္ကစီခ ၂၀၀၀ လောက် ကုန်မယ် ကြိုကြားထဲမှာဖြစ်နေတယ်။ လမ်းမှာ ကားအန္တရာယ်တွေလည်း ရှိတယ်။ ကျမတို့လုပ်ကိုင် စားသောက်ဖို့ အဆင်ပြေမှာ မဟုတ်ဘူး။ ဒီေစ်းက ကိုယ္ထူကိုယ္ထ စ်းပါ။ ကျမတို့ ချွေးနည်းစာနဲ့ လုပ်ထားတာ။ ကျမတို့ဈေးက ပွင့်လင်းမြင်သာမှုရှိတယ်။ ဟိုးဈေးက အိမ်ကြိုအိမ်ကြားမှာ လုပ်ထားတယ်။ ၀ယ်သူတွေက ဒီဈေးကိုပဲသိတယ်။ ဒီဈေးမှာပဲ ရောင်းချချင်တယ်'' လို့ ပြောပါတယ်။
ဆန္ဒထုတ်ဖော်တဲ့ ကန်ဖျားကုန်စိမ်းဈေးသူဈေးသားတွေက “အမေစုကယ်တင်ပေးရေး၊ စည်ပင်က ဈေးသစ်တွေ ဆောက်နေမှုအပေါ် အဂတိတိုက်ဖျက်ရေးကော်မတီက စိစစ်အရေးယူ ပးရေး၊ အမိန့်အာဏာသုံးပြီး ပြောင်းရွှေ့ခိုင်းမှုအား အမြန်ဆုံးရုပ်သိမ်းပေးရေး” စတဲ့ ကြွေးကြော်သံတွေ အော်ဟစ်ခဲ့ကြပါတယ်။
ကုန်စိမ်းဈေးဟောင်းနေရာမှာကားလမ်းတွေ ပိတ်ဆို့တာနဲ့ ပတ်ဝန်းကျင်ညစ်ညမ်းမ ရှိနေတာကြောင့် ဈေးနေရာသစ်ကို ပြောင်းရွှေ့ရတာလို့ မြိတ်မြို့နယ်စည်ပင်သာယာရေး ကော်တီဥက္ကဋ္ဌ ဦးမြတ်ကိုကိုက ပြောပါတယ်။
“ဈေးအနီးမှာ နေထိုင်တဲ့သူတွေ၊ စာသင်ကျောင်းတွေက အနံ့သက်ဆိုးတယ်။ ကားလမ်းပိတ်တယ်ဆိုပြီး ကန့်ကွက်လာကြတယ်။ ဈေးကိုပြောင်းရွှေ့ဖို့ တင်ပြလာကြတယ်။ နောက်ဆုံး တိုင်းဒေသကြီး လွှတ်တော်မှာ မေးခွန်းမေးမြန်းပြီး စည်ပင်ဝန်ကြီး က ဖြေကြားပေးရတဲ့ အနေအထားအထိဖြစ်ခဲ့တယ်။ အစိုးရမှာ ကတိက၀တ်ဖြစ်ခဲ့တယ်။ ဒါကို အမြန်ဆုံးပြောင်းဖို့ဖြစ်လာတော့ ကျနော်တို့လည်း နေရာအတိအကျသတ်မှတ်ပြီး တိုင်းဒေသကြီး အစိုးရရံပုံငွေနဲ့ ရှမ်းချောင်းဈေးအသစ်ကြီးကို ရွှေ့ပြောင်းပေးဖို့ ဖြစ်လာတယ်။ ဒီမြို့မှာ အပ်ကျတာက အစသိနေကြတဲ့အတွက် ဘာမှ မပွင့်မလင်းလုပ်လို့ မရပါဘူး။ ကျနော်တို့ ဒီဈေးကို ကန်ထရိုက်ယူထားတဲ့ မတူးတို့ကိုခေါ်တွေ့တယ်။ ဈေးသူ ဈေးသားတွေကို ခေါ်တွေ့တယ်။ ပြီးမှ ပြောင်းရွေ့ဖို့ ဆုံးဖြတ် လိုက်တာပါ''
အဆိုပါကုန်စိမ်းဈေးဟောင်းကို ရှမ်းချောင်းကုန်စိမ်းဈေးသစ်သို့ ဇူလိုင်လ ၁၃ ရက်နေ့မှာ အပြီးပြောင်းရွေ့ဖို့ စည်ပင်က ညွန်ကြားချက်ထုတ်ပြန်ထားပါတယ်။
သတင်း-မြတ်ထွဋ် (မြိတ်)