နှစ်ရက်အတွင်း ကြည့်ရှုသူ ၅ သန်းကျော်ရှိနေသည့် အန်ဂျလီနာဂျိုလီ ရုပ်ရှင်ကားသစ် – Maleficent: Mistress of Evil (နမူနာ)

Sleeping Beauty ကာတွန်းရုပ်ရှင်ထဲက ဇာတ်ကောင်တွေကို အခြေတည် ရိုက်ကူးထားတဲ့ ဒီရုပ်ရှင်ကားထဲမှာတော့ အရင်ကားထဲမှာ Maleficent အဖြစ် ပါဝင်သရုပ်ဆောင်ခဲ့တဲ့ မင်းသမီး အန်ဂျလီနာဂျိုလီ၊ မင်းသမီး Aurora နေရာမှာ ပါဝင်ခဲ့တဲ့ သရုပ်ဆောင်မင်းသမီး အယ်လ်ဖန်းနင်းတို့က ပြန်လည်ပါဝင်မှာဖြစ်ကာ မင်းသား Phillip နေရာမှာတော့ သရုပ်ဆောင်မင်းသား ဟဲရစ်စ်ဒစ်ကင်ဆန်က အသစ်ပါဝင်လာပါတယ်။

Maleficent ရုပ်ရှင်ကားထဲမှာ ဗီလိန်ဇာတ်ကောင် နတ်သမီးဟာ သူသိပ်ချစ်ရတဲ့ အမျိုးသားတယောက်ရဲ့ သစ္စာဖောက်တာကို ခံလိုက်ရပြီးနောက်မှာ အဲဒီအမျိုးသားရဲ့ သမီးဖြစ်သူကို ပစ်မှတ်ထားပြီး ကလဲ့စားချေမယ့်သူအဖြစ် သရုပ်ဆောင်ထားခဲ့တာပါ။ ခုအသစ်ထွက်ရှိလာမယ့် ရုပ်ရှင်ထဲမှာတော့ ဗီလိန်နတ်သမီးနဲ့ ဘုရင်မအရိုက်အရာ ဆက်ခံမယ့် မင်းသမီးလေးကြား ရှုပ်ထွေးတဲ့ အခြေအနေတွေကြားက အခြေအနေတွေ၊ မှော်တိုင်းပြည်ကြီးကို ကာကွယ်ဖို့ မဟာမိတ်တွေ၊ ရန်သူတွေနဲ့ ရင်ဆိုင်ကြရတာတွေကို ဘယ်လိုဆန်းကြယ်တဲ့ ဇာတ်လမ်းဇာတ်ကွက်တွေနဲ့ ပုံဖော်ဖန်တီးထားမလဲ ဆိုတာကို မကြာခင် ရှုစားကြရတော့မှာပါ။

အမိုက်စား ရိုက်ချက်တွေ၊ အလန်းစားဝတ်စုံတွေ၊ သရုပ်ဆောင်မှုတွေနဲ့ ဒီရုပ်ရှင်ကားသစ်ကိုတော့ လာမယ့် အောက်တိုဘာ ၁၈ ရက်နေ့ စတင်ပြီး ရုံတင်ပြသသွားမယ်လို့ ကြေညာထားပါတယ်။