အိန္ဒိယနိုင်ငံက အမေရိကန်ပို့ကုန်တွေအပေါ် တန်ပြန် အခွန်စည်းကြပ်လိုက်တာကြောင့် ကယ်လီဖိုးနီးယားပြည်နယ်က မက်မန်းစိုက်တောင်သူတွေ စိုးရိမ်နေကြပါတယ်။ အိန္ဒိယက အမေရိကန်ပို့ကုန်တွေအပေါ် တန်ပြန် အခွန်စည်းကြပ်လိုက်တဲ့ အကျိုးသက်ရောက်မှုဟာ ဘယ်လောက်အထိ ရိုက်ခတ်လာမလဲဆိုတာ ကယ်လီဖိုးနီးယားပြည်နယ်က မက်မန်းပင်စိုက်တောင်သူတွေ စိုးရိမ်နေကြတာပါ။ မက်မွန်သီးနဲ့ ပန်းသီး အပါအဝင် အမေရိကန်ပို့ကုန် ၂၈ မျိုးကို အခွန်တိုးမြှင့် စည်းကြပ်ဖို့ အိန္ဒိယအစိုးရက ဇွန်လမှာ ကြေညာခဲ့ပါတယ်။ အမေရိကန်နိုင်ငံက အိန္ဒိယအတွက် ကုန်သွယ်ရေး အထူးအခွင့်အရေး ပြန်ရုပ်သိမ်းလိုက်တာကြောင့် အိန္ဒိယအစိုးရက အခုလို တုံ့ပြန်လိုက်တာပါ။ ပြီးခဲ့တဲ့နှစ်ကလည်း တရုတ်နိုင်ငံက အမေရိကန်ရဲ့ မက်မွန်သီး ပို့ကုန်တွေအပေါ် အခွန်းတိုးမြှင့် စည်းကြပ်တဲ့ ရိုက်ခတ်မှုဒဏ်ကိုလည်း ခံစားခဲ့ရသေးတယ်လို့ ကယ်လီဖိုးနီးယား ပြည်နယ်မှ တောင်သူတယောက်က ပြောပါတယ်။ “ပြီးခဲ့နှစ်မှာ တရုတ်က အခွန်စည်းကြပ်တာနဲ့ အခုနှစ်မှာ အိန္ဒိယကဆိုတော့ ကျနော်တို့ရဲ့ စိုးရိမ်မှုရေချိန်က မြင့်လာပါတယ်။ ရိတ်သိမ်းရာသီအစ ရောက်လာချိန်မှာ အိန္ဒိယရဲ့ အခွန်စည်းကြပ်မှုက ကျနော်တို့ တောင်သူတွေအတွက် တော်တော်လေး မေးခွန်းထုတ်စရာ ဖြစ်နေတယ်။” အိန္ဒိယဟာ အမေရိကန် မက်မွန်ဈေးကွက်ရဲ့ အကြီးဆုံး ဝယ်လက်ဖြစ်ပြီး ၂၀၁၈ ခုနှစ်က အမေရိကန် မက်မွန်သီးပို့ကုန် စုစုပေါင်းပမာဏရဲ့ ထက်ဝက်ကျော်ကို အိန္ဒိယက ဝယ်ယူခဲ့တာလို့ အမေရိကန် စိုက်ပျိုးရေးဝန်ကြီးဌာန အချက်အလက်တွေက အစီရင်ခံပါတယ်။ ကယ်လီဖိုးနီးယားပြည်နယ်ဆိုင်ရာ မက်မွန်စိုက်ပျိုးရေးလုပ်ငန်း ဘုတ်အဖွဲ့ဝင် ဂျူလီ အာဒမ်က “လက်ရှိမှာတော့ ပြည်တွင်းဈေးကွက်နဲ့ တခြားနိုင်ငံ တရာကျော်လောက်ကို ပို့နေဆဲပါပဲ။ ဒါပေမယ့် နောက်ထပ် ဈေးကွက်တွေကိုလည်း ရှာရမယ်ဆိုတာ ကျမတို့ သဘောပေါက်ပါတယ်” လို့ ပြောပါတယ်။ အမေရိကန်ဆေးပစ္စည်း သွင်းကုန်တွေအပေါ် အိန္ဒိယဘက်က ဈေးသတ်မှတ်တဲ့ စည်းမျဉ်းကို ဖယ်ရှားပေးဖို့၊ နို့ထွက်ပစ္စည်းဈေးကွက်ကို ဖွင့်ပေးဖို့နဲ့ အိုင်တီပစ္စည်းတွေအပေါ် အခွန်ဖြေလျော့ပေးဖို့ သမ္မတ ဒေါ်နယ်ထရမ့် ဦးဆောင်တဲ့ အမေရိကန်အစိုးရက အိန္ဒိယကို တောင်းဆိုခဲ့ပါတယ်။ မကြာသေးခင်ကလည်း အမေရိကန် နိုင်ငံခြားရေးဝန်ကြီး မိုက်ခ်ပွန်ပီယိုဟာ ကုန်သွယ်ရေးအပါအဝင် နှစ်နိုင်ငံအရေးကိစ္စတွေကို ဆွေးနွေးဖို့ အိန္ဒိယနိုင်ငံကို သွားရောက်ခဲ့ပါတယ်။