ဗစ်တိုးရီးယားအတွက် အမှုမှန်ပေါ်ပေါက်ရေး မန္တလေးတွင် ဆန္ဒပြ
4.2K
မဖွယ်မရာပြုကျင့်ခံခဲ့ရတဲ့ မူကြိုကျောင်းသူလေး ဗစ်တိုးရီးယားအတွက် တရားမျှတမှုရဖို့ အတွက် မန္တလေးမြို့မှာ ဒီကနေ့မနက်က ဒေသခံတွေ ဆန္ဒပြခဲ့ကြပါတယ်။
မဟာအောင်မြေမြို့နယ်၊ ၆၆ လမ်းနဲ့ ၃၅ လမ်းကနေစတင်ပြီး မနော်ရမ္မံ ပြည်သူ့ဟစ်တိုင်ကွင်းအထိ မန္တလေး ဒေသခံပြည်သူ ၁၀၀၀ လောက်က ဆန္ဒပြခဲ့ကြတာပါ။
သက်ဆိုင်ရာအဖွဲ့အစည်းတွေအနေနဲ့ အမှုမှန်ပေါ်ပေါက်အောင် ဆောင်ရွက်ပေးဖို့နဲ့ တရားမျှတမှု ရှိစေဖို့ အဓိကထားပြီး ဆန္ဒထုတ်ဖော်ရတာလည်းဖြစ်ပါတယ်။
ဒီဆန္ဒပြပွဲကို သုံးဘီးကားအစီး ၈၀ လောက်ကလည်း ပူးပေါင်းပါဝင်ခဲ့ပြီး တရားဥပဒေစိုးမိုးဖို့ လာရောက်ပူးပေါင်းကြတာ ဖြစ်တယ်လို့ သက်ငယ်မုဒိမ်း လျော့နည်းပပျောက်ရေးအဖွဲ့ တာဝန်ခံ ကိုဝမ်းက ပြောပါတယ်။
ဆန္ဒပြရာမှာ ဗစ်တိုးရီးယားအတွက် တရားမျှတမှုရှိရေး၊ လူ့အဖွဲ့အစည်းအတွင်း တရားဥပဒေစိုးမိုးရေး၊ နောက်ထပ် ဗစ်တိုးရီးယားများ ထပ်မံမပေါ်ပေါက်စေရေး၊ ကျနော်တို့မျိုးဆက်များ လုံခြုံစိတ်ချ ရသော လူ့အဖွဲ့စည်းတခု ဖန်တီးနိုင်ရေး၊ သက်ငယ်မုဒိမ်း လျော့နည်းပပျောက်ရေးစတဲ့ ကြွေးကြော်သံတွေ ကြွေးကြော်ပြီး ပိုစတာတွေ ကိုင်ဆောင်ကာ ဆန္ဒထုတ်ဖော်ခဲ့ကြပါတယ်။
