စာ​ပေဆု​ရွေး​ချယ်တဲ့​နေရာမှာ တဦး​တ​ယောက်က ဝင်​ရောက်မစွက်ဖက်ဖို့​လိုတယ် – မင်း​ယု​ဝေ

အစိုး​ရ ပြန်ကြား​ရေး​ဝန်ကြီး​ဌာန အမျိုး​သား​စာ​ပေဆု ​ရွေး​ချယ်​ရေး​အဖွဲ့​ဟာ ၂၀၁၁ ခုနှစ် အတွက် ဆုရသူ စာရင်း​တွေကို ထုတ်ပြန်​ကြေညာခဲ့​ပြီး​ အမျိုး​သား​စာ​ပေ တသက်တာဆုကို စာ​ရေး​ဆရာကြီး​ မင်း​ယု​ဝေက ရရှိခဲ့​ပါတယ်။ အခြား​ ဆုအမျိုး​အစား​ ၁၃ ခုအတွက် စာ​ရေး​ဆရာနဲ့​ ကဗျာဆရာ​တွေဖြစ်တဲ့​ ရဲမြတ်တင်၊​ ပျဉ်း​မနား​ ​မောင်နီသင်း​၊​ ​ကေသီပန်ဦး​လှမြင့်​၊​ နတ်​မောက်ထွန်း​ရှိန်၊​ ​မောင်စိမ်း​နောင် (လယ်​ဝေး​)၊​ ဦး​ကြည်မြင့်​ (လသာ)၊​ တင်​မောင်မြင့်​၊​ ဦး​ဝင်း​နိုင် (ညွှန်မှူး​၊​ ငြိမ်း​)၊​ ​ဒေါက်တာခင်​မောင်​ဆွေ၊​ ​သောင်း​ညွန့်​သစ်၊​ ငြိမ်း​မင်း​၊​ ကိုကို​မောင်ကြီး​နဲ့​ အငြိမ်း​စား​ သံအမတ်ကြီး​ ဦး​သက်ထွန်း​တို့​ ဖြစ်ကြပါတယ်။ ၂၀၁၁ ခုနှစ်အတွက် ​ပေး​တဲ့​ ဆုထဲမှာ ဝတ္ထုရှည် ဆု မပါဝင်ဘူး​လို့​ သိရပါတယ်။ ၂၀၁၁-ခုနှစ်အတွက် အမျိုး​သား​စာ​ပေ တသက်တာဆုရ စာ​ရေး​ဆရာကြီး​ မင်း​ယု​ဝေ နဲ့​ ဆက်သွယ်​မေး​မြန်း​ထား​ပါတယ်။ ဆရာ အခု တသက်တာစာ​ပေဆုရတဲ့​အချိန်မှာ ဆရာရဲ့​ စာ​ရေး​သက် ဘယ်​လောက်​လောက်ရှိတဲ့​ အချိန်မှာ ရရှိတာပါလဲ။ “သက်တမ်း​ ၆၀ ​ကျော်ပြီ။ ၁၇ နှစ်သား​အရွယ်က စပြီး​ ပုံနှိပ်စာအုပ်​တွေမှာပါတယ်​လေ။ စာ​ပေ သက်တမ်း​ ၆၀ ​ကျော်ပါပြီ။” ဆရာ​တောက်​လျှောက်လိုလို ​ရေး​လာခဲ့​တဲ့​ စာ​ပေအမျိုး​အစား​က ဘယ်လိုဟာမျိုး​လဲ။ “ကျ​နော်က ကဗျာလည်း​ ​ရေး​တယ်၊​ ​ဆောင်း​ပါး​လည်း​ ​ရေး​တယ်၊​ ​ဆောင်း​ပါး​မှာ အတ္ထုပ္ပတ္တိ​တွေ ဦး​စား​ပေး​တယ်၊​ ​နောက်ပိ်ုင်း​ လုံး​ချင်း​ အတ္ထုပ္ပတ္တိ​တွေ ​ရေး​တယ်။” ဆရာ ဒီ​နေ့​အထိ ​ရေး​သား​ပြုစု ထုတ်​ဝေပြီး​တဲ့​ စာအုပ်စာတမ်း​ပေါင်း​ ဘယ်​လောက်​လောက် ရှိပါပြီလဲ။ “အား​လုံး​ လုံး​ချင်း​ စာအုပ် ၆၀ ​ကျော်၊​ ကဗျာပုဒ်​ရေ​ပေါင်း​ ၃၀၀ ​ကျော်၊​ စာနယ်ဇင်း​မှာ ပါခဲ့​တဲ့​တဲ့​ ​ဆောင်း​ပါး​က ၂၀၀၀ ​ကျော်။” ဆရာ့​ကို အခု နိုင်ငံ​တော်က​နေ တသက်တာစာ​ပေဆု အသိအမှတ်ပြု​ပေး​လိုက်​တော့​ ဆရာ ဘာများ​ ထူး​ထူး​ခြား​ခြား​ ခံစား​ရပါလဲ။ “ငါကြိုး​စား​ဆောင်ရွက်​နေတာကို အား​ပေး​ပါလား​ဆိုတဲ့​ ခံစား​ချက်ပါပဲ။” ဆရာ ​နောက်ကျ​နေပြီလို့​ မထင်မိဘူး​လား​။ ဆရာ့​ကို​ပေး​သင့်​တာ ကြာပြီလို့​ရော မထင်မိဘူး​လား​။ “ဒါ​တော့​ ထင်တာ​ပေါ့​ဗျာ၊​ ကျ​နော်က ၈၅ နှစ်​လောက်​တောင် ရှိပြီ။ ​နောက်ကျတာ​ပေါ့​။ ဒါ​ပေမယ့်​ စာ​ရေး​ဆရာတို့​ မည်သည် ဆုရတာ မရတာ ထား​ပါ၊​ ကိုယ့်​ဘာသာ ဒီလိုပဲ​ရေး​နေပါတယ်။ ​ပြောတာမှန်ပါတယ် ​နောက်​တော့​ ​နောက်ကျတာ​ပေါ့​။” အခုလက်ရှိ စာ​ပေ​လောက အ​နေအထား​ပေါ်မှာ ဆရာနည်း​နည်း​သုံး​သပ်​ပေး​ပါလား​။ တချို့​တွေ​ပြော​နေကြတာ၊​ ကျ​နော်တို့​လည်း​ ​တွေ့​နေရတာက အခု သတင်း​ခေတ်ကြီး​ဖြစ်​နေ​တော့​ကာ ရသစာ​ပေက အား​နည်း​နေတယ်လို့​ သုံး​သပ်​နေတာ ရှိတယ်​လေ။ “သိပ်မှန်တယ်၊​ ရသစာ​ပေ အား​နည်း​နေတယ်။ ဗဟုတ​တွေက​တော့​ ရတယ်၊​ အံ့​မခန်း​လောက်​အောင် ဗဟုသုတ​တွေရတယ်၊​ ဒါက ဂျာနယ်​တွေရဲ့​ ​ကျေး​ဇူး​ပါပဲ။ ပြီး​တော့​ စာအပ်​တွေထုတ်တာလည်း​ သုတကို အား​ပေး​တာများ​တယ်။ ရသက နည်း​တယ်၊​ ရသ များ​မှသာလျှင် စိတ်​ကောင်း​၊​ ​စေတနာ​ကောင်း​တွေ​ပေါ်ထွန်း​မယ့်​ စိတ်ဓာတ်​တွေ​ပေါ်လာနိုင်တယ်။ ရသ ပိုင်း​က အား​နည်း​နေ​သေး​တယ်လို့​ ထင်ပါတယ်။” ဘာ​ကြောင့်​ စာ​ပေ​လောကမှာ ရသစာ​ပေ​တွေ အား​နည်း​သွား​တာလဲ။ “​ခေတ်လည်း​ပါတယ်ဗျ။ အရင်တုန်း​က နဝတ ​ခေတ်​ပေါ့​ဗျာ၊​ ဆင်း​ရဲတာ​တွေအ​ကြောင်း​ သရုပ်​ဖော် ဝတ္ထု​တွေ ​ရေး​မယ်ဆိုရင် စာ​ပေစိစစ်​ရေး​က လက်မခံဘူး​ဗျ။ ဝတ္ထုတိုတို့​၊​ ဝတ္ထုရှည်တို့​ ကဗျာတို့​ကလည်း​ ရသစာ​ပေပဲ။ အဲဘက်က အား​နည်း​သွား​တယ်။ ပြီး​တော့​ ဝမ်း​နည်း​ဖို့​ကောင်း​တာက ရသစာ​ပေ ဖတ်တဲ့​ ပရိသတ်ကလည်း​ နည်း​သွား​တယ်။ သုတပဲအရမ်း​အား​သန်​နေကြတယ်။ ဘာလို့​ဆို နိုင်ငံ​ရေး​ကလည်း​ ပါတာကို။” ဆရာတို့​ နှစ်​ပေါင်း​များ​စွာ စာ​တွေ​ရေး​လာသူတ​ယောက်အ​နေနဲ့​ ဘယ်လိုအ​ဖြေထုတ်လို့​ ရနိုင်မလဲ။ ဆိုလိုတာက ​ခေတ်က​ပြောင်း​နေတယ်၊​ လူ​တွေက နိုင်ငံရဲ့​ ​ခေတ်စနစ် အ​ပြောင်း​မှာ အာရုံ​တွေစိုက်ပြီး​ ဒီလို​တွေဖြစ်တာလား​။ ​နောင်ဆိုရင်​ရော ရသ ဘက်ကို လူ​တွေပြန်လှည့်​နိုင်မလား​။ ဘယ်အ​ခြေအ​နေမှာ ရသဘက်ကို လူ​တွေပြန်လှည့်​နိုင်မလဲ။ ဆရာ ဘယ်လိုမြင်ပါလဲ။ “အခုက စာ​ပေလွတ်လပ်ခွင့်​ရသွား​ပြီ။ အရင်က စာအုပ်​တွေတင်ရတယ်၊​ အခု တင်ဖို့​မလို​တော့​ဘူး​။ ရသဘက်ကို ​ရေး​ကြပါလိမ့်​မယ်။ ဒီလိုဆိုရင်​တော့​ နိုင်ငံပြုပြင်​ရေး​အတွက်လည်း​ သုတပိုင်း​က ​ပေး​သလို၊​ ရသပိုင်း​က ​ပေး​တာ​တွေလည်း​ ​ပေါ်ပါလိမ့်​မယ်။ ” အခု​ခေတ်စနစ်​ပြောင်း​နေပြီး​ စာ​ပေစိစစ်​ရေး​ ​ဖြေ​လျော့​ပေး​တာ အပါအဝင် စာ​ပေအနုပညာကဏ္ဍ​တွေမှာ နည်း​မျိုး​စုံနဲ့​ လိုအပ်တာ​တွေ​တောင်း​၊​ ပယ်ဖျက်၊​ သမဂ္ဂ​တွေဖွဲ့​၊​ စာနယ်ဇင်း​ကောင်စီဖွဲ့​ လုပ်​နေကြတယ်။ အမျိုး​သား​စာ​ပေဆုနဲ့​ရွေး​ချယ်​ရေး​နဲ့​ ပတ်သက်ပြီး​ သက်ဆိုင်တဲ့​ ​ကော်မတီဝင်​တွေကို ​မေး​တော့​ အရင် စည်း​မျဉ်း​ စည်း​ကမ်း​မူ​ဘောင်​တွေအတိုင်း​၊​ အရင်လူ​တွေနဲ့​ပဲ လုပ်​နေတယ်။ ​ရှေ့​နှစ်​လောက်မှ ​ပြောင်း​မယ်လို့​ ​ပြောတယ်။ ​ခေတ်စနစ်​ပြောင်း​နေတဲ့​အချိန်မှာ စာ​ပေဆု​ရွေး​ချယ်​ရေး​နဲ့​ ပတ်သက်ပြီး​ ဘယ်လိုမူ​တွေနဲ့​ ​ဆောင်ရွက်သင့်​သလဲဆိုတာ အကြံပြု​ပေး​ပါ။ “ကျ​နော်က အမျိုး​သား​စာ​ပေဆု ​ရွေး​ချယ်​ရေး​အဖွဲ့​မှာ မြဝတီ အယ်ဒီတာချုပ် ဘဝနဲ့​ ကိုယ်စား​လှယ်အ​နေနဲ့​ ပါဖူး​တယ်။ ၁၀ နှစ်​လောက် လုပ်ဖူး​တယ်။ အဲတုန်း​က ကျ​နော်တို့​ လွတ်လွတ်လပ်လပ် လုပ်ခွင့်​ရတယ်။ အခုလည်း​ လွတ်လွတ်လပ်လပ်လုပ်ပြီး​ ပြန်ကြား​ရေး​ဝန်ကြီး​ကို တင်ရတယ်။ ဆို​တော့​ ကျ​နော်တို့​ ​ရွေး​လိုက်တယ်၊​ ဝန်ကြီး​က ပယ်လိုက်တယ်ဆိုရင် သွား​တာပဲ။ အခု​တော့​ ဝန်ကြီး​သစ်ကလည်း​ ​ပြောင်း​တော့​ ပြန်ခွင့်​ပြုလိုက်တယ်လို့​ ထင်တယ်။ ကျ​နော်​တောင်မှ ဝန်ကြီး​သစ်​ပြောင်း​လို့​ ရတာလို့​ ထင်တာပဲ။ ဆရာဆိုလိုတာက စာ​ပေပညာရှင်​တွေပဲ သီး​သီး​သန့်​သန့်​ရွေး​ပြီး​ သက်ဆိုင်ရာ လူကြီး​မင်း​တွေအ​နေနဲ့​ ဝင်မစွက်ဖက်တာ ​ကောင်း​လား​။ ဆရာ နည်း​နည်း​လေး​ ​ဆွေး​နွေး​ပေး​ပါ။ “အခုလည်း​ စာ​ပေပညာရှင်​တွေပါပါတယ်၊​ အထက်က တဦး​ပဲ၊​ ဝန်ကြီး​က​နေ ​အောက်က စာ​ပေပညာရှင်​တွေရဲ့​ ​ရွေး​ချယ်မှုကို ​ရှော​ရှောရှူရှူ လက်ခံလိုက်ရင် ​ပြေလည်သွား​ပါမယ်။ အခု​တော့​ ဝင်​ရောက်မစွက်ဖက်ဘူး​ထင်တာပဲ၊​ ဒါ​ကြောင့်​ ကျ​နော်ရတယ်ထင်တယ်။” ဆရာ အခု တသက်တာစာ​ပေဆုရတာနဲ့​ ပတ်သက်ပြီး​ ဆရာ​ပြောလိုတာရှိရင် ​ပြော​ပေး​ပါ၊​ စာဖတ်ပရိသတ်​တွေအတွက်​ရော​ပေါ့​။ “ကျ​နော် အခု သိပ်စိတ်ဝင်စား​တာက ဆင်း​ရဲမွဲ​တေမှု​လျှော့​ချ​ရေး​ ပ​ပျောက်​ရေး​၊​ ဒါ စာ​ပေကလည်း​ တတပ်တအား​ပါဝင်ရမယ်။ ဘာလို့​လဲဆို​တော့​ ကျ​နော်တို့​ဆီမှာ ကွာဟမှု​တွေ သိပ်များ​တယ်။ ချမ်း​သာတဲ့​သူက တအား​ချမ်း​သာတယ်၊​ လူနည်း​စု​ပေါ့​ဗျာ။ ဆင်း​ရဲသူက အများ​စု၊​ သိပ်ကွာဟတယ်။ အဲ ဆင်း​ရဲချမ်း​သာကွဟာမှုကို ​လျော့​ပါး​သွား​အောင် ကျ​နော်တို့​ စာ​ပေဘက်ကလည်း​ ဝိ်ုင်း​ဝန်း​အား​ပေး​ ​ရေး​သား​ကြမယ်ဆို ပို​ကောင်း​ပါတယ်လို့​ ယူဆပါတယ်။”

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up