ထိုင်းတွင် ဘတ်သန်းပေါင်း ၂ သောင်းကျော် တန်ဖိုးရှိ မူးယစ်ဆေးဝါးများ ဖျက်ဆီး

ဓာတ်ပုံ - khaosod
ဒီကနေ့ကျရောက်တဲ့ အပြည်ပြည်ဆိုင်ရာ မူးယစ်ဆေးဝါး ဆန့်ကျင်တိုက်ဖျက်ရေးနေ့မှာ ထိုင်းနိုင်ငံအနေနဲ့ ဘတ်ငွေ သန်းပေါင်း ၂ သောင်းကျော် တန်ဖိုးရှိ မူးယစ်ဆေးဝါးတွေကို ဖျက်ဆီးခဲ့ပါတယ်။ ထိုင်းနိုင်ငံရဲ့ ၄၉ ကြိမ်မြောက် မူးယစ်ဆေးဝါးဖျက်ဆီးရေး အခမ်းအနားကို ထိုင်းကျန်းမာရေး ဝန်ကြီးဌာနက နိုင်ငံအလယ်ပိုင်း အယုဒ္ဓယခရိုင် ဘန်ပအင်စက်မှုဇုန်ဒေသရှိ သဘာဝပတ်ဝန်းကျင်နဲ့ စားသုံးသူများ စီမံခန့်ခွဲရေးဌာနမှာ ဒီနေ့မနက်က ကျင်းပခဲ့ပြီး အစိုးရ ဌာနဆိုင်ရာ တာဝန်ရှိသူတွေ၊ နိုင်ငံတကာ စစ်သံမှူးတွေနဲ့ လူမှုအဖွဲ့အစည်း ကိုယ်စားလှယ်တွေက သက်သေအဖြစ် လာရောက်ကြည့်ရှုခဲ့ပါတယ်။ အဲဒီအခမ်းအနားမှာ မူးယစ်မှုပေါင်း ၆၉၃၀ ကနေ ဖမ်းဆီးရမိတဲ့ စိတ်ကြွဆေး ၁၂၃၆၉ ကီလိုဂရမ် (ဆေးပြားပေါင်း ၁၃၇ သန်းခန့်)၊ မတ်အမ်ဖီတမင်း ခေါ် အိုက်စ် ရေခဲမူးယစ်ဆေး ၃၄၄၃ ကီလိုဂရမ်၊ ဟီးရိုးအင်း ၁၄၃ ကီလိုဂရမ်၊ MDMA/MDA ၁၄ ကီလိုဂရမ်၊ ကိုကင်း ၄၄ ကီလိုဂရမ်၊ ဘိန်းစိမ်း ၂၅၈ ကီလိုဂရမ်နဲ့ တခြား မူးယစ်ဆေးနဲ့ ဆက်နွယ်တဲ့ ဆေးဝါးတွေ ပါဝင်ပြီး အလေးချိန် စုစုပေါင်း ၁၆၄၆၇ ကီလိုဂရမ်ရှိကာ ကာလတန်ဖိုး ဘတ်သန်းပေါင်း ၂၀၀၄၇ ရှိတယ်လို့ ထိုင်းနိုင်ငံ ဆေးဝါးနဲ့ အစားအစာ ကွပ်ကဲရေးဌာန ဒုညွှန်မှူး ဒေါက်တာနရေ့စ် ကရဆဒ်ဝိဥဝုန်းက အခမ်းအနားမိန့်ခွန်းမှာ ထည့်သွင်း ပြောကြားပါတယ်။ အဲဒီ မူးယစ်ဆေးဝါးတွေကို ဖျက်ဆီးရာမှာ ပတ်ဝန်းကျင်တွင်း အနံ့အသက်နဲ့ အဆိပ်ငွေ့တွေ မပြန့်လွင့်အောင် Pyrolytic Incineration နည်းနဲ့ အပူချိန် ၈၀ စင်တီဂရိတ်ပေးပြီး ဖျက်ဆီးခဲ့တယ်လို့ ဆိုပါတယ်။ မူးယစ်ဆေးဝါးသုံးစွဲသူ အရေအတွက်မှာ ထိုင်းတနိုင်ငံလုံးရှိ မူးယစ်ဆေးဖြတ်ဌာနပေါင်း ၈၀၀ ကျော်အတွင်း ဆေးလာဖြတ်သူ ၂ သိန်းကျော်ရှိပြီး ၆၁ ရာခိုင်နှုန်း ကုသပေးခဲ့ပြီးဖြစ်တယ်လို့ ဒေါက်တာ နရေ့စ်က ပြောသွားပါတယ်။

//
More News
Up