Live
Home
မြန်မာသတင်း
သတ္တုခိုးတူးမှု ရပ်တန့်ရန် ဇိုမီးတပ်က ကျည်တတောင့်နှင့် သတိပေးစာ ပေးပို့
DVB
·
June 15, 2019
မြွေတောင်ဒေသက အဖိုးတန်သတ္တု ခိုးတူးဖော်နေမှုကို ရပ်တန့်ဖို့အတွက် ဇိုမီးတော်လှန်ရေးတပ်မတော် (ZRA) က ကျည်တတောင့်နဲ့ သတိပေးစာပို့ခဲ့ပါတယ်။ ချင်းပြည်၊ တီးတိန်မြို့နယ်၊ ကလေးမြို့အစပ်က မြွေတောင်မှာ သတ္တုပါဝင်တဲ့ ကျောင်တုံးတွေကို တရားမ၀င် တူးဖော်နေတယ်ဆိုတဲ့ ကလေးမြို့နယ် ညောင်ကုန်းကျေးရွာက ဦးသန်းဆောင်ထံ ဇိုးမီးတော်လှန်ရေးတပ်မတော်(Zomi Revolutionary Army) က ကျည်ဆံတတောင့်နဲ့ သတိပေးစာတစောင်ကို ဇွန်လ၁၃ ရက်နေ့ ရက်စွဲနဲ့ ပေးပို့ခဲ့တာဖြစ်ပါတယ်။ ဦးသန်းဆောင်ဟာ ဇိုမီးလူမျိုးတို့ရဲ့ ဘိုးဘွားပိုင် မြွေတောင်ဒေသက အဖိုးတန် သတ္တုရတနာတွေကို ကြိမ်ဖန်များစွာ တရားမ၀င် ခိုးယူတူးဖော်နေတာကို သတင်းအခိုင်အလုံ ရရှိထားတယ်လို့ ဆိုပါတယ်။ ဆက်လက်ပြီး မိမိတို့ ဇိုမီးတော်လှန်ရေးတပ်မတော် (အရှေ့ပိုင်းတိုင်း) ရဲ့  မျက်ကွယ်မှာ ထပ်မံကျူးလွန်ပါက တော်လှန်ရေး လုပ်ထုံး၊ လုပ်နည်းအတိုင်း အရေယူမည်ဖြစ်ကြောင်း ပထမဆုံးအကြိမ်နဲ့ နောက်ဆုံးအကြိမ်အဖြစ် ပြင်းထန်စွာသတိပေးလိုက်တယ်လို့ အရှေ့ပိုင်းတိုင်း စစ်ကြောင်းမှူး ဗိုလ်မှူး ဇိုထန်ကိုယ်တိုင် လက်မှတ်ရေးထိုးပြီး သတိပေးစာမှာ ဖော်ပြထားပါတယ်။ သတိပေးခံရတဲ့ ညောင်ကုန်းရွာမှ ဦးသန်းဆောင်က “ကုမ္ပဏီတော့ ရှိတယ်၊ နာမည်တော့ မသိဘူး။ ကျနော်လုပ်တာ မှန်တယ်။ ကုမ္ပဏီက ပါမစ်မရသေးလို့ မရောင်းသေးဘဲ စုထားတာ တန် ၁၀၀ လောက်ရှိသေးတယ်။ ပြီးခဲ့တဲ့ ၂၀၁၈ ခုနှစ် ၁၁ လပိုင်းလောက်က အလုပ်နားထားတယ်။ ခုလည်း မီးသွေးဖုတ်စားနေရတယ်။ လယ်ယာတွေကလည်း လုပ်ကိုင် မကောင်းတော့ဘူး။ ဘာဆက်လုပ်မလဲ ဆိုတာကတော့ ကျနော်တို့ ကုမ္ပဏီက ပါမစ်ရအောင်တော့ အမြန် ကြိုးစားနေတယ်လို့ ပြောပါတယ်။ ဒီကိစ္စကိုလည်း သက်ဆိုင်ရာကို အကြောင်းကြားထားတယ်။” လို့ ဒီဗွီဘီကို ပြောပါတယ်။ ဒေသခံ ချင်းအမျိုးသားတဦးက "ZRA က ဟိုအရင်က လက်ပန်ချောင်းရွာက တဦးကိုလည်း ပေးပို့ဖူးတာ ကြားဖူးတယ်။ အဲ့ဒီတုန်းကတော့ လူသိပ်မသိလိုက်ဘူး။ ခုစာက ဒုတိယအကြိမ်ပဲ။ သတင်းအချက်​အလက်​ မပြည့်စုံ​သေးတာလားအသိဘူး။ ဆက်​ပြီး ဖြစ်​ပွား​နေရင်​​တော့ ဒီလို သတိ​ပေးစာ​တွေ ထပ်ကြားရမှာမယ်လို့ ယူဆတယ်။ ZRA က​တော့ တကယ်​ ရှင်းပစ်​တတ်​တယ်​" လို့  ပြောပါတယ်။ မြွေတောင်ဒေသမှာ ၂၀၁၂ - ၂၀၁၃ ခုနှစ် အစောပိုင်းကာလကလည်း တရုတ်ကုမ္ပဏီတခုဖြစ်တဲ့ North Mining Investment Company က သတ္တုတူးဖော်ထုတ်လုပ်ဖို့ လာရောက်စမ်းသပ်လေ့လာမှုတွေ ပြုလုပ်ခဲ့ပြီး အနီးတ၀ိုက်ကျေးရွာတွေက ဒေသခံတွေနဲ့ ကလေးမြို့ အရပ်ဘက်အဖွဲ့အစည်းတွေက ချင်းပြည်နယ်အထိ တက်ရောက် ကန့်ကွက်ခဲ့တာလည်း ရှိပါတယ်။ ဇိုးမီးတော်လှန်ရေး တပ်မတော်ဟာ ချင်းပြည်နယ် မြောက်ပိုင်း မြန်မာနိုင်ငံထဲမှာ လှုပ်ရှားနေတဲ့ တော်လှန်ရေး တပ်မတော်တခုလည်း ဖြစ်ပါတယ်။ သတင်းဓာတ်ပုံ - မင်းရဲစစ်နိုင်

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024