အိန္ဒိယကို ဝင်ရောက်မည့် ဆိုင်ကလုန်းမုန်တိုင်း လမ်းကြောင်းပြောင်း

အိန္ဒိယနိုင်ငံ ဂူဂျာရတ်ပြည်နယ် အနောက်ဘက်ကမ်းရိုးတန်းကို ခြိမ်းခြောက်နေတဲ့ ဆိုင်ကလုန်း ဗာယူဟာ အခုအခါ လမ်းကြောင်းပြောင်းပြီး ကမ်းရိုးတန်းကို အဖျားခတ်ဖွယ်သာ ရှိတယ်လို့ အာဏာပိုင်တွေက ဇွန်လ ၁၃ ရက်နေ့မှာ ပြောပါတယ်။ ဒါပေမယ့် ဆိပ်ကမ်းတွေနဲ့ ကမ်းရိုးတန်း၊ လေဆိပ်တွေကိုတော့ ပိတ်ထားဆဲ ဖြစ်ပါတယ်။ ဟာရီကိန်း အဆင့် ၁ နဲ့ ပြင်းအားညီမျှတဲ့ ဆိုင်ကလုန်း ဗာယူဟာ မူလခန့်မှန်းထားတဲ့ ဂူဂျာရတ်ကမ်းရိုးတန်းကို ရှောင်ကွင်းပြီး အနောက်မြောက်ဘက်ကို ဦးတည်ရွေ့လျားနေတယ်လို့ အိန္ဒိယ မိုးလေဝသဌာနက ဆိုပါတယ်။ ဂူဂျာရတ်ပြည်နယ်ကို ဝင်ရောက်မယ်လို့ ကြိုတင်ခန့်မှန်းထားတဲ့အတွက် အာဏာပိုင်တွေဟာ အနိမ့်ပိုင်းဒေသတွေမှာ နေထိုင်တဲ့ ဒေသခံ ၃ သိန်းကျော်ကို ဘေးလွတ်ရာ ရွှေ့ပြောင်းဖို့နဲ့ လေဆိပ်လုပ်ငန်း ကောင်တာတွေကို ခေတ္တဆိုင်းငံ့ဖို့ တိုက်တွန်းခဲ့ပါတယ်။ ဒါ့အပြင် ရထားလိုင်းအာဏာပိုင်တွေက ခရီးစဉ် ၇၀ ကျော်ကို ဖျက်သိမ်းပြီး တခြားခရီးစဉ် နှစ်ဒါဇင်ကျော်ကို ကန့်သတ်ခဲ့တယ်လို့ ရိုက်တာသတင်းမှာ ဖော်ပြပါတယ်။

More News
Up