ဆူဒန်စစ်ကောင်စီနှင့် အတိုက်အခံအဖွဲ့အကြား ဆွေးနွေးပွဲပြန်လုပ်ရန် သဘောတူ

ဆူဒန်နိုင်ငံမှာ တိုင်းပြည်အကူးအပြောင်းကာလနဲ့ ပတ်သက်တဲ့ ဆွေးနွေးပွဲတွေ ပြန်လုပ်ဖို့ စစ်တပ်နဲ့ အတိုက်အခံအဖွဲ့အကြား သဘောတူခဲ့ကြတယ်လို့ အီသီယိုးပီယား အထူးသံတမန် မာမွတ်ဒီရီယာက ဇွန်လ ၁၁ ရက်နေ့မှာ ပြောပါတယ်။ လက်ရှိမှာ အတိုက်အခံ မဟာမိတ်တွေဟာ သပိတ်မှောက် ဆန္ဒပြပွဲတွေကို ရပ်ဆိုင်းထားပါတယ်။ ဆူဒန်နိုင်ငံရဲ့ အသွင်ကူးပြောင်းရေး စစ်ဘက်ကောင်စီဟာ ယုံကြည်မှုတည်ဆောက်တဲ့ အနေနဲ့ နိုင်ငံရေးအကျဉ်းသားတွေကို လွှတ်ပေးဖို့လည်း သဘောတူခဲ့တယ်လို့ မာမွတ်ဒီရီယာက သတင်းထောက်တွေကို ပြောပါတယ်။ ဇွန်လ ၃ ရက်နေ့မှာ လုံခြုံရေးတပ်ဖွဲ့ဝင်တွေက သပိတ်စခန်းတခုကို ဝင်စီးလို့ ဒါဇင်နဲ့ချီ သေဆုံးခဲ့အပြီး အတိုက်အခံတွေနဲ့ စစ်တပ်အကြား အခြေအနေ တင်းမာခဲ့ပါတယ်။ ဒါ့ကြောင့် ဧပြီလက သမ္မတဟောင်း အိုမာ အယ်လ်ဘာရှား နုတ်ထွက်အပြီး ဒီမိုကရေစီစနစ်ကို အကူးအပြောင်းကာလ တည်ငြိမ်ရေး မျှော်လင့်ချက်တွေလည်း လျော့ပါးခဲ့ရပါတယ်။ ရွေးကောက်ပွဲမတိုင်ခင် အကူးအပြောင်းကာလစပ်ကြား တိုင်းပြည်ကို ဘယ်သူ စီမံခန့်ခွဲသင့်တယ် ဆိုတာနဲ့ ပတ်သက်ပြီး သမ္မတဟောင်း ဘာရှားဆီကနေ အာဏာလွှဲပြောင်း ရယူထားတဲ့ စစ်ဘက်ကောင်စီနဲ့ လွတ်လပ်ခွင့်နဲ့ ပြောင်းလဲရေး မဟာမိတ်တပ်ဖွဲ့ (DFCF) အကြား  သီတင်းပတ်ချီ ငြင်းခုံပြီးနောက် ဆန္ဒပြသူတွေကို ဖြိုခွင်းခဲ့တာပါ။ DFCF အဖွဲ့ဟာ ဇွန်လ ၉ ရက်နေ့ကစပြီး မြို့တော်ခါတွမ်မှာ အရပ်သားအုပ်ချုပ်ရေးကို တောင်းဆိုဆန္ဒပြပွဲတွေ အရှိန်မြှင့်ခဲ့ပါတယ်။ စစ်တပ်နဲ့ ပြန်ဆွေးနွေးဖို့ သဘောတူပြီးနောက်မှာတော့ ဇွန်လ ၁၂ ရက်နေ့ကစပြီး နောက်ထပ် မကြေညာမချင်း ဆန္ဒပြပွဲတွေ ရပ်ဆိုင်းထားမယ်၊ ဒါပေမယ့် ပြည်သူတွေအနေနဲ့ နောက်ထပ် အရေးယူဆောင်ရွက်နိုင်ရေး စည်းစည်းလုံးလုံး နိုးနိုးကြားကြား ရှိကြဖို့ DFCF အဖွဲ့က တိုက်တွန်းထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up