ဗင်နီဇွဲလားတွင် ကျန်းမာရေးဝန်ထမ်းများ စုဝေးဆန္ဒပြ

ဗင်နီဇွဲလားနိုင်ငံတွင်း စားနပ်ရိက္ခာနဲ့ ဆေးဝါးတွေ ဆေးဘက်ပစ္စည်းတွေ ပြတ်လပ်နေတဲ့ အကျပ်အတည်း ရင်ဆိုင်နေရချိန် ဇွန် ၁၀ ရက်နေ့က ကျန်းမာရေးဝန်ထမ်းတွေ စုဝေး ဆန္ဒပြခဲ့ကြပါတယ်။ လက်အိတ်နဲ့ ပတ်တီးပိတ်ကျဲ စတဲ့ အခြေခံဆေးဘက်ပစ္စည်းတွေ မလုံလောက်တာကြောင့် ဆရာဝန်တွေ၊ သူနာပြုတွေနဲ့ တခြား ကျန်းမာရေးဝန်ထမ်းတွေဟာ ပိုမိုကောင်းမွန်တဲ့ အလုပ်ခွင်အခြေအနေ ဖန်တီးပေးဖို့ တောင်းဆိုခဲ့ကြပါတယ်။ နိုင်ငံတွင်း မဖြစ်မနေလိုအပ်တဲ့ အခြေခံဆေးဝါးနဲ့ ဆေးဘက်ဆိုင်ရာ အထောက်အပံ့ပစ္စည်းတွေ ပြတ်လပ်မှုနှုန်း ၉၀ ရာခိုင်နှုန်းထိရှိပြီး ဈေးကြီးတဲ့ ဆေးဝါးတွေနဲ့ ကုသမှု ကျဆင်းနှုန်း ၇၅ ရာခိုင်နှုန်းထိ ရှိတယ်လို့ ဗင်နီဇွဲလား ဆေးဝါးကျွမ်းကျင် အဖွဲ့ချုပ်ရဲ့ အစီရင်ခံစာတွေက ပြောပါတယ်။ ရေနံကြွယ်ဝတဲ့ ဗင်နီဇွဲလားနိုင်ငံမှာ မကြာသေးခင်က ငွေကြေးဖောင်းပွမှု မြင့်တက်လာတာနဲ့အမျှ ဆေးဝါးဝယ်ယူစရိတ်လည်း မြင့်တက်လာတာကြောင့် သာမန်ပြည်သူတွေ မတတ်နိုင်ကြဘူးလို့ ဆန္ဒပြသူတွေက ပြောပါတယ်။ လက်ရှိသမ္မတ နီကိုးလပ်စ် မာဒူရို မတိုင်ခင် သမ္မတဟောင်း ဟူဂို ချားဗက်ဇ် လက်ထက်မှာ ဆင်းရဲတဲ့ ရပ်ကွက်ထဲမှာ အခမဲ့ဆေးခန်းတွေ ဖွင့်ဖို့နဲ့ ကျန်းမာရေးကဏ္ဍ တိုးမြှင့်ဖို့ ရေနံစီးပွားရေးကို ထိန်းချုပ်ထားခဲ့ပါတယ်။ ဒါပေမယ့် သမ္မတ မာဒူရို လက်ထက်မှာတော့ ရေနံဈေး ထိုးကျခဲ့တဲ့အပြင် နိုင်ငံတွင်း စားနပ်ရိက္ခာ၊ သောက်သုံးရေနဲ့ လျှပ်စစ်ဓာတ်အား မလုံလောက်တဲ့ အကျပ်အတည်းတွေနဲ့အတူ ကျန်းမာရေးကဏ္ဍလည်း ကျဆင်းလာခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up