အင်ဒိုနီးရှား ဆီနာဘန်မီးတောင် ၇ ကီလိုမီတာအမြင့်ထိ ပြာများမှုတ်ထုတ် (ရုပ်သံ)

အင်ဒိုနီးရှားနိုင်ငံ မြောက်ပိုင်းမှာ တည်ရှိတဲ့ ဆီနာဘန်မီးတောင်ဟာ ဇွန်လ ၉ ရက်က မီးတောင်နှုတ်ခမ်းဝကနေ ၇ ကီလိုမီတာ အမြင့်ထိ ပြာတွေ မှုတ်ထုတ်ခဲ့တယ်လို့ အင်ဒိုနီးရှား သဘာဝဘေး လျော့ပါးသက်သာစေရေး အေဂျင်စီ (BNPB) က ပြောပါတယ်။ မီးတောင်နှုတ်ခမ်းဝကနေ မီးခိုရောင် ပြာတန်းကြီး ကောင်းကင်ပေါ်ကို လိပ်တက်နေတဲ့ ရုပ်သံဖိုင်ကို ဒေသခံတွေက မှတ်တမ်းတင်ခဲ့ကြပါတယ်။ တနင်္ဂနွေနေ့က ဖြစ်ရပ်ကြောင့် သေဆုံးသူမရှိဘူးလို့ BNPB က ပြောပါတယ်။ ဆီနာဘန်မီးတောင်ကို ပေါက်ကွဲလုနီးပါးဖြစ်တဲ့ အမြင့်ဆုံး သတိပေးချက် အနီရောင်အဆင့် သတ်မှတ်ထားတယ်လို့ မီးတောင် လေ့လာစောင့်ကြည့်ရေး အဖွဲ့တဖွဲ့က ပြောပါတယ်။ ၈၀၇၁ ပေ အမြင့်ရှိတဲ့ ဆီနာဘန်မီးတောင်ဟာ အင်ဒိုနီးရှားရဲ့ သက်ဝင်လှုပ်ရှားမှုအရှိဆုံး မီးတောင်တွေထဲက တခုပါ။ ၂၀၁၄ ခုနှစ် ဆီနာဘန်မီးတောင် ပေါက်ကွဲခဲ့ချိန်က လူပေါင်း ၁၂ ယောက်ထက်မနည်း သေဆုံးခဲ့ပြီး ထောင်ချီတဲ့ ဒေသခံတွေ ဘေးလွတ်ရာ ရွှေ့ပြောင်းခဲ့ကြရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up