ဖလော်ရီဒါ အထက်တန်းကျောင်း သေနတ်ပစ်ခတ်မှုတွင် တာဝန်ပျက်ကွက်သည့် ရဲဝန်ထမ်းဟောင်းအား ဖမ်းဆီး

အမေရိကန်နိုင်ငံ ဖလော်ရီဒါပြည်နယ်မှာ မနှစ်က လူ ၁၇ ယောက် သေဆုံးခဲ့တဲ့ ပါ့ခ်လန်းဒ်မြို့ မာဂျော်ရီစတုန်းမန်း ဒေါက်ကလပ်စ် အထက်တန်းကျောင်း သေနတ်ပစ်ခတ်မှုမှာ  တာဝန်ပျက်ကွက်မှုနဲ့ ဖလော်ရီဒါ ရဲဝန်ထမ်းဟောင်းကို ဇွန်လ ၄ ရက်နေ့က ဖမ်းဆီးလိုက်ပါတယ်။ ဖမ်းဆီးခံရတဲ့ အသက် ၅၆ နှစ်အရွယ် ရဲဝန်ထမ်းဟောင်း စကော့ပီတာဆင်ဟာ ပေါ့လျော့မှု ၇ မှု၊ တာဝန်ပျက်ကွက်မှု ၃ မှု၊ မုသားထွက်ဆိုမှု ၁ မှုနဲ့ ရင်ဆိုင်နေရတယ်လို့ ဘလိုးဝေါ့ပြည်နယ် ရှေ့နေတဦးက ဆိုပါတယ်။ ပါ့ခ်လန်း ကျောင်းသားကျောင်းသူ ၁၇ ယောက် သေဆုံးချိန်မှာ လုံခြုံရေးတာဝန်ကျ ပီတာဆင်ဟာ ကျောင်းပြင်ပမှာ ရှိနေတယ်လို့ ၂၇ မိနစ်ကြာမြင့်တဲ့ စောင့်ကြည့်ကင်မရာ မှတ်တမ်းက ဖော်ပြပါတယ်။ အဲဒီဗွီဒီယိုကို သေနတ်ပစ်ခတ်မှုဖြစ်ပြီး တလအကြာ ထုတ်လွှင့်ခဲ့ပြီး ဘလိုးဝေါ့ကောင်တီ ရဲတပ်ဖွဲ့ အကြီးအကဲက ပီတာဆင်နဲ့ နောက်ရဲဝန်ထမ်းတဦးဖြစ်တဲ့ ဘရိုင်ယန်မီလာတို့ကို လူအစုလိုက် သတ်ဖြတ်မှုအား တားဆီးဖို့ ပျက်ကွက်မှုနဲ့ ရာထူးကနေ ထုတ်ပယ်ခဲ့ပါတယ်။ ဖလော်ရီဒါပြည်နယ်၊ ပါ့ခ်လန်းဒ်မြို့က မာဂျော်ရီစတုန်းမန်း ဒေါက်ကလပ်စ် အထက်တန်းကျောင်းမှာ ၂၀၁၈ ခုနှစ် ဖေဖော်ဝါရီ ၁၄ ရက်နေ့က သေနတ်ပစ်ခတ်မှုဖြစ်ပွားခဲ့ပြီး ကျောင်းသားတွေနဲ့ ဝန်ထမ်း စုစုပေါင်း ၁၇ ဦး သေဆုံးခဲ့ပါတယ်။

More News
Up