ဖေ့စ်ဘွတ်ခ်ခိုးယူငွေလိမ်ခံရမှုများ တိုင်ကြားပါက ရဲတပ်ဖွဲ့ကူညီမည်

ကိုယ့်ရဲ့ဖေ့စ်ဘွတ်ခ်အကောင့် ခိုးယူခံရပြီး ငွေကြေးလိမ်လည်တာနဲ့ တခြားပြဿနာတွေ ဖြစ်ပေါ်လာရင် နီးစပ်ရာရဲစခန်းကို အသိပေးတိုင်ကြားကြဖို့နဲ့ အကောင့်ရဲ့အချက်အလက်တွေ သိတယ်ဆိုရင် မှုခင်းရဲတပ်ဖွဲ့က အကောင့်ကို ပြန်ရအောင် ကူညီပေးနိုင်တယ်လို့ ပြည်ထဲရေးဝန်ကြီးဌာနက ထုတ်ပြန်ထားပါတယ်။ ၂၀၁၈ ခုနှစ်ကနေ ၂၀၁၉ ခုနှစ် နှစ်လယ်ကာလမှာ ပုဂ္ဂိုလ်ရေးသုံးစွဲတဲ့ ဖေ့စ်ဘွတ် အကောင့်တွေ ခိုးခံရတာ ပိုပြီး ဖြစ်ခဲ့တယ်လို့ ဆိုပါတယ်။ အကောင့်ခိုးခံရတာရဲ့ အဓိက အကြောင်းရင်းကတော့ ခိုးယူသူတွေရဲ့ ကျွမ်းကျင်မှုထက် Pass wordတွေ အလွယ်တကူပေးထားတာမျိုး အကောင့်ပိုင်ရှင်တွေရဲ့ ပေါ့ဆမှုကြောင့် ပိုပြီး ဖြစ်တယ်လို့လည်း ဆိုပါတယ်။ အကောင့်ခိုးယူသူတွေဟာ နာမည်ကြီးအနုပညာရှင်တွေဆီကို ချဉ်းကပ်တာ၊ နာမည်ရ ဆရာတော်တွေဆီ ချဉ်းကပ်ပြီး နည်းပညာကျွမ်းကျင်ကြောင်းပြလို့ အကောင့်တွေဖွင့်ပေးပြီး အသုံးပြုသူရဲ့ အားနည်းချက်၊ အမှားတွေကို အချိန်ယူစောင့်ကြည့်နေတတ်ပါတယ်။ ပြီးတော့ အကောင့်ထဲက မိတ်ဆွေတွေကို ဟန်ဆောင်ပြီး ငွေချေးတာတွေလုပ်တတ်သလို သတင်း၊ ဓာတ်ပုံ၊ ဗွီဒီယိုဖိုင်တို့ကို ခိုးယူပြီး တဆင့်ပြန်ရောင်းချတာတွေလည်း လုပ်ကြပါတယ်။ ဒါကြောင့် တခြားသူကို ဖွင့်ခိုင်းတဲ့ အကောင့်တွေကို စကားဝှက်ပြောင်းဖို့၊ ပြောင်းရာမှာ အက္ခရာ၊ ဂဏန်း၊ သင်္ကေတတို့ ပေါင်းစပ်ပြီးထားဖို့၊ ဖေ့စ်ဘွတ်ခ်ရဲ့ Security and Login Setting က Setting Up Extra Security ရှိ Get alerts about unrecognized logins ကို ဖွင့်ထားဖို့၊ Use two-factor authentication ကို ဖွင့်ထားဖို့ စတဲ့ လုံခြုံရေး အဆင့် မြှင့်တင်ထားဖို့လည်း အကြံပြုထားပါတယ်။ တကယ်လို့ ကိုယ့်ရဲ့ အကောင့်ကနေ ငွေလိမ်လည်တောင်းတာကို သိရရင် ဟန်ဆောင်ပြီး ငွေလိမ်လည်နေတဲ့အကြောင်း ပို့စ်တင်ပြီး ကိုယ့်ရဲ့ သူငယ်ချင်းတွေကို Tag ချိတ် အသိပေးသင့် တယ်လို့လည်း ဆိုပါတယ်။ ဒါတွေဟာ မကြာခဏဖြစ်ပွားနေတဲ့ ကိစ္စတွေဖြစ်ပြီး တရားခံကို အလွယ်တကူ မသိတာကြောင့် ရဲစခန်းမှာ အမှုဖွင့်ဖို့လည်း ခက်ခဲတတ်ပါတယ်။ ဒီလိုကြုံလာခဲ့ရင် နီးစပ်ရာရဲစခန်းကို အသိပေးတိုင်ကြားဖို့၊ မှုခင်းရဲတပ်ဖွဲ့ကို ဆက်သွယ်ပြီး အချက်အလက်တွေ ပေးပို့ဖို့၊ ခိုးယူခံရတဲ့ အကောင့်ရဲ့ အရင်က အသုံးပြုခဲ့တဲ့ အီးမေးလ်၊ အမည်နဲ့ စကားဝှက်တွေကို မှတ်မိတယ်ဆိုရင် မှုခင်းရဲတပ်ဖွဲ့က အကောင့်တွေ ပြန်ရအောင် ကူညီပေး နိုင်သလို မမှတ်မိဘူးဆိုရင်လည်း Facebook Team ကို အကြောင်းကြားပြီး ပယ်ဖျက်ပစ်တာမျိုး လုပ်ပေးနိုင်မယ်လို့ ဆိုထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up