ဟွာဝေးကို အမည်ပျက်စာရင်းသွင်းသည့် ဆုံးဖြတ်ချက် တိုးတက်မှုကို အားပေးရာရောက်ဟု တရုတ်ပြော

ဟွာဝေးကို အမည်ပျက်စာရင်း သွင်းလိုက်တဲ့ အမေရိကန် ဆုံးဖြတ်ချက်ဟာ ဖွံ့ဖြိုးတိုးတက်မှုကို အားပေးရာရောက်တဲ့အတွက် ကောင်းတယ်လို့ တရုတ်ဒုဝန်ကြီးတဦးက မေလ ၂၄ ရက်နေ့မှာ ပြောလိုက်ပါတယ်။ အမေရိကန်အစိုးရဟာ သူ့ကုမ္ပဏီတွေကို ကမ္ဘာ့အကြီးဆုံး တယ်လီကွန်းပစ္စည်း ထုတ်လုပ်ရေးကုမ္ပဏီ ဟွာဝေးနဲ့ လုပ်ငန်းလုပ်ကိုင်တာကို တားမြစ်ထားပါတယ်။ ဟွာဝေးကို အမည်ပျက်စာရင်း သွင်းပြီးတဲ့နောက်မှာတော့ ဒီသီတင်းပတ်မှာ တရုတ် စီစီတီဗွီကုမ္ပဏီ Hikvision ကိုလည်း အလားတူ ဒဏ်ခတ်တာတွေလုပ်ဖို့ အမေရိကန်အစိုးရက စဥ်းစားနေတယ်လို့ မီဒီယာတွေက ဖော်ပြပါတယ်။ အဲဒါနဲ့ပတ်သက်လို့ တရုတ် စက်မှုနဲ့ သတင်းနည်းပညာ ဒုတိယဝန်ကြီး ကျန်းကျီကျွမ်းက “တရုတ်ကုန်ထုတ်လုပ်ငန်းတွေဟာ တကယ်ပဲ အဆင့်မြင့်မားတဲ့ ဖွံ့ဖြိုးတိုးတက်ရေးလမ်းကို လျှောက်လှမ်းချင်ရင် ကိုယ့်ရဲ့ ပင်မနည်းပညာနဲ့ ပြည်သူ့ဆက်ဆံရေးကို ပိုကောင်းအောင် လုပ်ရမှာ ဖြစ်တယ်။ ကိုယ့်အားနည်းချက်တွေကို အမြန်အားကောင်းအောင်လုပ်ပြီး လိုအပ်ချက် ကွက်လပ်တွေကို ဖြည့်ဆည်းရမယ်” လို့ ပြောပါတယ်။ အမေရိကန် တားမြစ်သလို ကမ္ဘာတဝှမ်း နည်းပညာကုမ္ပဏီတွေဟာ ဟွာဝေး ထုတ်ကုန်တွေအပေါ် တားမြစ်ခဲ့တာပါ။ ဂျပန်ကုမ္ပဏီ ပန်နယ်ဆိုးနစ်ကလည်း ဟွာဝေးထုတ်ကုန် အစိတ်အပိုင်းတွေ တင်ပို့တာကို ရပ်လိုက်တယ်လို့ ပြောပါတယ်။ အဲဒီမတိုင်ခင် ဗြိတိန် ချစ်ပ်ပြားကုမ္ပဏီ  ARM ကလည်း အလားတူ ဟွာဝေးထုတ်ကုန်တွေကို တားမြစ်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up