အာဖရိကနိုင်ငံတွေဖြစ်တဲ့  ဘီနင်သမ္မတနိုင်ငံ၊ ကွန်ဂို သမ္မတနိုင်ငံ၊ တိုဂိုသမ္မတနိုင်ငံတို့နဲ့  မြန်မာနိုင်ငံအကြား သံတမန်ဆက်သွယ်မှု တိုးချဲ့ထူထောင်ဖို့ ပြည်ထောင်စုလွှတ်တော်က မေ ၂၃ ရက်မှာ သဘောတူလိုက်ပါတယ်။ အစိုးရ သက်တမ်း (၃)နှစ်တာ ကာလ အတွင်း မော်လ်တာ၊ အီကွေဒို၊ မာရှယ် ကျွန်းစုနိုင်ငံ၊ ဟိုလီဆီးလ်၊ လိုက်ဘေးရီးယား၊ ဂီနီ၊ ဆေးရှဲလ် စတဲ့ မိတ်ဖက်သစ်နိုင်ငံ ၇ နိုင်ငံနဲ့ သံတမန်ဆက်သွယ်ထူထောင်နိုင်ခဲ့ပြီးဖြစ်လို့ အစိုးရသစ်လက်ထက် နိုင်ငံ ၁၀ နိုင်ငံနဲ့ သံတမန်ဆက်သွယ်ထူထောင်နိုင်ခဲ့တာ ဖြစ်ပါတယ်။ မြန်မာနိုင်ငံအနေနဲ့ သံတမန် ဆက်သွယ်မှုတွေ တိုးချဲ့ ထူထောင်နိုင်ခဲ့တာကြောင့် ဒီနေ့အထိ ကမ္ဘာ့နိုင်ငံပေါင်း ၁၉၃ နိုင်ငံအနက် နိုင်ငံပေါင်း ၁၂၄ နိုင်ငံနဲ့ သံတမန် အဆက်အသွယ်ထူ ထောင်ထားရှိပြီးဖြစ်ပါတယ်။ လက်ရှိမှာ ကမ္ဘာ့အနှံ့ မြန်မာသံရုံး ၃၅ ရုံး၊ အမြဲတမ်းကိုယ်စားလှယ် အဖွဲ့ရုံး ၃ ရုံးနဲ့  ကောင်စစ်ဝန်ချုပ်ရုံး ၆ ရုံး၊ စုစုပေါင်း ၄၄ ရုံးကို ဖွင့်လှစ်ထားရှိပြီးဖြစ်ပါတယ်။ အခုနှစ်အတွင်းမှာလည်း  လက်တင်အမေရိက၊ ကာရေဗီယံဒေသတွင်းနိုင်ငံတွေနဲ့  ထိတွေ့ ဆက်သွယ်မှုတိုးမြှင့်ဖို့ ကျူးဘားနိုင်ငံ ဟာဗားနားမြို့မှာ မြန်မာသံရုံးသစ် တိုးချဲ့ဖွင့်လှစ်မှာ ဖြစ်ပါတယ်။ အလားတူ  အလယ်ပိုင်း၊ အရှေ့ပိုင်းဥရောပနိုင်ငံတွေနဲ့  ထိတွေ့ဆက်သွယ်မှု တိုးမြှင့်ဖို့ ချက်သမ္မတနိုင်ငံ၊ ပရာ့ဂ်မြို့မှာ မြန်မာသံရုံးသစ် တိုးချဲ့ဖွင့်လှစ်သွားဖို့ ရှိနေပါတယ်။