ဘောရစ်ဂျွန်ဆင် ကွန်ဆာဗေးတစ်ပါတီ ခေါင်းဆောင်နေရာ ဝင်ရောက်အရွေးခံမည်

ဗြိတိန်နိုင်ငံခြားရေး ၀န်ကြီးဟောင်း ဘောရစ်ဂျွန်ဆင်ဟာ ၀န်ကြီးချုပ် ထရီဆာမေနေရာ အစားဝင်ရောက်မယ့် ကွန်ဆာဗေးတစ်ပါတီ ခေါင်းဆောင်အဖြစ် ၀င်ရောက်အရွေးခံမယ်လို့ မေလ ၁၆ ရက်က ပြောလိုက်ပါတယ်။ ၀န်ကြီးချုပ်မေက လာမယ့် ဘရဲဆစ် ညှိနှိုင်းဆွေးနွေးပွဲ မတိုင်မီ ပါတီခေါင်းဆောင် အဖြစ်ကနေ ဆင်းပေးမယ်  ပြောခဲ့ပေမယ့် နေ့ရက်အတိအကျကို မပြောရသေးပါဘူး။ အဲဒါနဲ့ပတ်သက်လို့ ဗြိတိန်အာမခံ ကိုယ်စားလှယ်များအသင်းမှာ ၀န်ကြီးဟောင်း ဂျွန်ဆင်က ပါတီခေါင်းဆောင်နေရာ ၀င်အရွေးခံမယ်လို့ ဘီဘီစီကို ပြောခဲ့တာပါ။ ဗြိတိန်ဝန်ကြီးဟောင်း ဂျွန်ဆင်ဟာ ၀န်ကြီးချုပ်မေရဲ့ ဘရဲဆစ်ညှိနှိုင်းရေး ကိုင်တွယ်ပုံကို ကန့်ကွက်ပြီး ပြီးခဲ့တဲ့နှစ် ဇူလိုင်လက အစိုးရအဖွဲ့ကနေ နုတ်ထွက်ခဲ့တာပါ။ အောက်တိုဘာလ ကွန်ဆာဗေးတစ် ပါတီကွန်ဖရင့်မှာ ဂျွန်ဆင်က အခွန်လျှော့ကောက်ရေး၊ အားကောင်းတဲ့ မူဝါဒတွေ ချမှတ်ရေးနဲ့ လက်ဝဲလေဘာပါတီ မူဝါဒတွေကို မလိုက်နာရေးစတဲ့    ပါတီအစဉ်အလာ တန်ဖိုးတွေကို လိုက်နာဖို့ တိုက်တွန်းခဲ့ပါတယ်။ ကွန်ဆာဗေးတစ် ပါတီခေါင်းဆောင် ၀င်အရွေးခံမယ့် ကိုယ်စားလှယ်လောင်း အများအပြားရှိမယ်လို့ မျှော်လင့်ရပြီး အနိုင်ရသူဟာ ဗြိတိန်ဝန်ကြီးချုပ် ဖြစ်လာမှာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up