အက်သလက်တီကို မက်ဒရစ် တိုက်စစ်မှူး ဂရစ်ဇ်မန်း ဘာစီလိုနာသို့ ပြောင်းရွှေ့

ပုံပြင်တပုဒ်လို ဖြစ်နေခဲ့တဲ့ အန်တိုနီယိုဂရစ်ဇ်မန်းရဲ့ ဘာစီလိုနာအသင်းဆီ အပြောင်းအရွှေ့ဟာ လက်ရှိမှာတော့ အထမြောက်ခဲ့ပြီ ဖြစ်ပါတယ်။ ပြင်သစ်လက်ရွေးစင် တိုက်စစ်မှူး ဂရစ်ဇ်မန်းကို ဘာစီလိုနာက ပေါင် ၁၀၄ သန်းနဲ့ ခေါ်ယူခဲ့တာ ဖြစ်ပြီး ၂ နှစ်ကျော်ကြာ ခေါ်ယူဖို့ ကြိုးပမ်းခဲ့တာကိုလည်း အောင်မြင်စွာနဲ့ပဲ အဆုံးသတ်နိုင်ခဲ့တာပါ။ ဂရစ်ဇ်မန်းက အက်သလက်တီကိုအသင်းမှာ ၅ နှစ်ကျော်ကြာ အကောင်းဆုံး အချိန်တွေကို ဖြတ်သန်းခဲ့ကြောင်း၊ ကစားသမားဘဝရဲ့ ပထမဆုံး ဆုဖလားကို ဆွတ်ခူးနိုင်ခဲ့ပြီး အသင်းကို ရင်ထဲအသည်းထဲမှာ အမြဲတမ်း သိမ်းထားမှာဖြစ်ကြောင်း ဆိုပါတယ်။ အက်သလက်တီကိုမက်ဒရစ် အသင်းအတွက် ၂၅၆ ပွဲကစားပြီး ၁၃၃ ဂိုးသွင်းယူကာ ဂိုးဖန်တီးမှု အကြိမ် ၅၀ အထိ ပြုလုပ်ခဲ့တဲ့ ဂရစ်ဇ်မန်းဟာ အသင်းသစ် ဘာစီလိုနာအသင်းမှာ ပုံမှန်ပွဲထွက်ကစားခွင့် ရရှိဖို့ နီးစပ်နေပြီး အသင်းရဲ့ လက်ရှိကစားသမား ကော်တင်ဟိုကတော့ ပွဲထွက်ခွင့် ပျောက်ဆုံးဖို့ များနေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up