မန်ချက်စတာစီးတီး ပရီးမီးယားလိဂ်ဖလား ၂ နှစ်ဆက်တိုက် ဆွတ်ခူး (ရုပ်သံ)

မနေ့ညက ယှဉ်ပြိုင်သွားတဲ့ ပရီးမီးယားလိဂ် နောက်ဆုံးပွဲစဉ်မှာ မန်ချက်စတာစီးတီးက ဘရိုက်တန်ကို ၄ ဂိုး ၁ ဂိုးနဲ့ အနိုင်ရပြီး ပရီးမီးယားလိဂ် ချန်ပီယံဆုကို ကာကွယ်နိုင်ခဲ့ပါတယ်။ နည်းပြ ဂွါဒီယိုလာရဲ့ မန်စီးတီးအသင်းဟာ ခြေစွမ်းပြပြီး နောက်ဆုံးကစားတဲ့ ၁၄ ပွဲဆက်တိုက် အနိုင်ရခဲ့တာပါ။ ချန်ပီယံဆုအတွက် မန်စီးတီးဟာ လီဗာပူးနဲ့ နောက်ဆုံးပွဲစဉ်အထိ အကြိတ်အနယ် ယှဉ်ပြိုင်ခဲ့ရတာပါ။ အနီးကပ်ဆုံးပြိုင်ဘက် လီဗာပူးကလည်း ဝုဗ်အသင်းကို အနိုင်ရပေမယ့် မန်စီးတီးက ၁  မှတ်အသာနဲ့ ပရီးမီးယားလိဂ် ချန်ပီယံဆုကို ရရှိသွားတာပါ။ အခုရတဲ့ ချန်ပီယံဆုဟာ မန်စီးတီးအတွက် သမိုင်းတလျှောက် ၄ ကြိမ်မြောက်ရတာပါ။ မန်စီးတီးက ရမှတ် စုစုပေါင်း ၉၈ မှတ်၊ လီဗာပူးက ၉၇ မှတ်နဲ့ ဒုတိယနေရာနဲ့ပဲ ကျေနပ်ခဲ့ရပါတယ်။ နည်းပြ ဂွါဒီယိုလာဟာ ၁၀ နှစ်တာ ကာလအတွင်းမှာ သူကိုင်တွယ်တဲ့ အသင်း ၃ သင်းကို အမှတ်ပေးချန်ပီယံ ၈ ကြိမ်အထိ ရယူနိုင်ခဲ့ပါတယ်။ ပရီးမီးယားလိဂ် နောက်ဆုံး ၇ နှစ်အတွင်းမှာ မန်စီးတီးက အမှတ်ပေးချန်ပီယံဆုကို ၄ ကြိမ်အထိ ရယူနိုင်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up