လောင်းလုံးတွင် တူးမီးသေနတ် ကိုင်ဆောင်ပါက အရေးယူမည်၊ ၁၆ လက် လာအပ်နှံ
DVB
·
May 11, 2019
တနင်္သာရီတိုင်းဒေသကြီး လောင်းလုံးမြို့နယ်မှာ ကျေးရွာသားတွေက တူးမီးသေနတ် ၁၆ လက် လာရောက်အပ်နှံခဲ့တယ်လို့ ပြည်ထဲရေးက ထုတ်ပြန်ပါတယ်။
မေ ၉ ရက်နေ့က လောင်းလုံးမြို့နယ် နယ်မြေအတွင်းရှိ ကျေးရွာတွေမှာ ရွာသားတွေကို တူးမီးသေနတ်တွေ ကိုင်ဆောင်ခြင်းမပြုဖို့ ကိုင်ဆောင်ပါက ဥပဒေအရ အရေးယူဆောင်ရွက် သွားမယ်လို့ ရဲတပ်ဖွဲ့က စည်းရုံးဟောပြောခဲ့ပြီးနောက် အခုလို လာရောက်အပ်နှံတာလို့ ဆိုပါတယ်။
မောင်းမကန်နယ်မြေရဲစခန်းကို တူးမီးသေနတ် ၅ လက်၊ ပြုလုပ်ဆဲ တူးမီးသေနတ် ၁ လက်၊ သကျက်တောရဲကင်းစခန်းကို သပြေရှောင်ကျေးရွာအုပ်စုမှ တူမီး သေနတ် ၁ လက်၊ ကျောက်တွင်းကျေးရွာအုပ်စုမှ တူမီးသေနတ် ၅ လက်၊ လုံးလောင်းမြို့မရဲစခန်းကို ပြင်ချောင်းကျေးရွာ အုပ်စုမှ တူမီးသေနတ် ၃ လက်၊ သဗျာကျေးရွာအုပ်စုမှ တူမီးသေနတ် ၁ လက်၊ စုစုပေါင်း တူမီး သေနတ် ၁၆ လက်အား အသီးသီး လာရောက်အပ်နှံခဲ့တယ်လို့ ဆိုပါတယ်။
