A d v e r t i s e m e n t With Us

ပုဂ္ဂလိက လေယာဉ်တစီး မက္ကဆီကိုမြောက်ပိုင်းတွင် ပျက်ကျ၊ လေယာဉ်ပေါ်ပါသူအားလုံး သေဆုံး

လူ ၁၃ ယောက် တင်ဆောင်လာတဲ့ ပုဂ္ဂလိက လေယာဉ်တစီး အမေရိကန်နိုင်ငံ လတ်စ်ဗီးဂတ်စ်မြို့နဲ့ မက္ကဆီကိုမြောက်ပိုင်းက မွန်တေရီမြို့ကြားမှာ ပျက်ကျခဲ့ပြီး ရှင်သန်ကျန်ရစ်သူ မရှိဘူးလို့ မက္ကဆီကိုနိုင်ငံ ကွာဟွေလာပြည်နယ် အာဏာပိုင်တွေက မေလ ၆ ရက်မှာ ကြေညာချက်ထုတ်ပြန်ပါတယ်။ မက္ကဆီကိုမြောက်ပိုင်း အိုကမ်ပိုစည်ပင်ဒေသ ဝေးလံသီခေါင်ပြီး တောင်ထူတဲ့နေရာမှာ လေယာဉ်ရဲ့ အပျက်အစီးတွေကို လေကြောင်းစောင့်ကြည့်ရေး စနစ်ကနေ မြင်ရတယ်လို့ ကွာဟွေလာပြည်နယ် အစိုးရက ကြေညာချက်ထဲမှာ ဖော်ပြပါတယ်။ မက္ကဆီကို မြောက်ပိုင်းမှာ လေယာဉ်ရပ်မသွားခင် ပျံသန်းရာလမ်းတလျှောက် လေကြောင်းခရီးစဉ်တွေကို မှတ်တမ်းတင်တဲ့ Flightradar24.com အင်တာနက် စာမျက်နှာက ပြထားပါတယ်။ သေဆုံးသူတွေက ဘယ်နိုင်ငံသားတွေဆိုတာ ချက်ချင်းမသိရသေးပါဘူး။ ကွာဟွေလာအာဏာပိုင်တွေ ထုတ်ပြန်တဲ့ မျိုးရိုးနာမည်တွေအရ လေယာဉ်ဝန်ထမ်း ၃ ယောက်နဲ့ ခရီးသည် ၁၀ ယောက်ကတော့ စပိန်နဲ့ ပေါ်တူဂီလူမျိုး နာမည်တွေ ဖြစ်ပါတယ်။

A d v e r t i s e m e n t With Us

More News
Up