A d v e r t i s e m e n t With Us

ဝေါမြို့တွင် Express ယာဉ်ဖြင့် သယ်လာသည့် တရားမဝင်ပိတောက်ခွဲသားများ ဖမ်းမိ

ပဲခူးတိုင်းဒေသကြီး ဝေါမြို့နယ်မှာ မေ ၅ ရက် နေ့က Express ယာဉ်နဲ့ သယ်ဆောင်လာတဲ့ တရားမဝင်ပိတောက်ခွဲသားတွေ ဖမ်းဆီးရမိခဲ့တယ်လို့ တာဝန်ခံတောအုပ်က ပြောပါတယ်။ ရန်​ကုန်​-မော်လမြိုင်ကားလမ်း မိုင်တိုင်အမှတ် ၇၀/၂ အနီး ဝေါမြို့နယ်သစ်တောရုံးရှေ့မှာ သစ်တောနဲ့ ရဲတပ်ဖွဲ့ဝင်တွေပါဝင်တဲ့ ပူးပေါင်းအဖွဲ့က သတင်းအရ စောင့်ဆိုင်းဖမ်းဆီးခဲ့တာပါ။ ယာဉ်မောင် အောင်ကိုလတ် မောင်းနှင်ပြီး ယာဉ်အကူ မောင်ဇော် (ခ) သိန်းဇော်ဝင်း လိုက်ပါလာတဲ့ ရွှေညာမြေ ဘုရားဖူးပို့ဆောင်ရေး Express ယာဉ်အား ရပ်တန့်စစ်ဆေးရာမှ ကာလတန်ဖိုးသိန်း ၂ဝ ကျော်ဖိုးရှိ ပိတောက်ခွဲသား ၃ တန်လောက် ဖမ်းဆီးရမိခဲ့တယ်လို့ ဆိုပါတယ်။ ဦးထွန်းထွန်းဝင်း တာဝန်ခံတောအုပ်က “သူတို့က ကားနောက်ခန်းက ထိုင်ခုံတွေကို ဖြုတ်ပြီး သယ်လာတာပါ။ သိပ်တော့ မများပါဘူး။ တရားခံတွေကိုတော့ ရဲစခန်းမှာ ဖမ်းဆီးထားပါတယ်။” ဖမ်းဆီးရမိတာနဲ့ပတ်သက်ပြီး ဝေါမြို့နယ် သစ်တောဦးစီးမှူးရုံးက ယာဉ်မောင်း အောင်ကိုလတ်နဲ့ ယာဉ်နောက်လိုက် မောင်ဇော်(ခ)သိန်းဇော်ဝင်းတို့ နှစ်ဦးကို သစ်တောဥပဒေ ပုဒ်မ ၄၂ (က) နဲ့ အမှုဖွင့်တရားစွဲဆိုသွားမယ်လို့ သိရပါတယ်။ သတင်း-နေလင်းထိုက်

A d v e r t i s e m e n t With Us

More News
Up