ကယားပြည်နယ်တွင် မေလအတွင်း တရက် ၁၀ နာရီ လျှပ်စစ်မီးဖြတ်တောက်

ကယားပြည်နယ်၊ လွိုင်ကော်မြို့နယ်အပါဝင် ကျန်မြို့နယ်တွေမှာ တရက်ကို ၁၀ နာရီနဲ့ အလှည့်ကျ မီးဖြတ်သွားမှာဖြစ်တယ်လို့ လျှပ်စစ်ဓာတ်အားဖြန့်ဖြူးရေးဌာနက ကြေညာပါတယ်။ နွေရာသီကာလသို့ရောက်ရှိလာပြီး ရာသီဥတုပူပြင်းလာတာ၊ ဓာတ်အားသုံးစွဲမှု တိုးတက်များလာတာနဲ့ မြန်မာနိုင်ငံအတွင်းရှိ ရေအားလျှပ်စစ်စက်ရုံတွေမှာ ရေအ၀င်နည်းနေတဲ့ အွက် ဓာတ်အားဖြတ်တောက်ရတာဖြစ်တယ်လို့ဆိုပါတယ်။ အခုမေလ ၅ ရက်ကစပြီး ဓာတ်အားတွေကို ရပ်ကွက်အလိုက်သတ်မှတ် ဖြတ်တောက်သွား မှာဖြစ်ပြီး မီးတကြိမ်ဖြတ်ရင် ၂ နာရီကနေ ၄ နာရီကြာမှာဖြစ်ပြီး တရက်ကို ၁၀ နာရီ အလှည့်ကျ ဖြတ်တောက်သွားမယ်လို့  ကြေညာထားပါတယ်။ ဒါပေမယ့် ဘယ်အချိန်အထိ ဖြတ်တောက်သွားမယ်ဆိုတာကိုတော့ ကြေညာထားခြင်း မရှိပါဘူး။ ပြီးခဲ့တဲ့ဧပြီလ တတိယအပတ်လောက်ကစပြီး ကယားပြည်နယ်အတွင်း ဓာတ်အားတွေကို အလှည့်ကျ ဖြတ်တောက်ခဲ့တာပါ။  အရင်က တရက်ကို ၄ နာရီသာဖြတ်တောက်ခဲ့ရာကနေ အခု ၁၀ နာရီ အလှည့်ကျ ဖြတ်တောက်လာတာလည်းဖြစ်ပါတယ်။ ကယားပြည်နယ်မှာ မြန်မာနိုင်ငံရဲ့ ပထမဆုံး ရေအားလျှပ်စစ်စက်ရုံဖြစ်တဲ့ လောပိတ ရေအားလျှပ်စစ်စက်ရုံတည်ရှိပြီး ပြည်မကို အဓိက ဓာတ်အားဖြန့်ဖြူးတဲ့ စက်ရုံလည်းဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up