ဗင်နီဇွဲလားသမ္မတနှင့် စစ်ဘက်ခေါင်းဆောင်များ စည်းလုံးကြောင်း နိုင်ငံပိုင်ရုပ်သံ ထုတ်လွှင့်

ဓာတ်ပုံ - Reuters
ဗင်နီဇွဲလားသမ္မတ မာဒူရိုနဲ့ စစ်ဘက်ခေါင်းဆောင်တွေ စည်းလုံးကြောင်းကို နိုင်ငံပိုင် ရုပ်သံက မေလ ၂ ရက်နေ့မှာ ထုတ်လွှင့်ခဲ့ပါတယ်။ ဒါဟာ စစ်ဘက်ခေါင်းဆောင်ပိုင်းက သမ္မတ မာဒူရိုကို ပုန်ကန်ဖို့ အသင့်ရှိနေတယ်ဆိုတဲ့ အမေရိကန်အစိုးရနဲ့ ဗင်နီဇွဲလား အတိုက်အခံတွေ ပြောကြားချက်ကို ချေဖျက်ဖို့ ကြိုးပမ်းတာ ဖြစ်ပါတယ်။ ကာကွယ်ရေးဝန်ကြီးနဲ့ စစ်ဆင်ရေးအကြီးအကဲတို့ ခြံရံပြီး နိုင်ငံကို ပြောကြားတဲ့ မိန့်ခွန်းမှာ မာဒူရိုက “ဗင်နီဇွဲလားစစ်တပ်ဟာ ညီညွတ်ပြီး ဖွဲ့စည်းပုံဥပဒေဆိုင်ရာ အခွင့်အာဏာကို လိုက်နာတယ်” လို့ ပြောခဲ့ပါတယ်။ ဒါဟာ အတိုက်အခံခေါင်းဆောင် ဟွမ်ဂွယ်ဒိုက မာဒူရိုကို ဖြုတ်ချဖို့ စစ်တပ်ကို တိုက်တွန်းလိုက်ပြီး ၂ ရက်အကြာမှာ သမ္မတ မာဒူရိုက တုံ့ပြန်လိုက်တာပါ။ ဗင်နီဇွဲလား ပြည်သူတွေဟာ ဟွမ်ဂွယ်ဒို စကားအတိုင်း လမ်းပေါ်ထွက် ဆန္ဒပြပြီး သမ္မတ မာဒူရိုကို ဖြုတ်ချဖို့ ကြိုးပမ်းနေပေမယ့် ဒီအကျပ်အတည်းမှာ ပြောင်းလဲမှု အရိပ်အယောင်ကို မတွေ့ရဘဲ နိုင်ငံရေးအရ ရှေ့မတိုး နောက်မဆုတ်သာ အခြေအနေ ဖြစ်နေပါတယ်။

More News
Up