ရန်ကုန်လေဆိပ်တွင် ငွေကျပ်သိန်း ၅၆ဝဝ တန်ဖိုးရှိ အိုက်စ်မူးယစ်ဆေးဝါးများဖမ်းမိ
DVB
·
May 1, 2019
ရန်ကုန်အပြည်ပြည်ဆိုင်ရာလေဆိပ်မှာ မလေးရှားကို သွားရောက်မယ့် အင်ဒိုနီးရှား နိုင်ငံသား တဦးထံကနေ ငွေကျပ်သိန်း ၅၆ဝဝ တန်ဖိုးရှိ အိုက်စ်မူးယစ်ဆေးဝါးတွေ ဖမ်းဆီးရမိခဲ့ တယ်လို့ မူးယစ်ဆေးအလွဲသုံးမှု ထိန်းချုပ်ရေး ဗဟိုကော်မတီက သတင်းထုတ်ပြန်ပါတယ်။
ဧပြီ ၃ဝ ရက် ၇ နာရီခွဲလောက်က မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်တွေ ပါဝင်တဲ့ ပူးပေါင်းအဖွဲ့က ရန်ကုန်အပြည်ပြည်ဆိုင်ရာလေဆိပ် Gate-3 X-Ray စက်မှာ ရှာဖွေ စစ်ဆေးစဉ် အသက် ၃၀ အရွယ် အင်ဒိုနီးရှားနိုင်ငံသား Mr. JONI KRISWANTO ထံကနေ မူးယစ်ဆေးဝါးတွေ တွေ့ရှိခဲ့တာပါ။
အဆိုပါပုဂ္ဂိုလ်ရဲ့ ခရီးဆောင်အိတ်ကို စစ်ဆေးရာမှာ အိုက်စ်မူးယစ်ဆေးဝါး အလေးချိန် ၅.၆ ကီလို (ကာလပေါက်ဈေးတန်ဖိုးငွေကျပ် ၅၆ဝဝ သိန်း)၊ မြန်မာငွေကျပ် ၁.၆ သိန်းနဲ့ လက်ကိုင်ဖုန်း ၁ လုံးကို တွေ့ရှိသိမ်းဆည်းရမိခဲ့ပြီး မင်္ဂလာဒုံမြို့မရဲစခန်းမှာ အမှုဖွင့်အရေးယူ ထားတယ်လို့ ထုတ်ပြန်ချက်အရသိရပါတယ်။
ဓာတ်ပုံ-CCDACMyanmar