A d v e r t i s e m e n t With Us

နမ့်ခမ်းတွင် ဗုံးတလုံးကို ဆော့ကစားရာမှ ပေါက်ကွဲ၊ ကလေး ၂ ဦးသေ ၈ ဦးဒဏ်ရာရ

ရှမ်းပြည်နယ်၊ နမ့်ခမ်းမြို့နယ်မှာ မနေ့ညနေပိုင်းက မန်ပန်ရွာနားမှာတွေ့တဲ့ ဗုံးတလုံးကို ကလေးတွေ ဆော့ကစားရင်း ပေါက်ကွဲလို့ ၂ ယောက် သေဆုံးသွားပါတယ်။ ရှမ်းပြည်နယ်မြောက်ပိုင်း နမ့်ခမ်းမြို့နယ်၊ မန်ပန်ရွာမှာ ဖြစ်ခဲ့ပြီး ၈ ယောက် ဒဏ်ရာ ရခဲ့တယ်လို့ နမ့်ခမ်းမြို့နယ် တအာင်း စာပေယဉ်ကျေးမှု ကော်မတီ ဥက္ကဋ္ဌ ဦးမြင့်ကျော်က ပြောပါတယ်။ “ရွာနားမှာ တွေ့တဲ့ ဗုံးကိုဆော့တာ။ ပေါက်ကွဲတော့ ၁၀ ယောက်ကို ထိတယ်။ ၂ ယောက် ပွဲချင်းပြီး သေတယ်။ ၈ ယောက်ကိုတော့ နမ့်ခမ်းဆေးရုံပို့ထားရတယ်။ ဆေးရုံတက်နေရတဲ့ ကလေးတွေထဲမှာ ၂ ယောက်ကတော့ နည်းနည်း စိုးရိမ်ရတယ်” လို့ ပြောပါတယ်။ ယောက်ျားလေးတယောက်နဲ့ မိန်းကလေးတယောက် သေဆုံးခဲ့တာ ဖြစ်ပြီး ကလေးတွေဟာ အသက် ၂ နှစ်ကနေ ၈ နှစ်လောက် အရွယ်တွေ ဖြစ်တယ်လို့လည်း ဆိုပါတယ်။

A d v e r t i s e m e n t With Us

More News
Up