တတိယအကြီးဆုံး အင်းတော်အင်း မပျောက်ကွယ်ရေး ပြန်လည်တိုင်းတာရန် လိုအပ်
Aung Ko Latt
·
April 25, 2019
တဖြည်းဖြည်း ကျဉ်းမြောင်းတိမ်ကောလာနေတဲ့ စစ်ကိုင်းတိုင်းဒေသကြီး၊ အင်းတော်မြို့အနီးရှိ မြန်မာနိုင်ငံရဲ့ တတိယအကြီးဆုံး သဘာဝကုန်းတွင်း ရေချို အင်းတော်အင်း မပျောက်ကွယ်ရေးအတွက် ပြန်လည်တိုင်းတာ သတ်မှတ်ပေးဖို့ အစီအစဉ်ရှိမရှိ တိုင်းဒေသကြီး လွှတ်တော်ကိုယ်စားလှယ်က မေးမြန်းခဲ့ပါတယ်။
ဧပြီ ၂၅ ရက်နေ့က ကျင်းပတဲ့ တိုင်းဒေသကြီး လွှတ်တော် ၁၈ ကြိမ်မြောက်ပုံမှန် အစည်းအဝေး ပထမနေ့မှာ အင်းတော်မြို့နယ် တိုင်းဒေသကြီး လွှတ်တ်ေကိုယ်စားလှယ် ဦးသန်းဝင်းက မေးခွန်းမေးမြန်းခဲ့တာပါ။
အရင်က အလျား ၅ မိုင်၊ အနံ ၃ မိုင်၊ အနက် ပေ ၁၅၀ ကနေ ၂၀၀ ရှိခဲ့ပေမယ့် အခုအခါမှာတော့ ပတ်ဝန်းကျင် စိုက်ပျိုးမြေချဲ့ထွင်တာ၊ လူနေအိမ်တိုးချဲ့တာတွေ၊ အနယ်ကျရောက်တာတွေကြောင့် အင်းက တဖြည်းဖြည်း ကျဉ်းမြောင်း တိမ်ကောလာနေတာလည်း ဖြစ်ပါတယ်။
"အင်းပတ်လည်မှာ ဟိုတယ်ဇုန်လုပ်ဖို့ ဝန်ကြီးချုပ်က ကွင်းဆင်းခိုင်းတာလည်း ရှိတယ်။ ပြီးတော့ ဗန်းမောက် ဇလုံတောင်သွားရာလမ်းဘေး၊ မန်လည်ဆရာတော် စံကျောင်းနဲ့လည်း နီးတယ်။ အင်းတော်ကြီးအိုင်ကိုလည်း သွားလို့ရတယ်။ ကသာက ဂျော့အိုဝဲ အိမ်သွားရာနဲ့လည်း လမ်းသင့်တယ်။ နှစ်စဉ် ဆောင်းခိုငှက်တွေ လာရောက်ကျက်စားရာနေရာလည်း ဖြစ်တယ်။ ဒါကို သတ်သတ်မှတ်မှတ် တိုင်းတာလုပ်ဆောင်ဖို့က လိုနေပြီ။ လူနေအိမ်၊ စိုက်ပျိုးမြေချဲ့တာတွေကြောင့် အင်းက ကျဉ်းလာနေပြီ။ ဒီအင်းကို စနစ်တကျတိုင်းတာ သတ်မှတ်ပြီး ခရီးသွား လုပ်ငန်း လုပ်နိုင်မယ်ဆိုရင် ဒေသလည်း တိုးတက်မယ်။ အလုပ်အကိုင်အခွင့်အလမ်းတွေလည်း ရမယ်ပေါ့" လို့ ဦးသန်းဝင်းက ပြောပါတယ်။
အင်းတော်အင်း ပတ်ဝန်းကျင်မှာ အင်းရွာ၊ လက်ပံကုန်း၊ သက္ကယ်ကျင်း၊ ပေပင်၊ နမ့်မဟုတ်ကလေး စတဲ့ကျေးရွာ ၅ ရွာရှိပြီး အိမ်ခြေ ၈၀၀ ကျော်ရှိပါတယ်။ အင်းအနီးမှာ စားဖိုချောင်သီးနှံ၊ ပန်း၊ ပဲမျိုးစုံ၊ စပါး တို့ကို စိုက်ပျိုးကြတာပါ။ အင်းကိုတော့ ငါးလုပ်ငန်း ဦးစီးဌာက လေလံပစ်ထားတာဖြစ်ပါတယ်။
"အင်းတော်အင်းကို ၂ ပိုင်းခွဲပြီး ငါးလုပ်ငန်းက လေလံပေးထားပါတယ်။ အင်းတော်အင်းကို ကသာခရိုင်စီမံခန့်ခွဲမှုကနေ ၂၀၁၅ ခုနှစ်က ပြန်လည်တိုင်းတာထားပါတယ်။ စုစုပေါင်း ဧရိယာ ၁၉၂၇ ဧက ရှိပါတယ်။ အင်းတိုင်းတာမယ်ဆိုပါက ငွေကြေးကုန်ကျမှု၊ ပိုင်ဆိုင်မှုအငြင်းပွားမှုများ အထိုက်အလျောက်ရှိလာမှာ ဖြစ်ပါတယ်။ အမှန်တကယ် ကွင်းဆင်း တိုင်းတာဖို့ လိုအပ်ပါက ၂၀၁၉-၂၀၂၀ ဘဏ္ဍာနှစ်မှာ အင်းနယ်နိမိတ် ပြန်လည်ရေးဆွဲတိုင်းတာနိုင်ရေး ဘဏ္ဍာငွေ တောင်းခံသွားမယ်။ ဘဏ္ဍာငွေရရှိမှုအပေါ်မူတည် ဆောင်ရွက်သွားမယ်" လို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးကမ်ဇာမုံက ပြန်လည်ဖြေကြားခဲ့တာပါ။
လက်ရှိမှာလည်း အင်းတော်အင်းမှာ လာရောက်အပန်းဖြေရေကစားတာ၊ အင်းအတွင်း စက်လှေနဲ့ လည်ပတ်တာ၊ အင်းပတ်လည် ဆင်စီးနိုင်တာ၊ နေဝင်နေထွက် ဆည်းဆာ ကြည့်နိုင်တာတွေလည်း ရှိနေပါတယ်။ သဘာဝအခြေခံခရီးသွား လုပ်ငန်းအဖြစ် အကောင်အထည်ဖော်နိုင်တဲ့ နေရာကောင်းတခုလည်း ဖြစ်နေပါတယ်။