ကမ္ဘာကြီး ပူနွေးပြောင်းလဲလာမှု ဂြိုဟ်တုပုံရိပ်များ နာဆာ ပြသ

အမေရိကန် အမျိုးသားလေကြောင်းနဲ့ အာကာသအဖွဲ့ကြီး နာဆာဟာ ၄၉ နှစ်ပြည့် မြေကမ္ဘာနေ့ အထိမ်းအမှတ်အနေနဲ့ ဂြိုဟ်တုပုံရိပ်တွေကတဆင့် ကမ္ဘာကြီး ဘယ်လိုပူနွေးလာတယ်၊ ဘယ်လိုပြောင်းလဲနေတယ် ဆိုတာကို ပြသခဲ့ပါတယ်။ ဒီပုံရိပ်တွေဟာ ကမ္ဘာ့မျက်နှာပြင်ပေါ်မှာ ဖြစ်နေတဲ့ အပြောင်းအလဲတွေရဲ့ သက်သေအဖြစ် စာရင်းသွင်းခံနိုင်စွမ်း ရှိပါတယ်။ အပူချိန်တွေ ဘယ်လိုမြင့်လာတယ်၊ ဆိုးရွားတဲ့ ရာသီဥတုတွေ ဘယ်လိုတိုးလာတယ် ဆိုတဲ့ အချက်တွေဟာ လက်တင်အမေရိကနဲ့ ကာရစ်ဘီယံ ဒေသတွေအပေါ် သက်ရောက်နေတယ်လို့ နာဆာ သိပ္ပံပညာရှင် ဒေါက်တာ ကားလော့စ် ဒယ်လ် ကတ်စ်တီလိုက အေပီသတင်းဌာနကို ပြောပါတယ်။ သစ်တောပြုန်းတီးတာ၊ မိုးရေချိန် တရစပ်ပြောင်းနေတာ၊ အရည်ပျော်လာနေတဲ့ ရေခဲမြစ်တွေနဲ့ ပိုအားကောင်းလာတဲ့ မုန်တိုင်းတွေ အားလုံးကို ဂြိုဟ်တုက ပုံရိပ်ဖမ်းယူထားပြီး စာတမ်းပြုစုထားပါတယ်။ အမေရိကန်နိုင်ငံ ဝစ်ကိုဆင်ပြည်နယ်က အထက်လွှတ်တော်အမတ် ဂေးလော့ဒ် နယ်လ်ဆန်က ကယ်လီဖိုးနီးယားပြည်နယ် စန်တာ ဘာဘရာဒေသက ရေနံယိုဖိတ်မှုကို ၁၉၆၉ ခုနှစ်မှာ သွားရောက်ကြည့်ရှုအပြီး မြေကမ္ဘာနေ့ကို ၁၉၇၀ မှာ စတင်သတ်မှတ်ခဲ့ပါတယ်။

More News
Up