ထန်ကိုင်းရေနံမှော်အတွင်း တရားမဝင်ရေနံတူးဖော်မှုများကို ပိတ်သိမ်းမည်
DVB
·
April 23, 2019
မကွေးတိုင်း၊ အထက်မင်းလှမြို့နယ်၊ ထန်းကိုင်းရေနံမှော် အတွင်း တရားမဝင်ရေနံ တူးဖော်မှုတွေကို မီးဘေး အန္တရာယ်စိုးရိမ်ရတဲ့အတွက် ဧပြီ ၂၄ ရက် နောက်ဆုံးထားပြီး ပိတ်သိမ်းသွားမယ်လို့ မကွေးတိုင်းဒေသကြီး သံယံဇာတ၊ သဘာဝပတ်ဝန်းကျင်နှင့် လျှပ်စစ်၊ စွမ်းအင်ဝန်ကြီးဌာနက သိရပါတယ်။
မကွေးတိုင်းဒေသကြီး သယံဇာတ၊ သဘာဝပတ်ဝန်းကျင် နှင့် လျှပ်စစ်၊စွမ်းအင်ဝန်ကြီး ဦးမြင့်ဇော်က "ခွင့်ပြုချက်တင်ထားတာ မရှိဘဲ တရားမဝင်တူးဖော်နေတဲ့ ရေနံကျင်းတွေကို ပိတ်သိမ်းသွားမှာပါ။ နိုင်ငံပိုင် MOGE ထန်ကိုင်းရေနံမြေ ဧရိယာနဲ့ တဆက်တည်း ဖြစ်နေပြီး ကပစ စက်ရုံနဲ့လည်း နီးကပ်နေတဲ့အတွက် ပြည်ထောင်စု အစိုးရက ပိတ်သိမ်းတာဖြစ်တယ်။ ရေနံတူးဖော်နေတဲ့ မိသားစုဝင်တွေရဲ့ စားဝတ်နေရေးကို ဂရုမစိုက်လို့မဟုတ်ဘဲ မကြာခဏ ဆိုသလို မီးလောင်မှုဖြစ်ပွားပြီး လုံနယ်ဝန်ကြီးနဲ့ ပြည်ထောင်စုက ဒုဦးဆောင်ညွှန်ကြားရေးမှူး ကိုယ်တိုင် လာရောက်ငြိမ်းသတ်ခဲ့ရတယ်"လို့ ပြောပါတယ်။
မီးလောင်တဲ့အခါမှာ ယန္တရားတွေနဲ့ အုပ်ဆောင်းတွေအုပ် မီးငြှိမ်းသတ်ခဲ့ရတဲ့အတွက် လုပ်ငန်းရှင်အပြင် နိုင်ငံတော်အနေနဲ့ ဆုံးရှုံးမှုတွေဖြစ်ပေါ်ခဲ့ပြီး ခွင့်ပြုထားတဲ့ ဧရိယာ မဟုတ်တဲ့အတွက် ရေနံမြေထဲက ထွက်ပေးဖို့ သက်ဆိုင်ရာမြို့နယ် အုပ်ချုပ်ရေးမှူးမှ တဆင့် အမိန့်ထုတ်ပြန်ထား ပြီးဖြစ်တယ်လို့လည်း ၀န်ကြီးက ပြောပါတယ်။
ထန်းကိုင်းဒေသခံ ရေနံကျင်းပိုင်တဦးဖြစ်တဲ့ ကိုဌေးဝင်းကတော့ "ကျင်းပေါက်တပေါက်စာ မြေနေရခ က ကျပ်သိန်း ၅၀ ခန့်ပေးရပြီး ကျင်းတစ်ကျင်းရဲ့ ကုန်ကျစရိတ် စုစုပေါင်းက ကျပ်သိန်း ၁၄၀ ခန့်ကုန်ကျကာ စုပေါင်းရှယ်ယာ လုပ်ကိုင်ကြတာပါ။ အရှုံးအမြတ် ရှိသလို မိသားစု စာဝတ်နေရေး လူမှုရေး၊ကျမ္မာရေး၊ပညာရေးတွေကို ဖြေရှင်းနေရတာပါ။ ယခင် စစ်အစိုးရ လက်ထက်ကတောင် ပိတ်သိမ်းတာမျိုး မလုပ်ခဲ့ဘဲ ပြည်သူတင်တဲ့ ပြည်သူ့အစိုးရ လက်ထက် ကျမှ ပိတ်သိမ်းမယ်ဆိုတော့ စိတ်မကောင်းဖြစ်ရတယ်။ ကပစ ၁၀ စက်ရုံနဲ့ နီးစပ်လို့ဆိုရင်လည်း ဧရိယာတခု သတ်မှတ်ပေးပြီး ခွင့်ပြုပေးစေချင်တယ်။ ရေနံ အထွက်နှုန်းတွေလည်း လျော့နည်း သွားပြီဖြစ်လို့ မီးဘေးအန္တရာယ်ဆိုတာကလည်း စက်ရုံနဲ့ အဝေးကြီးပါ။ အရင် ပေပါအလုံးရေ လေးငါးရာ လျှံတဲ့ လျှံကျင်းမီးလောင်တာတောင်မှ ပေလေးငါးဆယ်တောင်မပြန့်ပါဘူး"လို့ ပြောပါတယ်။
အထက်မင်းလှမြို့နယ်၊ ထန်းကိုင်းရေနံမှော်မှာ မြန်မာပြည် အနယ်နယ် အရပ်ရပ်က အလွှာပေါင်းစုံ၊ လုပ်ငန်းပေါင်းစုံနဲ့ လူဦးရေ ၇၀၀၀၀ ခန့် မှီခို လုပ်ကိုင် စားသောက်နေကြတာပါ။
သတင်း-မင်းထီး