မကွေးမြို့နယ်၊ ကျစ်စုံပွေးရွာတွင် အိမ် ၁၃ လုံးမီးလောင်၊ လူ ၆၀ကျော် အိုးမဲ့အိမ်မဲ့ဖြစ်

Published By DVB | 22 April, 2019

1.3K

မကွေးတိုင်းဒေသကြီး၊ မကွေးမြို့နယ်၊ ကျစ်စုံပွေးကျေးရွာမှာ ဧပြီ ၂၁ ရက်က မီးကြွင်းမီးကျန်က တဆင့် နေအိမ် ၁၃ လုံးနဲ့ နွားတင်းကုတ် ၄ လုံး မီးလောင်ကျွမ်းသွားပါတယ်။ မီးလောင်တာကြောင့် ခန်မှန်း ကျပ် ၂၇ သိန်းကျပ်ဖိုးလောက် မီးလောင်ဆုံးရှုံးပြီး လူဦးရေ ၆၁ဦး အိုးမဲ့အိမ်မဲ့ ဖြစ်ကာ နီးစပ်ရာဆွေမျိုးတွေဆီမှာ နေထိုင်ကြရတယ်လို့ မကွေးတိုင်း မီးသတ်ဦးစီးဌာန ညွှန်ကြားရေးမှူး ဦးအောင်ဝင်းစိန်က ပြောပါတယ်။ ကျစ်စုံပွေးကျေးရွာမီးလောင်မှုကို မီးသတ်တပ်ဖွဲဝင်တွေ၊ လူမှုရေးအသင်းအဖွဲ့တွေနဲ့ ဒေသခံတွေက မီးသတ်ကားနဲ့ ရေသယ်ယာဉ် စုစုပေါင်း ၁၂ စီးနဲ့ ဝိုင်းဝန်းငြှိမ်းသတ်ခဲ့ရာ မနက်ပိုင်း ၁၁ နာရီ ၂၅ မိနစ်မှာ မီးငြိမ်းသွားခဲ့ပါတယ်။ အဆိုပါမီးလောင်မှုနဲ့ ပတ်သက်ပြီး မီးအားပေါ့ဆစွာ အသုံးပြုခဲ့သူ ဦးလှသောင်းကို ညောင်ကန်နယ်မြေရဲစခန်းက မီးပေါ့ဆမှု ရာဇသတ်ကြီး ပုဒ်မ ၂၈၅ နဲ့ အမှုဖွင့် အရေးယူထား ပါတယ်။ မကွေးမြို့နယ်မှာ ပြီးခဲ့တဲ့ ဧပြီ ၁၃ ရက် မွန်းလွဲပိုင်းကလည်း ကြို့ပင်အင်းကျေးရွာမှာ မီးကြွင်းမီးကျန်ကတဆင့် လူနေအိမ် ၃၂ လုံး မီးလောင်ကျွမ်းပြီး လူဦးရေ ၁၁၅ ဦး အိုးမဲ့ အိမ်မဲ့ ဖြစ်ခဲ့ပါတယ်။ သတင်း-မင်းထီး

A d v e r t i s e m e n t With Us