မသန်စွမ်း သူငယ်ချင်းကို ၆ နှစ်လုံးလုံး ကျောပိုးကူညီပေးခဲ့သည့် ၁၂ နှစ်ကလေးငယ် (ရုပ်သံ)

ဒီအခြေအနေမှာ သူ့မိဘတွေက သူ့ကိုကျောင်းကိုသာ အကြိုအပို့လုပ်ပေးဖို့ တက်နိုင်ခဲ့ပြီး ကျောင်းတွင်းမှာ သူကိုယ်တိုင်လုပ်ရမယ့် အိမ်သာသွားတာ၊ အတန်းကိုသွားတာ စတာတွေကို လုပ်ဆောင်ဖို့ အခက်အခဲဖြစ်ခဲ့ပါတယ်။

ဒါပေမယ့် ကံကောင်းတောကတော့ သူ့မှာ ရူဘန်ယန်းလို သူငယ်ချင်း ကောင်းတဦး ရှိနေတာပဲဖြစ်ပါတယ်။

သူတို့နှစ်ဦးဟာ ပထမတန်းအရွယ်မှာ တင်တွေ့ဆုံခဲ့ကြပြီး ရူဘန်ယန်းက သူငယ်ချင်းဖြစ်သူ အိမ်သာသွားတာ၊ နေ့လည်စာသွားစားတာ စတာတွေလုပ်ဆောင်နိုင်ဖို့ ၆ နှစ်လုံးလုံး အကူအညီပေးခဲ့ပါတယ်။

“ကျနော်က သူ့ထက်လူကောင်ပိုကြီးတယ်လေ၊ ပြီးတော့ သူ့ကို ကျနော်မကူညီရင် တခြားလူတွေလည်း ကူညီမှာမဟုတ်ဘူး” လို့ ရိုးသားပြီး ရှက်တက်ပုံရတဲ့ ရူဘန်ယန်းက သတင်းထောက်တွေကို ပြောပြပါတယ်။

“ကျနော်က ၄၀ ကီလိုဂရမ် အလေးချိန်ရှိတယ်၊ ဇောင်ဇီကတော့ ၂၅ ကီလိုဂရမ်လောက်ပဲ လေးတယ်။ အဲဒီတော့ သူ့ကိုကျောပိုးသွားဖို့ ကျနော့်အတွက် အခက်အခဲမရှိပါဘူး” လို့လည်း သူကဆက်ပြောပါတယ်။

တကယ်လည်း ရူဘန်ယန်းက နေပူမရှောင်၊ မိုးရွာမရှောင် သူငယ်ချင်းကို ကျောပိုးပြီး အိမ်သာသွားတာကအစ ရေဘူးဖြည့်ပေးတာအဆုံး အကုန်လုံးကို ဆောင်ရွက်ပေးခဲ့သူလည်း ဖြစ်ပါတယ်။

“အစကတော့ ဇောင်ဇီကို ကူညီပေးတဲ့သူ နှစ်ယောက်ရှိခဲ့ပါတယ်။ ဒါပေမယ့် ပြီးခဲ့တဲ့ နှစ်နှစ်လောက်စပြီး တခြားကောင်လေးက သူ့ကျောင်းစာတွေနဲ့ အဆင်မပြေတော့လို့ ရူဘန် ယန်းတယောက်ပဲ ဇောင်ဇီအနားမှာ ကျန်ရစ်တော့တာပါ” လို့လည်း ဆရာမတဦးက ပြောပါတယ်။

ရူဘန်ယန်းဟာ ဇောင်ဇီအတွက် အကုန်လုံးကို ကြည်ကြည်ဖြူဖြူ ဆောင်ရွက်ပေးနေသူ ဖြစ်ပြီး ဒီလို လုပ်ပေးရလို့ ငြိုငြင်တာ၊ စောဒကတက်တာမျိုးလည်း တခါမှမရှိခဲ့ပါဘူး။

ဒါပေမယ့် သူ့ရဲ့အရွယ်နဲ့ မလိုက်အောင် လူသားဆန်တဲ့ လုပ်ရပ်ကို ကျောင်းက ဆရာမတွေပြောမှသာ သူ့မိခင်က သိခဲ့တာလို့လည်း သတင်းတွေမှာ ဖော်ပြပါတယ်။

“ရူဘန်ယန်းဟာ ကျနော့်အတွက်တော့ တကယ့်သူငယ်ချင်းကောင်းပါ။ နေ့စဉ်နေ့တိုင်းသူ ကျနော့်အနားမှာ ရှိနေပေးပြီး ကျနော်နဲ့ ကစားတယ်၊ ကျနော့်ကို စကားပြောတယ်။ ဒီလုပ်ရပ်တွေအား လုံးအတွက် ကျနော့်သူ့ကို အရမ်းကိုကျေးဇူးတင်ပါတယ်” လို့လည်း ဇောင်းဇီက ပြောပါတယ်။