A d v e r t i s e m e n t With Us

မြောက်ကိုရီးယား ပဲ့ထိန်းဒုံးကျည် စမ်းသပ်ခဲ့ခြင်း မဟုတ်ဟု အမေရိကန်ပြော

ဓာတ်ပုံ - AFP
အမေရိကန် ယာယီကာကွယ်ရေးဝန်ကြီးက ဧပြီ ၁၇ ရက်နေ့မှာ မြောက်ကိုရီးယား လက်နက်စမ်းသပ်တာကို အတည်ပြုခဲ့ပေမယ့် ပဲ့ထိန်းဒုံးကျည်စမ်းသပ်တာ မဟုတ်ဘူးလို့ ပြောလိုက်ပါတယ်။ ယာယီကာကွယ်ရေးဝန်ကြီး ပက်ထရစ် ရှန်နာဟန်က အဲဒီစမ်းသပ်မှုမှာ ပဲ့ထိန်းဒုံးလက်နက် မပါဝင်ဘဲ ဒီအတွက် အမေရိကန် စစ်ရေးဆောင်ရွက်တာမှာ အပြောင်းအလဲရှိမှာ မဟုတ်ဘူးလို့ ပြောပါတယ်။ ဒီစမ်းသပ်မှုနဲ့ပတ်သက်လို့ မြောက်ကိုရီးယားဘက်က ဗျူဟာမြောက် ပဲ့ထိန်းဒုံးလက်နက်သစ် စမ်းသပ်ခဲ့တယ်လို့ ပြောကြားထားပါတယ်။ ဒီစမ်းသပ်မှုဟာ လုပ်ဆောင်ဆဲ နျူလက်နက်ဆွေးနွေးပွဲတွေကို ပျက်ပြားနိုင်တဲ့၊ တားမြစ်ထားတဲ့ တာလတ်နဲ့ တာဝေးပစ် ဒုံးကျည်စမ်းသပ်တာတွေ ဖြစ်ပုံမရပါဘူး။ အဲဒီ နျူလက်နက်ဆွေးနွေးပွဲတွေကနေ နိုင်ငံခြားရေးဝန်ကြီး မိုက်ခ်ပွန်ပီယိုကို ဖယ်ရှားပေးဖို့ မြောက်ကိုရီးယားက အမေရိကန် အစိုးရကို တောင်းဆိုထားပါတယ်။ အမေရိကန် နိုင်ငံခြားရေးဌာနက မြောက်ကိုရီးယားရဲ့ စမ်းသပ်ချက်ကို သိရှိပြီး  မြောက်ကိုရီးယားနဲ့ အပြုသဘောဆောင်တဲ့ ဆွေးနွေးပွဲတွေ ဆက်လုပ်ဖို့ အသင့်ရှိတယ်လို့ ပြောကြားပါတယ်။

A d v e r t i s e m e n t With Us

More News
Up