A d v e r t i s e m e n t With Us

မြန်မာယူ-၁၈နှင့် ယူ-၁၅ ဘောလုံးအသင်းများ ဟောင်ကောင် ဖိတ်ခေါ်ဖလားပြိုင်ပွဲဝင်မည်

မြန်မာယူ-၁၈ နဲ့  ယူ-၁၅ လူငယ် ဘောလုံးအသင်းတွေဟာ  ဟောင်ကောင် ဖိတ်ခေါ် ဖလားပြိုင်ပွဲ Jockey Club International Youth Invitational Football Tournament 2019 မှာ ၀င်ရောက်ယှဉ်ပြိုင်ဖို့ ရှိနေတယ်လို့  မြန်မာနိုင်ငံ ဘောလုံးအဖွဲ့ချုပ်က ထုတ်ပြန်ပါတယ်။ ပြိုင်ပွဲကို ဟောင်ကောင်မှာ ဧပြီ ၁၉ မှ ၂၂ ရက်ထိ ကျင်းပမှာဖြစ်ပြီး အသက် ၁၈ နှစ်အောက်ပြိုင်ပွဲမှာ အိမ်ရှင် ဟောင်ကောင်၊ မြန်မာ၊ ဗီယက်နမ်နဲ့ စင်ကာပူအသင်းတို့ ပါဝင်ယှဉ်ပြိုင်ကြမှာပါ။ အသက် ၁၅ နှစ်အောက် ပြိုင်ပွဲမှာတော့ အိမ်ရှင် ဟောင်ကောင်၊ မြန်မာ၊ မလေးရှားနဲ့ စင်ကာပူ ယူ-၁၅ အသင်းများ ပါဝင်ယှဉ်ပြိုင်ကြမှာဖြစ်ပါတယ်။ မြန်မာယူ-၁၈ အသင်းကို နည်းပြချုပ် ဦးစိုးမြတ်မင်းက တာဝန်ယူထားတာ ဖြစ်ပြီး မြန်မာယူ-၁၅ အသင်းကိုတော့ နည်းပြချုပ် ကိုဂါ တာကူမားက တာဝန်ယူ ကိုင်တွယ်နေတာဖြစ်ပါတယ်။ ပွဲစဉ်တွေကိုတော့  ဧပြီ ၂၀ ရက်နေ့မှာ မြန်မာယူ ၁၈ နဲ့ ဗီယက်နမ် ယူ-၁၈၊  မြန်မာယူ ၁၅ နဲ့ မလေးရှား ယူ-၁၅ အသင်းတွေ ကစားရမှာပါ။ ဧပြီ ၂၂ ရက်မှာတော့  မြန်မာ ယူ-၁၈ နဲ့ စင်ကာပူ ယူ-၁၈ ၊ မြန်မာ ယူ-၁၅ နဲ့ စင်ကာပူ ယူ-၁၅ အသင်းတွေယှဉ်ပြိုင်ကစားရမှာ ဖြစ်တယ်လို့ အဖွဲ့ချုပ် ထုတ်ပြန်ချက်အရ သိရပါတယ်။ ဓာတ်ပုံ-MFF

A d v e r t i s e m e n t With Us

More News
Up