ကသာမြို့တွင် ဆီဘောက်ဆာကား ဆီဖြည့်စဉ် မီးလောင်၊ လူ ၄ ဦး ဒဏ်ရာရ
DVB
·
April 11, 2019
စစ်ကိုင်းတိုင်းဒေသကြီး၊ ကသာမြို့ တုန်းပေါကျေးရွာမှာ ဧပြီ ၁၁ ရက် မွန်းတည့် ၁၂ နာရီလောက်က ဆီဘောက်ဆာကား ဆီဖြည့်စဉ် မီးလောင်တဲ့အတွက် လူ ၄ ဦး ဒဏ်ရာရရှိခဲ့ပါတယ်။
ကသာမြို့ တုန်းပေါကျေးရွာ BOC ကုမ္ပဏီခြံဝန်းအတွင်း ယာဉ်အမှတ် MDY-9F-8719 UD အမျိုးအစား ၁၂ဘီး ယာဉ် ဂါလံ(၄၀၀၀)ဆံ့ ဆီဘောက်ဆာကားကို ဆီဖြည့်စဉ် မီးလောင် ခဲ့တာဖြစ်ပါတယ်။
ကသာမြို့နယ်မီးသတ်ဦးစီး ဦးအောင်ဖြိုးသူက “၁၂ ဘီး ကားပေါ်ကို ဧရာဝတီမြစ် အတွင်းရှိဆီတင်ယာဉ် ရေယာဉ်ပေါ်မှ ဆီတွေကို ကိုကိုမောင် ဦးဆောင်ပြီး ဆီဖြည့်ဂေါက် နဲ့ ဆီဖြည့်ရာမှ မီးလောင်မှုဖြစ်ပွားခဲ့တာ”လို့ ပြောပါတယ်။
အဆိုပါ မီးလောင်မှုကြောင့် ကိုကိုမောင် ရဲ့ ခန္ဓာကိုယ်တကိုယ်လုံး မီးလောင်ဒဏ်ရာရ (မစိုးရိမ်ရ)၊ ထွန်းဝေရဲ့ ခန္ဓာကိုယ်တကိုယ်လုံး မီးလောင်ဒဏ်ရာ (မစိုးရိမ်ရ)၊တင်ဖြိုးအောင် ရဲ့ ခန္ဓာကိုယ်တကိုယ်လုံး မီးလောင်ဒဏ်ရာ(မစိုးရိမ်ရ)၊ အောင်ကိုထွေး ရဲ့ ဝဲဘက် ခြေဖမိုး ဖူးယောင်ဒဏ်ရာ (မစိုးရိမ်ရ) ဒဏ်ရာတွေရရှိခဲ့ပါတယ်။
မီးလောင်မှုကြောင့် ပျက်စီးဆုံးရှုံးမှု ကာလတန်ဖိုး ကျပ် ၁၅၀၀၀ ဖိုးလောက် ပျက်ဆီးဆုံးရှုံးခဲ့ ကြောင်း မီးလောင်မှုဖြစ်ပွားခဲ့တာနဲ့ ပတ်သက်ပြီး မီးလောင်လွယ်စေတဲ့ စက်သုံးဆီကို ပေါ့လျော့စွာဆီဖြည့်ရာမှ မီးလောင်မှုဖြစ်ပွားစေခဲ့သူ ကိုကိုမောင်ကို ဥပဒေအရ အရေးယူ ဆောင်ရွက်နေတယ်လို့ သိရပါတယ်။
ကိုကိုလင်း(အင်းတော်)
