အသင်းဖော်များ၏ တိုက်တွန်းမှုကြောင့် ဆွာရက်ဇ် ဘာစီလိုနာ ရောက်ခဲ့ခြင်းဖြစ်ဟု ကာရေဂါ ပြော

ဓာတ်ပုံ - Getty Images
တိုက်စစ်မှူး လူးဝစ်ဆွာရက်ဇ်ဟာ အာဆင်နယ်အသင်းကို ပြောင်းရွှေ့ဖို့ စဉ်းစားခဲ့ဖူးပေမယ့် လီဗာပူးအသင်းဖော်ဟောင်းတွေဖြစ်တဲ့ ကာရေဂါနဲ့ ဂျရတ်တို့က ဝိုင်းပြီး ဖျောင်းဖျခဲ့လို့ ဘာစီလိုနာအသင်းကို ရောက်ခဲ့တာလို့ ကာရေဂါက ပြောပါတယ်။ လူးဝစ်ဆွာရက်ဇ်ဟာ လီဗာပူးအသင်းကနေ ထွက်ခွာဖို့ ပြင်ဆင်နေတဲ့အချိန်မှာ အာဆင်နယ်အသင်းကို ရောက်ရှိဖို့ နီးစပ်ခဲ့ပေမယ့် ဂျရတ်နဲ့ ကာရေဂါတို့ကြောင့် ဘာစီလိုနာအသင်းကိုသာ ရောက်ရှိခဲ့တာပါ။ ဆွာရက်ဇ်ဟာ အာဆင်နယ်အသင်းအတွက် အရမ်းကောင်းလွန်းတဲ့ ကစားသမား ဖြစ်နေခဲ့တာကြောင့် ဘာစီလိုနာကိုပဲ ပြောင်းရွှေ့ဖို့ တိုက်တွန်းခဲ့တယ်လို့ ဆိုပါတယ်။ ရီးရဲလ်မက်ဒရစ်နဲ့ ဘာစီလိုနာဆိုတာ ကစားသမားတိုင်းအတွက် အိပ်မက်ဖြစ်ပြီး ကမ္ဘာ့အကောင်းဆုံး ကစားသမားတွေ အနေနဲ့လည်း အဲဒီနှစ်သင်းမှာပဲ သွားရောက်ကစားသင့်တယ်လို့ ကာရေဂါက ဆိုပါတယ်။ ဒါ့အပြင် လက်ရှိအခြေအနေအရ ဆွာရက်ဇ်လိုပဲ အီဒင်ဟာဇက်လည်း ရီးရဲလ်မက်ဒရစ်အသင်းကို ပြောင်းရွှေ့သင့်ကြောင်း၊ လာမယ့် သုံးလေးနှစ်မှာ ကစားသမားဘဝ အကောင်းဆုံးအချိန်တွေ ကုန်ဆုံးတော့မှာဖြစ်လို့ ဆုဖလားတွေနဲ့ အောင်အောင်မြင်မြင် အဆုံးသတ်သင့်တယ်လို့ သုံးသပ်ပြောကြားခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up