တောင်ကိုရီးယားနိုင်ငံမှာ တောမီးလောင်တာကြောင့် လူတဦးသေဆုံးပြီး ဒေသခံ ၄၀၀၀ ကျော် ဘေးလွတ်ရာ ရွှေ့ပြောင်းခဲ့ရတယ်လို့ နိုင်ငံပိုင်မီဒီယာ ယွန်ဟပ်သတင်းဌာနက ဧပြီ ၅ ရက်နေ့မှာ ပြောပါတယ်။ နိုင်ငံအရှေ့ပိုင်းက ဂန်ဝမ်ပြည်နယ်မှာ ဧပြီ ၄ ရက် ညနေပိုင်းက တောမီး စလောင်ခဲ့တာပါ။ အဲဒီကနေတဆင့် ပင်လယ်ကမ်းနဘေးမြို့ဖြစ်တဲ့ ဆိုချိုမြို့ကို ဆက်ပျံ့နှံ့ခဲ့ပြီး မြေဧကပေါင်း ၉၅၀ လောင်ကျွမ်းခဲ့တဲ့အပြင် နေအိမ်၊ သိုလှောင်ရုံတွေနဲ့ တခြားအဆောက်အဦတွေ ၃၀၀ လောက် မီးလောင်ခဲ့တယ်လို့ တောင်ကိုရီးယား အစိုးရက ပြောပါတယ်။ ဒေသခံ ၄၀၀၀ ကျော်ဟာ အားကစားရုံတွေ၊ စာသင်ကျောင်းတွေမှာ ခိုလှုံနေကြရပြီး ဧပြီ ၅ ရက်နေ့မှာ အဲဒီဒေသက စာသင်ကျောင်း ၅၂ ကျောင်းကိုလည်း ပိတ်ထားရပါတယ်။ တောင်ကိုရီးယားသမ္မတ မွန်းဂျဲအင်းက တောမီးငြှိမ်းသတ်ဖို့ ရနိုင်သမျှ အရင်းအမြစ်တွေ အားလုံးကို သုံးဖို့ ညွှန်ကြားထားတယ်လို့ ပြည်ထဲရေးနဲ့ လုံခြုံရေး ဝန်ကြီးဌာနက ပြောပါတယ်။ တောမီးငြှိမ်းသတ်ဖို့ ရဟတ်ယာဉ် ၄၅ စီး၊ မီးသတ်ကား ၇၇ စီးနဲ့ မီးသတ်ဝန်ထမ်း ၁၃,၀၀၀ ကို နေရာချထားတယ်လို့ ယွန်ဟပ်သတင်းဌာနက ပြောပါတယ်။