A d v e r t i s e m e n t With Us

လိင်တူတပ်မက်သူများကို သေဒဏ်ပေးမည့် ဘရူနိုင်းအား နိုင်ငံတကာအသိုင်းအဝိုင်း ဆန့်ကျင်

လိင်တူချင်း တပ်မက်သူတွေနဲ့ အိမ်ထောင်ရေး ဖောက်ပြန်သူတွေအပေါ် သေဒဏ်ကျင့်သုံးတဲ့ ဘရူနိုင်းနိုင်ငံကို ကုလသမဂ္ဂ လူ့အခွင့်အရေးအဖွဲ့နဲ့ နိုင်ငံတကာ အသိုင်းအဝိုင်းက ဆန့်ကျင် တုံ့ပြန်နေကြပါတယ်။ ဗြိတိန်နိုင်ငံ လန်ဒန်မြို့က ဘရူနိုင်းဘုရင့်စံအိမ် အပြင်ဘက်မှာ လိင်စိတ်ခံယူချက် ကွဲပြားတဲ့ တက်ကြွလှုပ်ရှားသူတွေက သူတို့ရဲ့ အထိမ်းအမှတ် သက်တံရောင် အလံတွေကို ကိုင်ဆောင်ရင်း ဧပြီ ၃ ရက်က ဆန္ဒပြနေတာပါ။ လိင်တူချင်း တပ်မက်သူတွေနဲ့ အိမ်ထောင်ရေး ဖောက်ပြန်သူတွေအပေါ် သေဒဏ်ကျင့်သုံးတဲ့ ဘရူနိုင်းနိုင်ငံကို ဆန့်ကျင် ဆန္ဒပြတာ ဖြစ်ပါတယ်။ ဒီဆန္ဒပြပွဲကို ဗြိတိန်နိုင်ငံ လေဘာပါတီ ကောင်စီဝင် လူးဝစ် ကောက်စ်က ဦးဆောင်ပါတယ်။ ဗြိတိန် လေဘာပါတီခေါင်းဆောင် လူးဝစ်ကောက်စ်က "ဧပြီ ၃ ရက်က စပြီး ဘရူနိုင်းအစိုးရက လိင်တူချင်း ဆက်ဆံသူတွေနဲ့ အိမ်ထောင်ရေး ဖောက်ပြန်သူတွေအပေါ် သေဒဏ်ပေးမယ့် ဥပဒေသစ်ကို ကျင့်သုံးတာ မြင်ရလိမ့်မယ်၊ လိင်တူချင်း တပ်မက်သူတွေဟာ ဧပြီ ၃ ရက် နောက်ပိုင်းကစပြီး မသေမချင်း ကျောက်တုံးနဲ့ ပစ်ပေါက် သတ်ဖြတ်ခံရလိမ့်မယ်" လို့ ပြောပါတယ်။ ဘရူနိုင်းနိုင်ငံရဲ့ ရှရီးယားဥပဒေ ကျင့်သုံးမှုကြောင့် လိင်တူချင်း ဆက်ဆံတဲ့အတွက် သေဒဏ်ချမှတ်တဲ့ သတ္တမမြောက်နိုင်ငံ ဖြစ်လာတယ်လို့ လိင်စိတ်ခံယူချက် ကွဲပြားသူများအဖွဲ့ကြီး (ILGA) က ပြောပါတယ်။ မွတ်စလင်လူများစုရှိပြီး အရင်က ဗြိတိန်အစိုးရ အထိန်းသိမ်းခံ ဘရူနိုင်းအစိုးရကတော့ အစ္စလာမ္မစ် ဥပဒေ ကျင့်သုံးခွင့်ကို ခုခံ ပြောဆိုပါတယ်။ အစ္စလာမ်ဘာသာရဲ့ သင်ကြားမှုကို ဆန့်ကျင်တဲ့လုပ်ရပ်တွေ၊ ရာဇဝတ်မှုတွေက လွဲရင် ရှရီးယားဥပဒေဟာ ဘယ်ယုံကြည်သက်ဝင်သူကိုမဆို ဘယ်လူမျိုးကိုမဆို၊ ဘယ်နိုင်ငံသား လူ့အဖွဲ့အစည်းကိုမဆို လူတိုင်းရဲ့ ဥပဒေအရ ရပိုင်ခွင့်ကို ကာကွယ် လေးစား ပညာပေးဖို့ ရည်မှန်းထားတယ်လို့လည်း ကြေညာချက် ထုတ်ပြန်ပါတယ်။ ဥပဒေရဲ့ တချို့အပိုင်းတွေကိုတော့ မွတ်စလင် မဟုတ်သူတွေအပေါ်ကိုပါ ကျင့်သုံးမှာပါ။ တင်းကျပ်တဲ့ ရှရီးယားဥပဒေ ကျင့်သုံးမှုကို ဥရောပနဲ့ အမေရိကန်က နိုင်ငံရေးသမားတွေက ကျယ်ကျယ်ပြန့်ပြန့် ဝေဖန်ခဲ့တာပါ။ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး (UNHCR) ကလည်း ဒီဥပဒေသစ်ကို မကျင့်သုံးဖို့ ဘရူနိုင်းနိုင်ငံကို တိုက်တွန်းခဲ့ပါတယ်။ ကြိမ်ဒဏ်ပေးတာ၊ ကိုယ်အင်္ဂါအစိတ်အပိုင်းကို ဖြတ်တောက်တာနဲ့ သေဒဏ်ပေးတာတွေဟာ ရက်စက် လူမဆန်တဲ့ အပြစ်ပေးခြင်းပဲလို့လည်း UNHCR ရဲ့ ပြောခွင့်ရ ရာဗီနာ ရှမ်ဒါစာနီက ပြောပါတယ်။ "ဥပဒေကို အသက်သွင်းတာ ရပ်ဖို့နဲ့ ဘာသာရေးခေါင်းဆောင်တွေ၊ အစိုးရခေါင်းဆောင်တွေ၊ အရပ်ဖက် လူ့အဖွဲ့အစည်းနဲ့ ပြည်သူတွေနဲ့အတူ ညှိနှိုင်း အကြံယူပြီး ဘရူနိုင်းပြည်သူအားလုံးရဲ့ လူ့အခွင့်အရေးကို ထိန်းသိမ်းဖို့နဲ့ ရာဇဝတ်မှုကို တိုက်ဖျက်နိုင်တဲ့ ဥပဒေကို ပြုနိုင်ဖို့ ကျမတို့က ဘရူနိုင်းအစိုးရကို ဆော်သြပါတယ်။" အော်စကာဆုရှင် ရုပ်ရှင်မင်းသား ဂျော့ခ်ျကလူနေကလည်း လန်ဒန်နဲ့ ပါရီမြို့တွေမှာရှိတဲ့ ဘရူနိုင်း ရင်းနှီးမြှုပ်နှံမှု ကုမ္ပဏီပိုင် ဇိမ်ခံဟိုတယ်တွေကို သပိတ်မှောက်ဖို့ ဆော်သြခဲ့ပါတယ်။

A d v e r t i s e m e n t With Us

More News
Up